Isaya 61:11 - Bible en Guidar

¹¹ Vi va dəlvafuŋ adawgilgin zəga nakani, va guli adawgilgit zeŋveɗe nani, vaski Daya Maŋgəlva adawgilgin təstəsə gəm əɗi kiya abet ɗiy-ɗar pakə.

Isaya 61:11 ပူးပေါင်းရင်းမြစ်များ

Va'Atəŋ 1:11

Maŋgəlva amna: «Dələv dəgilgit zəgeɗ məkdəketi: kevile aɗi mahanyən va zeŋvin asani, wəleŋɗe məzuwaŋ duwaŋ va zeŋvit asani!» Agəɗək vaska.

Gəlyaɗe 72:16

Haykəmari dəsan ndoɗoɗ-ndoɗoɗ aka dəlva, kiyən dəsan slakat-slakat aket mossorgoɗe gugriɗe va a Liban, ɗiy na walaŋgəla-metiŋ dəssoŋ mogget va kevile naka dəlvafuŋgu.

Gəlyaɗe 72:3

Mossorgoɗe gugriɗ wakiyaŋ zazay sit ɗiyi, mossorgoɗe tam əzaɓ sit ɗiyi!

Gəlyaɗe 85:11

Moggon də Gesiŋ almaŋka, zazay də təstəs aklakənək vet awla ziti.

Gəlya net Gəlyaɗe 4:16

Afɗahə, səmyã na tapaslay kəla disiŋ! Ade səmyã na tapaslay pay na moskoyo, ampəsgən guli net wəleŋɗe nawa, ka dəffokokgən təki pakə! Kəta gəraw na makraw dəde addəv guli net wəleŋɗe nani, dəzəmgən uwa net wəleŋɗe nenekɗe.

Isaya 4:2

Pay dəpaska, zeŋve an Yawe agilgini, wasan moggoni gəm gagdak aka dəlva. Wakkpaŋ əmasa gəm ənnek azet ɗiy en dəndəwəɗaŋ na Israyel.

Isaya 45:23

Nəswayək də ki zuwa təstəs səmaw adawgilyeni, əpel van addəɗ ɓa, ɗiy pak wakdukun takperet abawa ma pak wasway də iya nawa.

Isaya 45:24

Kawnəhi akaw na: Aza Yawe kaka' gbogboŋ də ədaw təstəs asani. Məzuzelɗe nan pak wamilyoŋ abani, wil wadenni.

Isaya 45:8

Disiŋ məzi minɗe! Slaybuwən dəppan təstəs ədaw lokloku! Dəlvafuŋ dəkolu ka əkõh dəwəgəni təstəs dəgilgini! Intə Yawe dəzəmiɗ pakə.

Isaya 46:13

Təstəs naw gu'oyi, tay ɓa' ɓa! Əkõh naw wanzi ɓa, wanəpsən əkõh naw sən Siyon. Wanəpsən gagdak naw sən Israyel.

Isaya 48:18

Va kəgəɗək maɗɗula kaka' aket mahenziŋɗe nawa, asna, kəta zazay nok wasan va məlpa, təstəs nok va vovolumɗe na pehe.

Isaya 58:11

Yawe wasan məzədawguk pay pakə, addak kapta-muyã zlaŋgə waboko gəm wasɓan ma sleŋsleŋko wakəsok va guli net wəleŋɗe məs məpsən iŋkile, va heret iŋkile miyma məs akkpa'aŋ ɓa.

Isaya 60:18

Kaprəmi gagay aka dələv nok əmpa ɓa, əray gəm əza aket meŋge nok ɓa. Wakəya zlava nok na, əkõho, metiveɗ nok na, əɗikiya.

Isaya 60:21

Ɗiy nok beymet wassoŋ təstəs hã faɗə, dələv wasan ka neti. Wəlaŋga məs nəmpə yi wəza na vawa, vi karban gagdak nawa.

Isaya 62:1

Nəsaw na ɓatɓat aka wən na Siyon ɓa; nəsaw na ɗew ɓatɓat aka wən na Yerusalem ɓa, hã gap an təstəs nan arbək kerkeri, əkõh nan tam va mətal offo dawzla.

Isaya 62:2

Ɗiy-ɗar wawlanən təstəs noko, məlyeŋge pak wawlanən gagdak noko. Kawyuki də iya meleketen məs ma Yawe adawɗiya.

Isaya 62:7

Kədappanən əffet ɓa hã gap an asilginik Yerusalem, hã gap dələv pak dəɗigən ki Yerusalem.

Matiye 13:23

An məzlgan aka ba'arə, ndəni ɗəf an dəprəm əpele, dəprəm gabbani, sessel watər wəraya, maɓɓan waɗi aran səkatə, maɓɓan waɗi aran kaklaw sləre, maɓɓan kaklaw hoku.

Matiye 13:3

Arban sitik zəgeɗ diyɗa də wənməkkpaŋga. Amna: Məzənse ambatək a gulyo, vi kazlga.

Matiye 13:8

Ya zeŋve maɓɓan əmpa abətək aka ba'arə, aɗika. Maɓɓan aɗiyək səkatə maɓɓan kaklaw sləre maɓɓan kaklaw hoku.

1Piyer 2:9

Ya nokum, mahəlfa an muwelin kənanaŋgə, məsdəlveŋge na məlyã, kirtindələv en salala, ɗiy məs Maŋgəlva abit kənanaŋgə, vi kərbanəngən wəza gagdak na məs dəyukum səra guzli ara əkeɗeɗe nani.