Isaya 61:3 - Bible en Guidar

³ Vi kawɗup kulpupu na məlĩ sit məzuɗəkaŋ na Siyon, kapsit kulpupu na məlyã, məza moŋglo ɓa; mel nanneke, məza əɗəka ɓa; lukut nawɗikiya məza na əddak ɓa. Kawyeti na: Wəlaŋga məpsən gagdak sən Maŋgəlva, guli na Yawe vi karban gagdak nani.

Isaya 61:3 ပူးပေါင်းရင်းမြစ်များ

Ester 8:15

Mardokay agilik səza məlĩ də lukut na məlĩ pəreŋ-pəreŋgi gəm gabaga babara, kulpup memetiŋ na meleŋge, lukut məsilip na zeŋze na time pepreŋ ɗiwɗiwi, ndəni walaŋgəla-metiŋ na Susan adaŋzla vaŋvəl də ənneke.

Ester 9:22

Vi addəvit əvoŋɗeski mə Yudeɗ arəhnən kiyit səvet məzuzelɗe neti; aka təlaski əzəmsahã net agrakə, makret avoŋgu. Adahək dəɗɗumotingən wənɗes də wəda waynabaya, də əvəl a walaŋ ziti, də wəpsit zəgeɗ sit məzurayɗe.

Gəlyaɗe 104:15

gəm mbazla məzənneken mekret ɗiyi, də mẽl məwiɗgən heret ɗiyi, gəm zəga nawzəm məpsit gbogboŋ sit ɗiyi.

Gəlyaɗe 149:4

Vi Yawe tay ənnek dit ɗiy nani; tay əɗi kiyit ɗiy məddekit də wəkõhgiti.

Gəlyaɗe 23:5

Kəɗiyək hilĩw na way abawa a maheret məzəwakaŋ suwəni. Is tat əppay su mẽl aka kiywa, kəknəh sutək huloŋguk naw tuɓurtuɓuru.

Gəlyaɗe 30:11

Aprəmwa Yawe, awlu sãhə! Yawe, asok ka məzəbbah nawa!»

Gəlyaɗe 30:12

Kəkkpaŋganək əska morkoyo naw ka wəskəla, akkpaŋgan lukut na gəlabay naw ka lukut na əzləra.

Gəlyaɗe 45:7

Maŋgəlva, mazaŋga na məlĩ nok faɗi, zleŋ na məlĩ nok zleŋ təstəsi yi, na sete yi.

Məsmaɗula 9:8

Lukutɗe nok dəssoŋ pay pak bartata. Appay mẽl sən horoko.

Isaya 12:1

Pay dəpaska wakənah na: wanəgagdoko Yawe; vi kədəkgədəv akawa yas kəppan ədagədəv noko, kəsɓawa.

Isaya 26:2

Məkol metiveɗi, ɗiy təstəs məs akkpaŋganən met ɓa dətoŋgoŋgu.

Isaya 44:23

Disiŋ, minneki vi Yawe aɗɗaka. Kpukpum na dəlvafuŋ, anneki. Mossorgoɗe gugriɗe, wəleŋɗe ngərəɓə, wəlaŋga awandi naddəvən pakə, məgəsl vaŋvəl sən ənneke. Vi Yawe akõhgənək Yakob, arbanək gagdak nan a Israyel.

Isaya 46:13

Təstəs naw gu'oyi, tay ɓa' ɓa! Əkõh naw wanzi ɓa, wanəpsən əkõh naw sən Siyon. Wanəpsən gagdak naw sən Israyel.

Isaya 52:1

Afɗahə, afɗahə, agul gbogboŋ noko Siyon agul lukut na sləma noko Yerusalem, walaŋgəla-metiŋ salala! Vi gayã may ɗəf mərnokun azzoŋ na anokda əmpa ɓa.

Isaya 61:10

Ənnek nədannek addəv Yawe, wanəɗɗəl sən Maŋgəlva nawa, vi askəsuwək lukut nawkohõ, asərətwək də lukut məkso'o na təstəs va ɗəf dəɓel gulku adawɗi zən va məsdəlva, adawɗup kulpup na məlyã, va waŋ məɓelət tədawzaɓan zət dit zəgeɗ na gawla nata.

Yeremiya 31:13

Asna gorɗeŋge wannekenin zit də əskəla, gewleɗ dit mezzeɗ pak sapə. Wanəkkpaŋgan əhəm net ka ənneke; wanəɓətgiti wanənneken sit zit sə dərɓaga əzəmsahã neti.

Ezekiyel 34:29

Wanəpsit gulyenge mogget məs ba'arə. May abey na ɗiy naka dələv nan əmpa ɓa; ɗiy-ɗar arbaŋ sitin na wil əmpa ɓa.

Ezekiyel 47:7

Səza nəmili, wəleŋɗe yeŋ gərəɓ ama lolohõ nak dahãdahã.

Zakarya 3:5

Yaŋ nəmna: Dətər sənən mətərkiya an salala aka kini, yaŋ atər sənən mətərkiya an salala aka kini, agul sənən lukutɗe. Maslay na Yawe tay ziwwe.

Matiye 15:13

Yaŋ azlan siti amna: Zeŋve məs afu na disiŋ dəzlga ɓa pak kaptuni.

Matiye 5:16

Əkasak nokum dəwiɓ vas abet ɗiyi, vi duletingin wəzeɗe mogget nokum dəgagdakanəngən Afukum an na disiŋ.

Luka 15:22

Yaŋ afən aɓsit belemɗe nan na: Go' məki lukut an moggoni, məgul səni, məgul sən ndama aka vani, məkkpa sən henseki.

Yohanna 15:8

Addəv aŋki adawgagdakanən Əbba, an mənokum tat uwa diyɗa gəm an kəkkpaŋgək gewleɗ nawa.

Yohanna 16:20

Gesiŋ gesiŋ nədawnah sukum: Wakəhəmaŋgə wakəɓuhun mokum, ya mamba dələv wanneken zəni. Wakəssahanən zukum ya wəssahan zukuməs wakkpaŋ ənneke.

1Korintus 3:9

Vi wəza na Maŋgəlva mədaɗɗa sapə, mənokumtə guli na Maŋgəlva. Mənokumtə ərka na Maŋgəlva.

1Korintus 6:20

Vi məmokumi də əfaɗ akokum. Məgagdakan Maŋgəlva kan də gəɓa zukum.

Filipi 1:11

məknahən də zəga an təstəsə, məs dəde səza Yesu Kristu, vi gagdak na Maŋgəlva də əɗi kini.

2Tesaloniki 1:10

pay adazzan vi kawgagdakan a walaŋgit ɗiy nan salala pakə gəm kawɗi kiyən a walaŋgit en dətafaŋ pakə. Vi kətafənək əpel namə, aka pay mərban sukum vanəska.

Ibriɗe 1:9

Kəŋgluwək əɗɗa təstəsə, kəzelik mambraya. Vini Maŋgəlva, Maŋgəlva nok awelko, annekenək zuko dəwəpsuk gagdak an dəday ki məs apsit ɗiy məs dədassoŋ də isi.

1Piyer 2:9

Ya nokum, mahəlfa an muwelin kənanaŋgə, məsdəlveŋge na məlyã, kirtindələv en salala, ɗiy məs Maŋgəlva abit kənanaŋgə, vi kərbanəngən wəza gagdak na məs dəyukum səra guzli ara əkeɗeɗe nani.

1Piyer 4:14

Va məzəmgukum sãhã aka wən na Kristu pak mənneken zukum vi Əmpəs na Maŋgəlva məs də gagdak tay akokum.