Isaya 64:8 - Bible en Guidar

⁸ Kədəgədəv diyɗa akam ɓa Yawe, kədaɗɗum aka heslepe nam pay pak ɓa. Kamə awləm mənam pak na ɗiy nok mənani.

Isaya 64:8 ပူးပေါင်းရင်းမြစ်များ

Ɗerewel na Yob 10:3

Lawi azok kəzəmgugən sahã sa? Ka kazgan wəza na voko gəm kawɗi ki an məsdarawɗe aynaŋ sa?

Gəlyaɗe 100:3

Məsən na Yawe Maŋgəlva yi. Ndəni dəɗɗəmə, nan mənani, ɗiy nan mənani, gilew nawtaɗ nan mənani.

Gəlyaɗe 119:73

Voki dəzəməɗwa, dərkuwa; aprəman suwa, nəyegetgin wəsəɓɗe noko.

Gəlyaɗe 138:8

Yawe waɗɗa gərak viwa. Yawe, moggon nok hã faɗi yi! Kəppet wəzeɗe na vok ɓa.

Gəlyaɗe 74:1

Əpel-məmyã'ən na Asafə. Maŋgəlva vimi kəzgam faɗ ədagədəv nok hoɗhoɗ aka gazlaŋ kədawtaɗ di?

Gəlyaɗe 95:6

Mide! Məppu'gəni, məɓe'gəni; məgdukgən aba Yawe, məs dəzəməɗmə!

Əgilye 32:12

Vimi ka mə Eziptiɗ dənahaŋgən na: Sən ndarsaki agilgit vi kawbeyit aka mossorgo, kawzet səka dəlva. Azzayan mokrok səza ədagədəv noko, akkpaŋgan mok səka wəɗɗa mambray aket ɗiy noko.

Əgilye 4:22

Kənah səngən Farawən na: Vaŋki Yawe anahə: Israyel iyi wətu uwa maddaabəŋ nawa;

Isaya 19:25

Vi Daya Məzuɓappak waɗɗa əzaɓ akan də ənah na: «Əzaɓ dəsan aka Eziptə, ɗiy nawa, Asiri an nəzəməɗ də vawa, gəm Israyel, haran an dəsan su moggoni.»

Isaya 29:16

Əkkpaŋ mazarndaya nokuməŋka, kawgəmni məzərka ka dələv məkdəkan sa? Zəga mərkan wanah sən ɗəf məs dərka na: «Ndəni dəzaɓuh ɓa sa?» Zəga mərkan wanah sən məzərka na: «Zəga tay asən ɓa sa?»

Isaya 43:25

Naw, intə navvuyon əɓoŋ nok də əŋgla nawa nəɗɗum na aket mambrayɗe nok əmpa ɓa.

Isaya 43:7

Məs məyan də iya naw pak in nəzəməɗa, nərka ammba gagdak nawa, ha'aw in nəɗɗa.

Isaya 44:21

Aɗɗum aket zəgeɗiski Yakob, dit ɗiy na Israyel, vi gawla naw kənani. Nəɗɗuk na kəsokgən məgəɗ wəza nawi yi. Nəzgət na kiyuk ɓa, Israyel.

Isaya 44:24

Aŋki an Yawe məzukõhguko, məs dezəməɗuk addəvət mok far anahə: «Intə Yawe, məs dəɗɗa an dəsan pakə. Intə takərgu nəpak disiŋ. Pay nəsloprokon dəlvafuŋgu, naway dəsan dəndu di?

Isaya 45:11

Aŋki an Yawe, Salala na Israyel, dəzəmiɗ ɗiyis anahə: Mənokumtə nattokow aket zəgeɗ nazzoŋ aket kirtu gəm nawɗi su wən nan aka an nədaɗɗa sa?

Isaya 45:9

Əray aka ɗəf mərəm mama aza məs dəzəməɗa, vi mesteɓe yi aret mesteɓet na dələv mbirti! Məsteɓe wanah sən ɗəf məs dərka na: mə kəgəɗəŋ di sa? Zəga tay vok asən ɓa sa?

Isaya 57:16

Vi nəgay na dənɗaŋ hã faɗ ɓa nədə na gədəv ka faɗ ɓa. Vi əmpəs gəm zeŋgilet ɗiy nəzəməɗ məs dəssoŋ abaw adaddak ɓa.

Isaya 60:21

Ɗiy nok beymet wassoŋ təstəs hã faɗə, dələv wasan ka neti. Wəlaŋga məs nəmpə yi wəza na vawa, vi karban gagdak nawa.

Isaya 63:16

Vi istə afəmə, Abraham dəsənəm ɓa, Israyel dəsənəm ɓa; is Yawe tə afəmə, is məs adawyukun far na Məzukõhgəmə.

Isaya 63:8

Yaŋ anah na, net ɗiy nawəŋgə, kirin məs awaŋwən ɓaŋgə. Asanək məzukõh neti.

Isaya 9:6

Waɓaygən gagdak na məlĩ nani, wapsən zazay gəm əzəm məlĩ məza əgrak ɓa sən Davit. Wasɓan aka məlĩ nani, watawwən net ɗiy təstəs aka tiveni, təŋ kakaŋka hã faɗə, aski an Daya Məzuɓappak adaɗɗa addəv əŋgla nani.

Yeremiya 31:9

Də əhəm adazzoŋgu, addəv əɓuh met nədawketi. Wanəke emet iŋkile a məlpa dəka tive an sarara, askotoŋ na akan ɓa vi intə afən Israyel Efrayim yi Tizi nawa.

Malakiya 2:10

Afəm takay ɓa sa? Maŋgəlva taka dəzəməɗəm ɓa sa? Vimi mədazəm ki zəm əraygən wənmiyna net efiŋgiɗəm di?

Yohanna 8:41

Nokum, wəza na afukum kədaɗɗaŋgə. Yaŋ aɓsənən kan na: Nam uwa na sulom mənan ɓa, afəm taka yi, ndəni Maŋgəlva.

Galatiyen 3:26

Vi mənokum pak kirtin Maŋgəlva kənanaŋgə, vi kəɗiyən ətaf nokum addəv Yesu Kristu.

Galatiyen 3:29

Ya an na Kristu kənanaŋ, asna uwa na Abraham kənanaŋ, va aza iynama na, məzəmgəlaɗe kənanaŋgə.

Efesus 2:10

Vi wəza na van mənani, azəməɗəm addəv Yesu Kristu viyit wəzeɗe mogget məs azaɓet dafsən ka mədawgən addivti.

Əmsak aka Mahenziŋ 32:6

Sən Yawe kədaɗɗaŋ vas sa, ɗiy mətemit məza maɗɗulet ɓa? Ndəni afukum məs dəzəməɗkum ɓa sa? Ndəni dəɗikum ka ɗiy nan ɓa sa?

Əmsak aka Mahenziŋ 9:29

Ya ɗiy nokəŋ, nawray noko, məs kəgilgit də gbogboŋ nok metiŋgini gəm də vok paparə!»