Isaya 61:6 - Bible en Guidar

⁶ Kawyukumi na məsdəlveŋge na Yawe, Kawɗikumi məɗɗaŋ wəza na Maŋgəlva namə; wakəzəmən arya net ɗiy-ɗarə, wakəkaɓaŋ də gagdak neti.

Isaya 61:6 ပူးပေါင်းရင်းမြစ်များ

Əgilye 19:6

Wakəssoŋ suwən ka məlĩ net məsdəlveŋge, Kirtindələv en salala. Aski əpel an kədawnah sit mə Israyelɗe.»

Isaya 23:18

An arah gəm an məfaɗ səni, kepsini sən Daya. Kakkeleti ɓa, kawzeɓeti zaɓ ɓa, ərəh nan wasan ka nawzəm kpe' gəm əgul na sləma sit ɗiy məɗɗaŋ wəza aba Daya.

Isaya 54:3

Vi kəlaka zlaɓay gəm dəka dəzəŋ kədazlzleten zuko; kirtuk wazəmən dələv net ɗiy-ɗarə, waknahin walaŋgəleɗe gugriɗ nok məs ɗiy tahəŋ addivit ɓa.

Isaya 56:6

Molhõyẽɗ məs dəsapaŋ aza Daya vi kawgəɗ sən wəza, məs dəŋgluwən iya na Yawe vi kasso məgəɗ sənən wəza, naway di pak məs dərma pay naffet məza əraygən ɓa gəm məs dəziweŋ aka wənmiyna nawa,

Isaya 66:12

Vaŋki Yawe anahə: Zazay wadaw loklok va məlpa addəvən, gagdak net ɗiy-ɗar wadaw va guzlo məknahən. Nokum wakəwaɗaŋgə kawslokumi a persleke ɗəf sləkə kasmaygukumi aka takpra ɗəfa.

Isaya 66:21

Wanəgəm ɗiy sə weleŋgit ka məsdəlveŋge gəm ka mə leviɗe Yawe anahə.

Yeremiya 33:18

Ɗiy məsdəlveŋge mə leviɗe arslaŋ na səbaw nawzla əvəl nawzla kurmbuɗuku, gəm nawzla tursan, gəm nawtaw wəlet zəgeɗ pay pak ɓa.

Ezekiyel 14:11

Vi adawzetin ɗiy na Israyel əmpa səmmbaw ɓa, adarnokonən zit əmpa də wəɓoŋ net ɓa, wassoŋ ka ɗiy nawa, naw wanəsaw ka Maŋgəlva neti, Daya Yawe aɗiymani.»

Roma 12:1

In tat əɓɓəlokum kana milmiŋgiɗwa, də ulasahã na Maŋgəlva kərahaŋgəŋ na, məpsən zukum ka əzaɓ-Maŋgəlva madarani, salala, məs dəslə sən Maŋgəlva. Aski əpəl nokum dəslə na əpalən.

1Korintus 3:5

Naway Apollos di? Naway Pol di? Məɗɗaŋ wəza məs kərah ətafaŋ sə kəlazetiŋ, naway pak va aza an Daya apsən sə walaŋti.

1Korintus 4:1

Muləm va məɗɗaŋ wəza na Kristu, va ɗiy məs məppan sit wən məɗama na Maŋgəlva aveti.

2Korintus 11:23

Məɗɗaŋ wəza na Kristu wəŋ sa? Anəpel va na dərwa: In dayə. Addəv əya, in dayə; əssa a fərsəna, in dayə; ərəh ərga, in day pelepele. Addəv mandara namta, naw təl ɓaɓayə.

2Korintus 6:4

Addəv zəga pak mənam tat ərban dərəŋ na, məɗɗaŋ wəza na Maŋgəlva mənan də əɓəs diyɗa addəv tatwãhã, addəv vavyakə, addəv geslne.

Əmsak aka Mahenziŋ 18:2

Dələv net mə levi tay awaleŋgit milmiŋgiɗit ɓa: Yawe yi haran neti, va apel siti.

1Piyer 2:5

Nokum van kpakə, va gərmeŋge medereti, məssoŋ mərkukum ka gəla nassa na Zeŋgile Salala, ka əsap net məsdəlveŋge salala napsən əzaɓ-Maŋgəlva na əmpəs sən Maŋgəlva məs adawtaf də Yesu Kristu.

1Piyer 2:9

Ya nokum, mahəlfa an muwelin kənanaŋgə, məsdəlveŋge na məlyã, kirtindələv en salala, ɗiy məs Maŋgəlva abit kənanaŋgə, vi kərbanəngən wəza gagdak na məs dəyukum səra guzli ara əkeɗeɗe nani.

Hənhən 1:6

Akkpaŋgamək ka ɗiy naka dələv na məlĩ nani, ka məsdəlveŋge na Maŋgəlva Afəni, gagdaka gəm əɓap nani hã faɗə. Amin.

Hənhən 20:6

Əzaɓi gəm zazayi azet ɗiy məs dədawsilyoŋ səka əmta an daabəŋ. Əmta masula'ən tay də gagdak aket ɓa, wassoŋ məsdəlveŋge na Maŋgəlva gəm na Kristu, wazəmaŋ məlĩ də Kristu wəzva gabalə.

Hənhən 5:10

Yaŋ kəɗɗe dəssoŋgən məlyeŋge gəm məsdəlveŋge na Maŋgəlva, wazəmaŋ məlĩ aka dəlvafuŋgu.