Isaya 60:16 - Bible en Guidar

¹⁶ Wakəɗəm moŋvo net ɗiy-ɗarə gəm wakəzəm arya net milyeŋge. Akəsən na: Intə Yawe məzukõhguko, Məzuɓappak na Yakob məzubitko.

Isaya 60:16 ပူးပေါင်းရင်းမြစ်များ

Əgilye 6:7

wanəndəkum kanawa, ka ɗiy nawa ya wanəsaw ka Maŋgəlva nokum. Wakəsənən na, in Yawe, Maŋgəlva nokum tə: məzugilgukum səka wəza na balam sə Eziptə.

Isaya 1:24

Vini Daya Yawe Məzuɓappak Məzuɓap na Israyel aɗiyman na: «Haya əraya, wanəmpəlkiya aket məzuseɓɗe nawa wanəfaɗ sit məzuzelɗe nawa.

Isaya 12:6

Ɗiy na Siyon, mərban ənnek nokum, məŋgəsl vaŋvəl sən ənneke, vi Salala na Israyel metiŋgini yi, awalaŋkum.

Isaya 19:20

Kawsan zəga an dədarban na Daya Məzuɓappak tay a Eziptə yi. An mə Eziptiɗ ayanənək Daya ka dəkəgən wən ammbet viyit məsərnən met na, asna waslən sit məzəkõhgiti, ɗəf nawtərit gəm nawbitti.

Isaya 25:9

Pay dəpaska kawnahi na: Aŋki Maŋgəlva namə. Akan məɗɗi əɗɗum namə ndəni dəkõhgəmə. Yawe yi məɗi əɗɗum nam akani. Waməgəɗ iyã'-iyã' wamənneken zəm vi sən əkõh nani!

Isaya 29:24

Ɗiy məsmaɗɗulet azlzlaɓ warahaŋ əsəna; ɗiy məs kiyit ɓəl watafnən iyaka.

Isaya 33:22

Vi Yawe yi mətawwən namə, Yawe yi akamə. Yawe yi məlĩ namə, ndəni məzəkõhgəmə.

Isaya 43:11

Naw intə Yawe, məzukõhgən ɗəf tay abbəru ɓa.

Isaya 45:15

Gegesiŋ Maŋgəlva məɗamən kənani Maŋgəlva na Israyel, məkõhgən ɗəfa.

Isaya 45:21

Məpele, mərban əɗɗum nokum məsapə, məpeleni! Naway dəpel dafsən aka an dədaɗɗa kəkaŋ van arban aka dəpas di? In Yawe tə ɓa sa? Dabərkiwa, Maŋgəlva tay maɓɓan əmpa ɓa. Maŋgəlva təstəsə, məkõhgən ɗəf tay mbərən abbəruk ɓa.

Isaya 49:23

Milyeŋge wassoŋ ka ɗiy nazgəlkuni, gil net milyẽŋge wadiɗkuni. Wappu'oŋ aboko, watarna'ən hologudum naza təlko. Wakəsən na intə Yawe, ɗiy en dəɗinən əɗɗum net akawa, arbaŋ na wil ɓa.

Isaya 49:26

Məzəmgukumən sahã wanəzimgit slu ziti, mbel net wabey va mbazla na meketepe. Asna ɗiy pak wasənnən na məzukõhguk na, intə Yawe, məzubituk na, ndəni Məzuɓappak na Yakob.

Isaya 52:6

Vasna ɗiy naw wasənən iya nawa. Pay nan dəpaska wasənən na intə məs dədawnəh na: «In yakəŋkə!»

Isaya 59:20

Məzubit wade a Siyon viyit ɗiy na Yakob en dəmilyoŋ səka əɓoŋgo Yawe aɗiymani.

Isaya 60:17

Wanəki meleŋge a gəla təbəz pepreŋge, təbəz babar a gəla təbəz titire, təbəz pepreŋ a gəla wəlaŋga təbəz titir a gəlet gərmeŋge. Gagdak nok na zazay gəm təstəs nədawɗiya.

Isaya 61:6

Kawyukumi na məsdəlveŋge na Yawe, Kawɗikumi məɗɗaŋ wəza na Maŋgəlva namə; wakəzəmən arya net ɗiy-ɗarə, wakəkaɓaŋ də gagdak neti.

Isaya 63:16

Vi istə afəmə, Abraham dəsənəm ɓa, Israyel dəsənəm ɓa; is Yawe tə afəmə, is məs adawyukun far na Məzukõhgəmə.

Isaya 63:8

Yaŋ anah na, net ɗiy nawəŋgə, kirin məs awaŋwən ɓaŋgə. Asanək məzukõh neti.

Isaya 66:14

Wakulanəni, mokrokum wanneki, slesleŋɗe nokum wassoŋ gboŋgboŋ va əndəf na kevile. Yawe warban gagdak nan sit məɗɗaŋ wəza nani, gəm ədagədəv nan sit məzuzelini.

Yeremiya 15:21

Wanəporslokuk səmmba vet ɗiy mbəreyti, wanəpuluk səvet məs gagayɗe.

Ezekiyel 34:30

Asna, wasənnən na, intə Yawe Maŋgəlva neti, məs nəsaw dənɗaŋ, ndəɗaŋgə ɗiy nawa, ɗiy na Israyel. Daya Yawe aɗiymani.

Hənhən 21:24

Ɗiy naka dələv pak wadawaŋ ara təki babar nani, məlyeŋge naka dələv wakinən arya net adaka.

Hənhən 21:26

Gagdak net ɗiy də arya net ɗiy na dələv, kawkani a walaŋgəla nani.