Isaya 62:2 - Bible en Guidar

² Ɗiy-ɗar wawlanən təstəs noko, məlyeŋge pak wawlanən gagdak noko. Kawyuki də iya meleketen məs ma Yawe adawɗiya.

Isaya 62:2 ပူးပေါင်းရင်းမြစ်များ

Va'Atəŋ 17:15

Maŋgəlva apsən Abraham na: «Kədawyət ɗak nok Saray əmpa ɓa, iya nat dəsan na Sara.

Va'Atəŋ 17:5

Kawyukiy də iya na Abram əmpa ɓa, iya nok wasan Abraham, vi wanəkkpaŋgok afit ɗiy diyɗa

Va'Atəŋ 32:28

Aɓsən na: «Mbari iya nok di?» Amna: «Yakob.»

Gəlyaɗe 98:2

Yawe arbanək əska wəla nani; arbanək təstəs nan a maheret ɗiy-ɗarə.

Isaya 1:26

Wanəkkpeŋget mətawaŋwən nok va lahəŋka, gəm məzəsəɓ sukun aka ədaw nok va aka ətəŋga. Asna kawyuki Walaŋgəla-metiŋgin na təstəsə gəm Marba Walaŋgəla-metiŋ moggoni.»

Isaya 26:2

Məkol metiveɗi, ɗiy təstəs məs akkpaŋganən met ɓa dətoŋgoŋgu.

Isaya 43:7

Məs məyan də iya naw pak in nəzəməɗa, nərka ammba gagdak nawa, ha'aw in nəɗɗa.

Isaya 49:23

Milyeŋge wassoŋ ka ɗiy nazgəlkuni, gil net milyẽŋge wadiɗkuni. Wappu'oŋ aboko, watarna'ən hologudum naza təlko. Wakəsən na intə Yawe, ɗiy en dəɗinən əɗɗum net akawa, arbaŋ na wil ɓa.

Isaya 49:6

Anahək na: Əssa gawla naw ka kawslan zev Yakob gəm kawtər məs dəndəwəɗaŋ na Israyeləŋ agəska. Nəɗikuk əkeɗeɗe net ɗiy-ɗarə, vi əkõh naw dəgapgən a təki məs dələv abaymani.

Isaya 52:10

Yawe arbanək gbogboŋ nan addəv salala nan a maheret ɗiy pak appaka ta'ə. Təki dələv abay man pak wawla əkõh na Maŋgəlva namə.

Isaya 56:5

asna eŋgil anawda gəm addəv zlava naw na wanəpsit təki gəm iya na sləma day kiyən net kirin mezeŋgleket dit muguluŋgiti. Iya an faɗ nədapsiti, azə na ɓa.

Isaya 60:11

Pay pak metiveɗ nok wassoŋ viŋŋge, dəfəɗ də kapay pak kamseti yi ɓa, vi kawki suk arya net ɗiy-ɗar dit milyeŋge net ammba zit teptepi.

Isaya 60:16

Wakəɗəm moŋvo net ɗiy-ɗarə gəm wakəzəm arya net milyeŋge. Akəsən na: Intə Yawe məzukõhguko, Məzuɓappak na Yakob məzubitko.

Isaya 61:11

Vi va dəlvafuŋ adawgilgin zəga nakani, va guli adawgilgit zeŋveɗe nani, vaski Daya Maŋgəlva adawgilgin təstəsə gəm əɗi kiya abet ɗiy-ɗar pakə.

Isaya 61:9

Kawsənniyi mazlalwã nokum kawsəntiyi kirtukum sə weleŋgit ɗiy-ɗarə. Ɗiy dulenin pak wasənnən na, mazlalwã məs Yawe azaɓani yi.

Isaya 62:12

Kawyeti na: «Ɗiy salala», «Məbitit na Yawe»; nok kawyuki na: «Məŋgluni», «Walaŋgəla-metiŋ məs məzgani ɓa».

Isaya 62:4

Kawyuki əmpa na: «Məzgani» ɓa, sən dələv nok tamə, kawnah səni əmpa na: «Məpiweni» ɓa. Vi nok kawyuki na: «Ənneke» dələv nok tamə: «Məɓelta», vi Daya waɗi ənnek nan akoko, dələv nok tamə, kawɓelni ka gulku.

Isaya 65:15

Məweleɗe naw wayanən iya nokum addəv əsway neti, wanahaŋ na: «Kəta Yawe Maŋgəlva dəbayuk va ɗəf ana awaniɓa va na ɗəf anda!» Ya kawyeti məɗɗaŋ wəza naw də iya mbərni.

Isaya 66:11

Wakəwaɗaŋgə wakəbaŋ dit bide məsokonən makra ɗəfa wakəsenini, zukum dənnekgin dit bide na gagdak nani.

Isaya 66:12

Vaŋki Yawe anahə: Zazay wadaw loklok va məlpa addəvən, gagdak net ɗiy-ɗar wadaw va guzlo məknahən. Nokum wakəwaɗaŋgə kawslokumi a persleke ɗəf sləkə kasmaygukumi aka takpra ɗəfa.

Isaya 66:19

Wanəziwgin zəga narban gagdak naw aweleŋti. Wanəslin ɗiy en dəndəwəɗaŋ aret ɗiy na Tarsis, Pul, Lud, dələv net məhoŋ herɗe net ɗiy na Tubal gəm Yavan gəm aket mətuwəraɗe faraɗa məs dəprəmən wən naw ɓa, dulanən gagdak naw ɗah ɓa'a. Neti warbanən gagdak naw aweleŋgit ɗiy-ɗarɗeski.

Yeremiya 33:16

Aka pay nanəska, kawkõhgəni Yuda, Yerusalem wasan fedeŋge. Va adawyanən yaŋka: «Yawe yi təstəs namə.»

Yeremiya 33:9

Wakkpaŋ azaw iya na ənnek də əɗi kiya, ka zəga na gawla azet ɗiy naka dəlvafuŋ məs dədapprəmnən moggon an nəgəɗ sitiŋ pakə. Wakkereŋgi, wassoŋ gərəŋ aka wən na moggoni gəm aka wən na zazay məs nəgəɗ sit gbaŋkəŋka.

Mika 5:8

Aslan vok aket məzuzelɗe noko, məzuseɓɗe nok pak dəmtaŋgə!

Wəza net Masləŋɗe 11:26

Səza arəha, akiyək a Antiyos. Aɗɗaŋgək əzva ŋgbuɓɓo aka əsap dit məzutafaŋ gəm əɗɗa əyak sit ɗiy diyɗa. A Antiyos yi mətəŋ əye məzutafaŋ na məkristuɗe.

Wəza net Masləŋɗe 26:23

Kristu wazəm sahã, ndəni dədawsilyen daabəŋ səka əmta, vi karban əkeɗeɗe nawkõh sit mə Yudeɗ dit ɗiy-ɗarə.

Wəza net Masləŋɗe 9:15

Daya aɓsən na: Doko, vi zəga an nəwel dərbangən iya naw azet ɗiy-ɗarə, azet milyeŋge gəm azet mə Israyelɗe yi.

Kolosi 1:23

an mənokum tat addəv ətaf ziw ɓəlɓələ, məza əppan zukum əkukum faraɗa səza əga na Alabara Nenek məs kəprəmaŋgəŋ ɓa, məs məpel wən nan aza an məzəməɗən naka dəlvafuŋ pakə, məs in Pol nəkkpaŋ məgəɗ wəza nanəŋka.

Hənhən 2:17

Ɗəf məs də sləman, dəprəm an məs Əmpəs adawnah sit gəleɗe na Maŋgəlva: Sən məskəwəla pak wanəpan manhu məɗamani, wanəpan gərəm babar məver iya meleketen akani, ɗəf tay nawsən iya van abbər ɗəf məs məpsən ɓa.

Hənhən 3:12

Məskəwəla na, wanəɗɗa dəsangən dədəka addəv gəla na Maŋgəlva nawa, agil na əmpa ɓa, wanəver iya na Maŋgəlva naw akani, gəm iya na walaŋgəla-metiŋ na Maŋgəlva nawa, Yerusalem meleketen dədawpirken sə disiŋ səza Maŋgəlva nawa, gəm iya naw meleketeni.