Isaya 65:7 - Bible en Guidar

⁷ Nənɗanək heslepe neti gəm heslepe net efiŋgiɗit sapə Yawe anahə, ndəɗaŋ məzuzlaŋ tursan aket mossorgoɗe tahəŋ əmasaŋ akaw aket mossorgoɗe gesiŋ wanəfə̃h an na makraw pakə wanəpsit meŋgesl wəza net dətoŋgu.

Isaya 65:7 ပူးပေါင်းရင်းမြစ်များ

1Milyeŋge 22:43

Adawək aka tive na Asa afən dekdeki, dəkoro koroh sa səka tive ɓa, təstəs adaɗɗa ama hara Yawe.

1Milyeŋge 22:44

Də as pak na, gəleɗe-nettuyeŋge dəzan kakãh ɓa'e: ɗiy tay əzbanən əzaɓ-Maŋgəlva, wəzlaŋ tursan addivit gəleɗe-nettuyeŋge.

2Milyeŋge 12:3

Yo'as agəɗək zəga moggon a mahara Yawe pay ənziya nan egge pakə, vi məsdələv Yoyada dəyagan səni.

2Milyeŋge 14:4

Gəleɗe-nettuyeŋge dəzan ɓa'e; ɗiy tahəŋ əzaɓaŋ-Maŋgəlva, tahəŋ əzlaŋ tursan addivit gəleɗe-nettuyeŋge.

2Milyeŋge 15:35

Də as pak gəleɗe-nettuyeŋge dəzaŋ ɓa; ɗiy azbanənək əzaɓ-Maŋgəlva də əzlaŋ tursan addivit əmpa. Ndəni dərka maddamba məɓayən na Gəla na Yawe.

2Milyeŋge 16:4

Azaɓək-Maŋgəlva, azlək tursan addəvit gəleɗe-nettuyeŋge, aket mossorgoɗe gəm ammba wəlaŋga mundufun pakə.

2Alabaraɗe Də Mabərkiziti 21:11

Nan van agəɗək gəleɗe-nettuyeŋge aket mossorgoɗe gugriɗ na Yuda, atoŋgit ɗiy na Yerusalem əɗɗa polkoyo gəm azet ɗiy na Yuda.

Əgilye 20:5

Kədappu' abet ɓa, kədawgəɗ sit wəza ɓa, vi intə Yawe Maŋgəlva noko, Maŋgəlva məskotorok məzəŋɗan mambray net efiŋgiɗit kirin en dəzelnən aket kirtit gap sayit hoku də poɗo

Isaya 10:12

An Daya agrakək wəza nan pak aka mossorgo na Siyon gəm a Yerusalem, wakkpaŋ aka məlĩ na Asiri, aka va adattəman a makran nawslan kizəni gəm aka ula neŋgres nani.

Isaya 13:11

Wanəzga' sən ənziya egge aka mambray nani, aka mambray net məsdarawɗe. Wanəziwgin əɓaygən kiya net məzuzelenən ɗəfa wanəmtan ənnek net məsdarawɗe.

Isaya 22:14

Daya Məzuɓappak aprəman suwək a sləmawa: sesel kavvuyon sukumi mambrayəs ɓa hã mənokum zamə. Daya Maŋgəlva Məzuɓappak anahə.

Isaya 26:21

Vi Yawe tay əgilyen sə təki asan yaŋka, kawsilyen aka mambray net ɗiy naka dəlva. Dələv warbet mbel an aɗemet appaka, wappan gabba əɗemet ɗiy en məbeyit əmpa.

Isaya 28:21

Yawe wasili va aka mossorgo metiŋ na Perasim; wakker sit herɗe va a walaŋ na Gabawən, vi kaɗɗa wəza nani, wəza naggət akani. Kaknahan wəza nan məs məsərəki dəndən ɓa!

Isaya 29:14

Vini kana, wanəzban əɗɗe sekeneɗ naggət aket sit ɗiyiŋki sekene aka sekene. Vi maɗɗula net məsmaɗɗulet dəzəgəni, əsən net məs əsən aket dəɗamgəni.

Isaya 3:11

Aw əray vi məsdaraw! Warah tatwãha; warah ammba vani.

Isaya 30:13

Vini kana, mambray vanəs wasan sukum va əpɗak na zlava məɓayən asna ndən ədakɗaya gurzik na ndən əɓzla aka ma taka wow.

Isaya 30:14

Əɓzla nan, wasan va əkrap na mesteɓe məs dəkrapə azaɓ na ɓa kawrəhni kasli nan a təki akrap kawgəm offo dəndən sə gulo ɓa, gəm kawmbaɗ iŋkile dəndən sə bobok ɓa.

Isaya 57:12

Naw wanərban təstəs noko ya wəza nok watəruk ɓa.

Isaya 57:7

Kəpekik kukurɗe nokum aket kuwneŋge məɓeyti. Adak kədawpeŋge kadawzaɓ-Maŋgəlva.

Isaya 59:18

Wafaɗ sən naway pak va aza wəza nani, wafaɗ sit məzuseɓ nan də ədagədəva, məzuzelɗe nan tam an dəslə azeti meseŋgiɗin nakki faraɗa wafaɗ sit an dəslə azeti.

Isaya 65:6

Zəga məverin abawi yi, nəsaw na ɓat ɓa wanəmpəlkiya dəreŋgə, wanəfə̃h an na makraw pakə.

Isaya 66:4

Nawa, wanəwel sit sãhã; wanəki zəgeɗ en nawgeslnegit aketi. Vi nəyeke ya ɗəf tay dəzlan su ɓa; nəpelke ya dəprəmwən ɓa. Aɗɗaŋgək mbərayən a maharawa, an məs aweleŋ na ndəni an nəzeli.

Yeremiya 13:25

An nawruhuk yaska, haran nok an səvawa, vi kəzgətək kiwa kəɗi kiyuk aka uwawəna Yawe aɗiymani.

Yeremiya 13:27

Əkəw a gizbe noko, fĩfĩ noko, wil na polkoyo noko! Nulek aket mossorgoɗe gəm awra, nulek zəgeɗ daryawɗe noko! Mə əray mi akokəŋ di Yerusalem, kawŋgəm əbbur zuk əzbaw ɓa! Ka dewe kandi?

Yeremiya 16:18

Wanəfaɗ sit heslepe net də mambray net təɓələn sula, vi arnokonənək dələv naw də kiygəbayit zəgeɗ daryawɗe neti, aknahənək dələv nawzəmgəla naw də zəgeɗ net mbəreyti.

Yeremiya 5:29

Nəhãy na aka wən net zəgeɗis ɓa sa? Yawe aɗiymani, gəm nəmpəl na kiya aket ɗiy məɗɗaŋ zev as ɓa sa?

Yeremiya 5:9

Nəhãy na aka wən net zəgeɗis ɓa sa? Yawe aɗiymani, gəm nəmpəl na kiya aket ɗiy məɗɗaŋ zev as ɓa sa?

Ezekiyel 18:6

awzəm addəv gela-net tuyeŋge ɓa; awla azet zəgeɗmeŋgilveɗ na Israyel ɓa; arnokot ga ɗəf ɓa; awzar azat guluk dit koɗɗe ɓa.

Daniyel 9:8

Yawe, wil akamə, aket milyeŋge namə, deyeɗe namə gəm efiŋgiɗmə vi məgəɗək mambray azoko.

Hose'a 11:2

Addereŋgək səba məzuyeti: sit Ba'alɗe azaɓaŋ sitin maŋgəlva, sit zeŋgilet zəgeɗ azlaŋ sitin tursan.

Hose'a 2:13

Wanəɓətgən ənnek nat pakə, wəzləra nata, təlaper də pay naffet nata, gəm dit wəkkalɗe na wawya nata.

Məsdəlveŋge 26:39

Ɗiy en səmmbokum məs dəssoŋ mederet aka dələv net məzuzelkuməni, waddakaŋ sən mambray neti gəm vi mambrayɗe net migilti, sap azan neti waddakaŋgə.

Əŋɗa 32:14

Ya yaŋ na, gebbet ɗiy mbəreyti, mokum aka əzban tilit efiŋgiɗkum, kawsilgin ədagədəv na Yawe aka Israyel!

Luka 6:38

Məpsit zəga, asna kapsukumi, əsla moggon pa' setete hã əggbo' adawziyaŋ sukumun ama lukut nokum metiŋginiŋka. Vi zəga məs kədawslenin ɗiy dəndənəŋka, dəndəni adawslukuməni.

1Tesaloniki 2:16

Atakmənək dawpel sit ɗiy-ɗar wən na Maŋgəlva məs nawkõhgiti, vi kaknahanən mambray net məs adaɗɗaŋ pay pakə, ya əgrak nan na, ədagədəv na Maŋgəlva atehik aketi.