Isaya 61:7 - Bible en Guidar

⁷ A gəlet wili, wakərəhaŋ əzaɓ təl sula. Mbək əra namet ɗiy əsan ka nokum, wakəzəmaŋ gəla aza dələv net təl sula, ənnek wasan sukum hã faɗə.

Isaya 61:7 ပူးပေါင်းရင်းမြစ်များ

2Milyeŋge 2:9

Adan adaggaraŋgə, Eliya aɓsən Elisa na: «Assõhu, miy kəŋgəl nəgəɗ sukgən tak məgəmwi səzok tagay ɓaŋ di?» Elisa amna: «Kamə, kəta əmpəs nok dəde təp sula akawa!»

Ɗerewel na Yob 42:10

Gala Yob adakkam ammbet beynegiɗni, Yawe akkpaŋganək a gəlan va lahəŋka, Yawe awanək ərəh na Yob pak təl sula.

Gəlyaɗe 126:5

Məzəzlgaŋ dit sin areti wakkalanən də wənneke!

Gəlyaɗe 16:11

Wakərban su tive na zeŋgile; ənnek metiŋgin tay aboko, aka dəzəŋ nok na, ənneki hã faɗə.

Isaya 35:10

Ɗiy en Yawe akõhgit wamilyoŋ adaka. Wagapaŋ a Siyon də əŋzla vaŋvəl sən ənneke. Wassoŋ pay pak addəv ənneke. Ənnek waknihe, əhəm gəm əya net waggrakə.

Isaya 40:2

Məzzayan makra Yerusalem, məprəman sən na wəza tatwãh nan agrakka, vi afaɗək mambray nani, arahək tatwãh təl sula səva Yawe aket mambrayɗe nan pakə.

Isaya 51:11

En Yawe apet wamilyoŋgu. Wazzoŋ a Siyon də vaŋvəl nanneke, də ənnek an asərəkaŋ aka maɗɗuleti də ənnek metiŋgini gəm də wəɗɗəla, wəhəm də əɓuhma assoŋ na ɓa.

Isaya 54:4

Kəgeslne ɓa, karbəsuki wil ɓa, Kəzlzlaɓ ɓa, wil adukun ɓa, wakəzgət ki ərba wil nok naka gore, kəɗɗumon na ərba wil nok nassa gagəbay əmpa ɓa.

Isaya 60:15

Nazga kənan kəta, nawzele ɗəf atoŋ na dəkok ɓa. Ya wanəɗiyuk addəv ənneke, wakəsok təki nannek hã faɗə.

Isaya 60:21

Ɗiy nok beymet wassoŋ təstəs hã faɗə, dələv wasan ka neti. Wəlaŋga məs nəmpə yi wəza na vawa, vi karban gagdak nawa.

Isaya 65:13

Vini Yawe Maŋgəlva anah na: Məɗɗaŋ wəza naw wazəmaŋ yaŋka, nokumu, may wadukum. Məɗɗaŋ wəza naw wasaŋ yaŋka, nokumu, meme wadukuməni. Məɗɗaŋ wəza naw wassoŋ addəv ənnek yaŋka, nokumu, wil wadukum.

Sefanya 3:19

In yakəŋ əsilyaw aket məs dəsərnən mokum dəpaska, wanəkõhgit timeŋgiɗ vədalɗe, wanəkkelet məzeti. Wanəɗi kiyti, sləmet wabbal aka dələv məs arban wil adak pakə.

Zakarya 8:12

Vi wanəzlga zazaya, megezlembirke wawə, dəlvafuŋ wazaɓ zəga, disiŋ wazi minɗe nani, zəgeɗis pak wanipsit madembirgit ɗiy naw ka neti.

Zakarya 9:12

Məmndoŋ addəv zlava mərkani, məfərsəneɗ məs əɗɗum nawrəh zəga. Dəpaŋ na, nənahək na: wanəfaɗ suk wəya nok zlaɓ sula.

Matiye 25:46

Net waddoŋ a təki nawzəm sahã an faɗə, ɗiy en təstəs addəv zeŋgile an faɗə.

2Korintus 4:17

Vi əzəm nam kakaŋkəŋ kafkafi aza teɓelteɓel na gagdak an faɗ məs adawzaɓan səmə.

Əmsak aka Mahenziŋ 21:17

Tizi wətət guluk məs dəŋgluwət ɓaŋki adawla ka daya nan dərəŋ, haran nan sula adapsən səza zəga nan pakə: Vi wiynəski mbel na gawla nani, ndəni də tive nawzəmgəla.

2Tesaloniki 2:16

Daya nam Yesu Kristu zək nani gəm Maŋgəlva Afəmə, məs dəŋgluwmə, dəpsəm əsɓan makram gəm əga moggon də mbəlembəle nani,