Isaya 65:2 - Bible en Guidar

² Nətələk vaw pay pak kəlazet ɗiy məɓoŋti, məzəzbanən tive məza moggoni ɓa əzban əɗɗum neti.

Isaya 65:2 ပူးပေါင်းရင်းမြစ်များ

Va'Atəŋ 6:5

Yawe awla na, mambray na ɗəf titir adayək aka dəlvafuŋ: əɗɗum na makran aka mbərayən adawbay zən pay pak kaka'ə,

Gəlyaɗe 36:4

Əpel na man pak mbərayni, əraki; appanək gabba əsla zən də əɗɗa moggoni.

Gəlyaɗe 36:5

Mbərayən adaɗɗum aka ɓərzləma nani, ndən əziw aka tive daryaw, azgan mbərayən ɓa.

Wənməkkpaŋga 1:24

Adan nəyukumko, kəɓoŋgoŋko; nətəl sukumək vawa, ya ɗəf tay dəzlək sləma ɓa.

Wənməkkpaŋga 16:29

Məŋgəl əgay na, nan əmbəɗan galani, vi dəlgən aka tive məs tay moggon ɓa.

Isaya 1:2

Disiŋ, aprəma! Dəlvafuŋ, apak sləmoko, ha'aw Yawe dəpeli: Nəɓaygitik kirni akkpaŋgaŋgək ɗiy gugriɗe yas net aɓoŋgoŋ akawa.

Isaya 1:23

Ɗiy gugriɗ nok mitemtiŋgə, met təp dit məhelɗeŋgeŋ, naway pak tay əŋgla zəga na mekeleŋ, tahəŋ əzban zəga naɗɗa soko, aɗɗaŋ təstəs sən mitiwe ɓa, wən nat gagəbay awgepit ɓa.

Isaya 30:1

Yawe aɗiyman na: əray aket kirin məɓoŋti! Minaŋ wən məza dəde səzaw ɓa; minaŋ wənmiyna, məs tay addəv əɗɗum naw ɓa vi kakkalan mambray aka mambraya.

Isaya 30:9

Ɗiy mətemtiŋgə, kirin muwaŋ wənəŋgə, məs aprəmən mahenziŋ na Yawe ɓaŋgə.

Isaya 55:7

Məsdaraw dəppan tive nani, məs mambray dəppan əɗɗum nani, dəmil aza Yawe, nan wawəlsahã akani, aza Maŋgəlva namə, vi muvvuy mambrayi sawɓa.

Isaya 55:8

Vi əɗɗum naw va əɗɗum nokumi ɓa, tive nokum tive nawi ɓa Yawe aɗiymani.

Isaya 63:10

Yas net assoŋ məɓoŋti, adan sənən gədəv əmpəs nan salala. Akkpaŋgək məzuzel neti, akkpaŋgək əgay dənɗaŋgə.

Isaya 66:18

Nəsənək wəza gəm əɗɗum neti, pay naw agapək nakkelet mahəlfa net ɗiy pakə. An azzoŋko, wawlanən gagdak nawa.

Isaya 66:3

Mətaw wəla wasliya, tay əbay ɗəfa; məzaɓ-Maŋgəlva də wət time, aŋzləwək wəla kəra; məgəɗ su əvəla, avəl suwək də mbel na vedem; məs dəzlə su tursan, tay əki əzaɓ aka mbərayən. Net aweleŋgik tiveɗ neti tahəŋ ənnekeŋ də wəza net daryawɗeski,

Isaya 66:4

Nawa, wanəwel sit sãhã; wanəki zəgeɗ en nawgeslnegit aketi. Vi nəyeke ya ɗəf tay dəzlan su ɓa; nəpelke ya dəprəmwən ɓa. Aɗɗaŋgək mbərayən a maharawa, an məs aweleŋ na ndəni an nəzeli.

Yeremiya 18:12

Ya tay ənahaŋ na: Gabban tay ɓa, əɗɗum nam mədazba. Ɗəf pak wasan addəv ki ɓəɓəl nani, mbərayən mədaɗɗa.

Yeremiya 3:17

Pay nan dəpaska, Yerusalem adawyaŋ na mazaŋga na məlĩ na Yawe. Ɗiy-ɗar pak wakkalaŋ vi iya na Yawe a Yerusalem, azbanən na makra ɓəɓəl net mbəraynəŋ əmpa ɓa.

Yeremiya 4:14

Askoɓ mbərayən sə mokroko, Yerusalem, vi kəkõhgəni. Hã gap dehey kədappan əɗɗum nok mbəraynəŋ di?

Yeremiya 5:23

Ya kiyit ɗiyəŋ ɓəli, məɓoŋtiŋ. Aktuhunək dəɓeti, addoŋko,

Yeremiya 7:24

Ya dəprəmən ɓa, dəpakən sləmet ɓa. Azbanənək əɗɗum na makra ɓəɓəl net mbərayən, aktuhunək dəɓet suwa məza heret aziyaŋ akaw ɓa.

Əŋɗa 15:39

Kəguloŋgən lukutɗe də moksoyɗe azet kana, pay kədawlenin moksoyɗe vet na, wakəɗɗumonən əpel na ənziya an Yawe aɗi naɗɗa, wakəɗɗaŋ wəza dənɗaŋ. Vasna, kəppanən kizukum ətoŋ addəv matuya sən ərak na mokrokum may əsim zəga nawtoŋgukum addəv əɗɗa mambray ɓa.

Matiye 15:19

Vi sə makra ɗəfi, əɗɗumɗe mbəreyti, əbay gəbaya, əku a gizbe, polkoyo, əhãla, uwawəna gəm əpel mbərayən aket ɗiy adawgilyoŋ.

Matiye 23:37

Yerusalem, Yerusalem, is məbay məskəleŋɗe, məskə en məslən azok dit gərmeŋge. Təl gbəgbar nəŋgəl əkkelet ɗiy nok va gəmnda adakkelet kirtin ammba persleken di, ya kəŋgereŋ ɓa.

Luka 13:34

Yerusalem, Yerusalem, is məbay məskəleŋɗe, məskə en məslən azok dit gərmeŋge. Təl gbəgbar nəŋgəl əkkelet ɗiy nok va gəmnda adakkelet kirtin ammba persleken kawvoŋ aket di, ya kəŋgereŋ ɓa.

Roma 10:21

Ya aka wən net mə Israyelɗe na, amna: Nəsɓətək huruɓ ətəl vaw sit ɗiy məs aprəmaŋ ma ɓa, məɓoŋti.

Roma 2:5

Ya, də ki ɓəɓəl noko gəm mokrok məs awɗi marava ɓa, is tat əkkalan ədagədəv akoko, pay ədagədəva gəm ətawwən na Maŋgəlva də təstəs adarba,

Əmsak aka Mahenziŋ 29:19

Yawe aŋgəm na əvvuyon sən mambray nan ɓa; vi herɗe gəm ədagədev na Yawe waggbo'oŋ aka ɗəf nani, əray məverin naddəv ɗereweliŋ pak walapaŋ akani, Yawe wavvuyon iya nan səka dəlvafuŋ.

Əmsak aka Mahenziŋ 31:27

Vi nəsənək əɓoŋ nokum də kiyɓəɓəl nokum: gala in tat madaraw dəpaŋ a waloŋkum tagay, kəɓoŋgoŋguk aka Yawe, ya mbari an nəmtək kandi?

Əmsak aka Mahenziŋ 9:7

Aɗɗumoni, kədazgət na kədan sənək gədəv Yawe Maŋgəlva nok a kapta-muyã ɓa! Təŋ səza pay kəgil sə Eziptə gap əzza nokum a təkiyəŋka, məɓoŋkum kənanən aka Yawe.