Isaya 61:8 - Bible en Guidar

⁸ Vi in Yawe, wən an tətəs nədaŋgla, naŋgla zəga məhãlən addəv əvəl nawzla kurmbuɗuk ɓa. Wanəpsukum zəga na vokum gesiŋgesiŋ, waniynan wənmiyna an faɗ də mənokum.

Isaya 61:8 ပူးပေါင်းရင်းမြစ်များ

Va'Atəŋ 17:7

Wənmiyna naw də isi, gəm sayit ɗiy dədazzoŋ dərɓogoko; wənmiyna faɗəs waɗiyu ka Maŋgəlva noko, gəm ka net kirtuk dədazzoŋ dərɓogoko.

2Samiyel 23:5

Vaski gəla naw aza Maŋgəlva ɓa sa? Vi wənmiyna an faɗ avayə, məzaɓan pakə, aɗi lewlew gusu. Əska wəla naw də an nəŋgəl pak tay əɗɗet ɓa sa?

Gəlyaɗe 105:10

Aɗiyək va mahenziŋ sən Yakob, ka wənmiyna sən Israyel hã faɗə,

Gəlyaɗe 11:7

Vi Yawe təstəsi yi; wəzeɗe en təstəs adaŋgla, ɗəf məs makran barə wawla harani.

Gəlyaɗe 32:8

Wanəyogoko, wanərban suk tive məs kədazba, wanəpsuk pepete, wanəzi haraw akoko.

Gəlyaɗe 33:5

Aŋgələk təstəs də wən sarra; dəlvafuŋ aknahək də moggon na Yawe.

Gəlyaɗe 37:28

vi Yawe zəga də tiven aŋgələ, awndol ɗiy nan mogget ɓa, tay əget pay pakə, ya mazlãlwẽt məsdarawɗe wazə.

Gəlyaɗe 45:7

Maŋgəlva, mazaŋga na məlĩ nok faɗi, zleŋ na məlĩ nok zleŋ təstəsi yi, na sete yi.

Gəlyaɗe 50:5

«Məkkelet su ɗiy nawa, məs diynaŋ wənmiyna də in də əzaɓ-Maŋgəlva!»

Gəlyaɗe 62:10

Ha'aw, ɗəf titir va enene yi ɗarə; ɗəf titir uwawəni kaka'ə. An məslani gagdak net sap na, kofot kofotəŋ dayki enene.

Gəlyaɗe 99:4

Gbogboŋ na məlĩ na, əŋglu zəga də tiveni. Istə kəsɓan əssa təstəsə. Istə kəɗɗa ədaw sarra də təstəs a Israyel:

Wənməkkpaŋga 3:6

Tive an kəgəm pak, asən na tay, nan wakkpeŋget tiveɗ nok sarara.

Wənməkkpaŋga 8:20

Aka tive na təstəs nədawdawa, aka tive na an dəslə.

Isaya 28:17

Wanəɗi an dəslə ka helege, təstəs tam ka zəga nawziwgin ərka. Ya ɓeɓrezle wazan təki nawɗam net tepelke, iŋkile wakanən təki nawsor nokum.

Isaya 30:18

Vi vaski Yawe waga pay nawgəɗ sukum mbəlembəle, wasil vi kawla sãsãhkum. Vi Yawe Maŋgəlva təstəsi. Zazay azet ɗiy en məzuganən pakə.

Isaya 5:16

Yawe Məzuɓappak warban gagdak nani də wətaw wəna; Maŋgəlva salala warban salala nan də əɗɗa təstəsə.

Isaya 54:10

Kəta mossorgoɗe gugriɗe dəddereŋgi, mossorgoɗe dəɓzlaŋ zlaŋgə, moggon naw viyuk adder na ɗah ɓa, wənmiyna na zazay naw aɓəl na ɓa. Vas Yawe məwəl sahã akok anahə.

Isaya 55:3

Məpak sləmokum, mide azawa. Məprəma, wakəssoŋ madorokum. Waninə wənmiyna an faɗ vikum, sesel wanəziw aka moggon na Davit.

Isaya 56:1

Vaŋki Yawe anahə: Mərma an dəslə, məgəɗ an təstəsə, vi wəkõh naw go'oy əzzani. Təstəs naw warbə.

Isaya 66:22

Yawe aɗiyman na: Wanəzəməɗ disiŋ gəm dəlvafuŋ meleketeni, wassoŋ faɗ abawa. Vaski uwa nokum gəm iya nokum adawsan faɗə.

Yeremiya 32:40

Wanəziwgin wənmiyna dənɗaŋ faɗə, nəmil na səmmbet ɓa vi kawgəɗ sit moggoni, wanəɗi geslne' naw a mekreti vi əzaraŋ faraɗa səzawa.

Yeremiya 9:24

Yawe aɗiyman na, pay wade in kawtawwən aket ɗiy en dəskəlaŋ awra na gəɓa ziti:

Ezekiyel 16:60

Naw wanəɗɗumon wənmiyna naw də is far səka gore noko: wanəziwgən wənmiyna də is ka faɗə.

Ezekiyel 34:25

Waniynan sit wənmiyna na zazaya, wanətek zəgeɗ derewit səka dəlev vani, wassoŋ də gəla a kapta-muyã fendeŋge, waleŋgeŋ addəvit wəleŋɗe ŋgərəɓə.

Malakiya 1:13

Ya mənokum wənah na: «Mula, əyan ɗəf miyi aŋ di» mənokum wəppan də wəzeleni, Yawe Məzuɓappak anahə. Mənokum wəkiyan zəga mamayã məhãlən awaniɓa vədal, awaniɓa məsgbəgba'a, mənokum əɗɗa əvəl dəndən. Yawe amna wanətaf səvokum sa?

Matiye 23:13

Əray akokum, munokum mərbaŋ-mahenziŋ dit Farisaɗe, məs muluvuluvuɗe, munokum tat əmpan maddamba na məlĩ na disiŋ səbet ɗiyi. Munokum zək nokum vani, kawtoŋgoŋ ɓa, ya kəppetin ɗiy en dəŋglaŋ ətoŋ dətoŋgoŋgən ɓa. [

2Tesaloniki 3:5

Daya dəɗi makrokum aka əŋgla na Maŋgəlva gəm aka əɓəs na Kristu.