Isaya 61:1 - Bible en Guidar

¹ Əmpəs na Daya Yawe tay akawa, vi Yawe awelwək nawka alabara nenek sit məssehẽŋɗe, aslənwək əgip mekret ɗiy məs mekkret aɓohu; vi kawtəl ma sit ɗiy en məsimgit aka wən nappeti gəm sit məfərsəneɗi, aka wən nawpilti vi kawkol sit heret deŋgerɗe, vi kawkõhgit məzuzəmaŋ sahã;

Isaya 61:1 ပူးပေါင်းရင်းမြစ်များ

Gəlyaɗe 102:20

Yawe aɓe'ik sə təki salala nan sə disiŋ; awəl aka dəlvafuŋ,

Gəlyaɗe 147:3

Ndəni məzənzeɗ məs mekret dəɓohu gəm məzugip huweɗ neti.

Gəlyaɗe 149:4

Vi Yawe tay ənnek dit ɗiy nani; tay əɗi kiyit ɗiy məddekit də wəkõhgiti.

Gəlyaɗe 2:6

«Naw nəɗiyək məlĩ naw aka Siyon mossorgo metiŋ salala nawa.»

Gəlyaɗe 22:26

Əɗi kiya naw səzok ade! Addəv əkkal metiŋgini, in tat əknahan an maw aynə abet məgeslne'eŋ sənəni.

Gəlyaɗe 25:9

Tay ədawgit ɗiy dəvoŋgənən kiyit aka an sarara, tay əyagan sit tive nan sit ɗiy dəvoŋgənən kiyti.

Gəlyaɗe 34:18

An ahəmaŋka, Yawe tay əprəm siti tay əkõhgit səma əzəmsahã net pakə.

Gəlyaɗe 45:7

Maŋgəlva, mazaŋga na məlĩ nok faɗi, zleŋ na məlĩ nok zleŋ təstəsi yi, na sete yi.

Gəlyaɗe 51:17

Daya, akol metteɓ mawa, maw dətibirokgəni.

Gəlyaɗe 68:7

Maŋgəlva məzəpsit gəla sit məza ɗiy net ɓa, tay əgilgit məfərsəneɗ səket ngiyamɗe, ɗiy məɓoŋgit kaka dədassoŋ aka kpokpõhõ.

Gəlyaɗe 69:32

Anani Maŋgəlva aŋgəl day ki wasliya, may medgeɗge də mohõn gəm eperkeperkeni.

Əgilye 28:41

«Kəgul səngən lukut sən Aron məlmuko gəm sit kirtin dəndəni, kəppay sitgən mẽl na mahenziŋ, kəɗigən aka wəza, apesle, dəɗɗaŋgən wəza na məsdəlva.

Əgilye 29:7

sissiŋ kəgəmgən mẽl na mahenziŋ, kəman səngən akani, kəppay səngəni vi kawpeslin.

Isaya 29:19

Məssehẽŋɗe wannekeŋ diyɗa də Yawe; məzurayɗe wassoŋ babyak babyakə, aka hara Maŋgəlva Salala na Israyel.

Isaya 30:19

Vi is vanday na Siyon, is məs kəsok a Yerusalem, əhəm kədawhəm ɓa. Ama əŋzla vaŋvəl noko wagəɗ suk mbəlembəle. An aprəmkuko, wazlan suko.

Isaya 30:26

Pay Yawe adaynan huwa net ɗiy nan, an anzeɗik huweɗi, təla wakasak va paya, ya pay wawiɗ təl buhul va əkeɗeɗe na pay təl buhul.

Isaya 32:7

Məmak ɗəf na ərba nan mbərayni, tay əkay keket vi kawzet məssehẽŋɗe də əpel tepelke, də məssahã adawpel təstəs zlaŋgə.

Isaya 40:9

Nok apeŋ aka mossorgo metiŋ məɓayən is Siyon, mərbə alabara neneke. Aslan wəlok dayadaya, is Yerusalem, mərbə alabara neneke, aslan wəloko, geslne aduk ɓa. Anah sit walaŋgəleɗe gugriɗ na Yuda na: Maŋgəlva nokum yaŋka.

Isaya 42:1

Gawla naw məs nədarma van yaŋka, əwel nawi yi, in tat ənnek dəndəni, nəɗiyək əmpəs naw akani, waki ətawwən təstəs sit ɗiy naket dəlveŋge.

Isaya 42:7

Wakəkol heret deŋgerɗe, kawgilgit məfərsəneɗ sə fərsəna, kawpəl ɗiy nara guzli səka əzəmsahã neti.

Isaya 48:16

Midder azawa məprəma: Nəpel məɗama də ətəŋ nan ɓa. Aka atəŋgə in tat aŋka. Ya kakaŋka, Yawe Maŋgəlva dəslənu də əmpəs nani.

Isaya 49:9

Kawnah sit məfərsəneɗ na migili gəm sit məs dəssoŋ ara guzli na: mide ara əkeɗeɗe'e. Wataɗaŋ aket tiveɗi, kiyit mossorgoɗe pak təki nawtaɗ neti.

Isaya 52:7

Miyə lalaw aket mossorgoɗe gugriɗe va təl mərbə alabara nenek di? Tay əprəman wən na zazaya, tay ərban alabara neneke na moggon məzuki əkõho. Tay ənah sən Siyon na: Maŋgəlva nok tay əzəm məlyã.

Isaya 52:9

Mərga vokum, məŋgəsl vaŋvəl nannek sapə mənokum əray temtem na Yerusalem! Vi Yawe affetenik makret ɗiy nani, amanək Yerusalem.

Isaya 57:15

Vi vaŋki məs dəsan a disiŋ ki zəga pak məs təki nassan dəsan faɗə məs iya nan na Salala anahə: In tat a disiŋ salala nənani, ya in tat də ɗəf məs makran dəzlahə gəm məs dəɓe'gin kizəni vi kakkpaŋgan məs dəɓe'gin kizən madarani, kawmbəlgən ɗəf məs makran dəzlahə.

Isaya 57:18

Nəsənək wəza nani. Ya wanənzaɗa wanərban sən tive, wanəsokon makran ndəni gəm məzuhəmaŋ sap dəndəni.

Isaya 59:21

Yawe amna: Aŋki wənmiyna naw dənɗaŋ: Əmpəs naw məs dəsan akoko də əpel naw məs nəgul amoko adawzaraŋ səmok ɓa, may səmet kirtuk ɓa, may səmet kirtit kirtuk ɓa Yawe anahə, təŋ kakaŋka hã faɗə.

Isaya 66:2

Yawe aɗiymani: Zəgeɗ kədawlaŋgəs pak vaw diɗɗe Intə nəɗɗe An haraw asan aket yeŋki: məssahãy, ɗəf naddəv tatwãha, gəm məzəprəm əpel nawa də əkkersənə.

Yeremiya 34:8

Əpel na Yawe ade sənək Yeremiya sədərɓaga məlĩ Sedekiya aziwgin wənmiyna dit ɗiy en na Yerusalem pak vi kawtəl sit ma nappeti.

Yeremiya 52:33

Addəɗet sinik lukutɗe na fərsəna, azəmək way ɗayɗay dəndən addəv ənziya nan pakə.

Daniyel 9:24

Mətaw siti lumu taka təl kaklaw buhul sit ɗiy noko də walaŋgəla-metiŋ nok salala, vi kawtak əggbak ma gəm kawziwgin mambraya, kavvuyon heslepe, təstəs dəsangən hã faɗə, vi ula də kəleŋ dəsoŋgən gesiŋ gəm kawpesl məwele an salala day.

Hose'a 6:1

«Mide, məmndamsəm aza Yawe, vi ndəni dəbakamə, ya wanzaɗmə, argəməka ya waynan səm huwweɗ namə.

Məsdəlveŋge 7:35

Aski haran na Aron gəm haran net kirtin səddəv əvəl nawzla kurmbuɗuk sən Yawe, təŋ səza mərbet vi kaɗɗa wəza na məsdələv aba Yawe,

Mika 3:8

Ya naw dərəŋ na, əmpəs na Yawe aknahwək də gbogboŋgo, də təstəsə gəm də gurom nərban səngən əɓoŋ na Yakob gəm nərban səngən mambray na Israyel.

Matiye 11:5

Deŋgerɗe tay ulaŋgə, vədalɗe tay ədawaŋgə, məskokoleɗ abburoŋko, goryomɗe mərma hərzlumit tay əprəmaŋgə, ɗiy mimtit asilyoŋko, məs sahẽŋɗe tamə tay əprəmnən Wən Neneke.

Matiye 3:16

Səza Yesu arah baptem, agil səret iŋkile ləŋgə, disiŋ akolko, awlak Əmpəs na Maŋgəlva əpriken va bəŋga na maha əzzan akani.

Luka 7:22

Yaŋ azlan sit maslənɗe na Yohanna nek na: Məddoŋ mənah an kəprəmaŋ də an kulaŋ sən Yohanna: Deŋgerɗe tay ulaŋgə, vədalɗe tay ədawaŋgə, məskokoleɗ abburoŋko, goryomɗe mərma hərzlumit tay əprəmaŋgə, ɗiy mimtit asilyoŋko, məs sahẽŋɗe tamə tay əprəmnən Wən Neneke.

Yohanna 1:41

Ndən mbat ərəh Simoŋ məlmən anan daabəŋ aɓsən na: Mərəhək Mesiya va ənəh na Kristu.

Yohanna 3:34

Vi ɗəf an Maŋgəlva aslənə, əpel na Maŋgəlva adawpele vi apsənək Əmpəs nan meza meŋge ɓa.

Wəza net Masləŋɗe 10:38

Va Maŋgəlva aprikgin əɓap na Zeŋgile Salala aka Yesu na Nazaret, ndən məs dəbbal əɗɗa moggoni gəm əmbəlgit ɗiy en dəssoŋ belemɗe na tuya pakə, vi Maŋgəlva tay dəndəni.

Wəza net Masləŋɗe 26:18

Vi kawkol sit hereti, kakkpeŋget səra guzli ara əkeɗeɗe'e, gəm səddəv gagdak na Satan aza Maŋgəlva, vi dərahaŋgən əvvu net mambrayɗe, gəm dərahaŋgən haran net a walaŋgit ɗiy salala də ətafwa.

Wəza net Masləŋɗe 4:27

Vi Herodə, Pontiyus Pilat dit ɗiy-ɗarə gəm ɗiy na Israyel akkalaŋgək addəv walaŋgəla-metiŋgiŋ gesiŋ aka Yesu gawla nok Salala məs kəppay sən mẽlẽ.

2Korintus 3:17

Vi Daya iyi Əmpəsa, ya a təki məs Əmpəs na Daya asani, adaki əbit asani.

2Korintus 7:6

Ya Maŋgəlva məzuɓətgit ɗiy aɓətgəmək də əgap na Titus.

Ibriɗe 1:9

Kəŋgluwək əɗɗa təstəsə, kəzelik mambraya. Vini Maŋgəlva, Maŋgəlva nok awelko, annekenək zuko dəwəpsuk gagdak an dəday ki məs apsit ɗiy məs dədassoŋ də isi.