Isaya 60:1 - Bible en Guidar

¹ Yerusalem asili, awiɗi, əkeɗeɗe nok adeke, gagdak na Yawe arbək akoko.

Isaya 60:1 ပူးပေါင်းရင်းမြစ်များ

Gəlyaɗe 102:16

Ɗiy na guw wageslne'eŋ sənən iya na Yawe, gəm milyeŋge naka dəlvafuŋ pak tam sən gagdak noko,

Gəlyaɗe 87:3

Zəgeɗ gagdakɗe məpelit akoko, walaŋgəla-metiŋ na Maŋgəlva! Əziwe

Isaya 2:5

Ɗiy na Yakob, məndamə mədawsəm addəv əkeɗeɗe na Yawe.

Isaya 24:23

Wil wadanən təla, paya warbə wili. Vi Daya Məzuɓappak məlĩ yi aka mossorgo metiŋ na Siyon gəm a Yerusalem. Gagdak nan warbə a ma heret ɗiy məsɓet nani.

Isaya 28:5

Pay dəpaska, Yawe Məzuɓappak wakkpaŋ, mətərkiya na sləma gəm kulpupu na məlĩ lelew sit madambirgit ɗiy nani.

Isaya 35:2

Uffuyõ adaffuyõ! Dəsan addəv ənnek kpakə, gəm addəv gəlya na ənneke! Gagdak na mossorgo na Liban wasan səni məpsəni yi lelew na mossorgo Karmel gəm na təki məpəlayya na Saron. Naway pak wawla gagdak na Yawe, memetiŋ na Maŋgəlva namə.

Isaya 4:5

asna, aket mossorgoɗe gugriɗ na Siyon gəm aket ɗiy nakkalaŋgə, pay nan na Yawe warban slaybuwna, enene gəm hərzlum offo məzəwiɗ də dəfɗa. Gagdak na Yawe wasan zlalbay va gizlirke metiŋgini.

Isaya 42:6

Intə Yawe, nəyuk na addəv təstəs nawi yi. Nərmak voko, nəgukko, nəɗiykuk kəssokgən wənmiyna sit ɗiy nawa əkeɗeɗe net ɗiy naket dəlveŋge.

Isaya 58:8

Asna əkeɗeɗe wakekeɓe va pay adagilyen də pummo, uweɗ nok wanzaɗaŋgə. Təstəs nok wagil wasan aboko gagdak na Yawe wasan dərɓogoko.

Isaya 62:1

Nəsaw na ɓatɓat aka wən na Siyon ɓa; nəsaw na ɗew ɓatɓat aka wən na Yerusalem ɓa, hã gap an təstəs nan arbək kerkeri, əkõh nan tam va mətal offo dawzla.

Isaya 62:2

Ɗiy-ɗar wawlanən təstəs noko, məlyeŋge pak wawlanən gagdak noko. Kawyuki də iya meleketen məs ma Yawe adawɗiya.

Isaya 66:11

Wakəwaɗaŋgə wakəbaŋ dit bide məsokonən makra ɗəfa wakəsenini, zukum dənnekgin dit bide na gagdak nani.

Isaya 9:2

Kənzlərgitik ɗiyi Daya kəɓaygənək ənnek net metiŋgini. Tahəŋ ənnek abok va ənnek pay na mawala, va adannekeŋ də ənzla vaŋvəl də uɗak zəga mərahən səddəv əgaya.

Ezekiyel 43:4

Yaŋ gagdak na Yawe atoŋ addəv gəla na Maŋgəlva, də maddamba nammba pay nampum.

Matiye 4:16

ɗiy dəssoŋ ara guzliyo awlanənək əkeɗeɗe metiŋgini. Ya en dəssoŋ aka kivadələv addəv guzli na əmta, əkeɗeɗe wakekeɓe aketi.

Matiye 5:16

Əkasak nokum dəwiɓ vas abet ɗiyi, vi duletingin wəzeɗe mogget nokum dəgagdakanəngən Afukum an na disiŋ.

Luka 2:32

Ndəni təki babar narbok azet ɗiy-ɗarə, gəm gagdak net mə Israyelɗe ɗiy noko.

Yohanna 1:9

Əkeɗeɗe van ndəni əkeɗeɗe an gesiŋ məzukekeɓe ɗəf titir pakə, adek aka dəlva.

Yohanna 12:46

In əkeɗeɗe'e, nəde aka dələv na, vi ɗəf məs dətafu pak adawsan ara guzli ɓa.

Yohanna 3:19

Aŋki ətawwən vani: Əkeɗeɗe adek aka dəlva, ya ɗiy naka dələv aŋgluwənək guzli day ki əkeɗeɗe'e vi wəzeɗe net assoŋ mbəreyti.

Yohanna 8:12

Yesu apel sitik əmpa, amna: Naw intə əkeɗeɗe na dəlva. Ɗəf dəzbawa, sessel adawna arah guzli ɓa, ya warah əkeɗeɗe na zeŋgile.

Efesus 5:14

An zəga arbanək zəni, wakkpaŋ əkeɗeɗe'e. Vini anah na: Afɗahə is məleŋguk kəŋkə, asil səret ɗiy mimtiti. Asna Kristu wakasako.

Efesus 5:8

Vi lahəŋka ara guzli kənanaŋgə, ya kakaŋ na ara əkeɗeɗe kənanaŋ addəv Daya, mədaw va ɗiy nara əkeɗeɗe'e.

Filipi 2:15

Vi kəssoŋgən məza də heslepe ɓa gəm bartata, kirtin Maŋgəlva məza wən aket a walaŋ sayit ɗiy mə slokorslor gəm mbəreytiŋ ɓa, məs kədawiɗeŋ a walaŋgit va offoɗe aka dəlva,

1Piyer 4:14

Va məzəmgukum sãhã aka wən na Kristu pak mənneken zukum vi Əmpəs na Maŋgəlva məs də gagdak tay akokum.

Hənhən 21:11

Walaŋ gəla nan tay wiɗ də gagdak na Maŋgəlva, uwiɗ nan tay va gərəm na sləma, va gərəm məs adawyaŋ na yaspa kəɗeslkəɗesl va darawgal.

Hənhən 21:23

Wəray tay na paya awaniɓa na təla ɓa, vi dəkasakgən a walaŋgəla nan ɓa, ndargayã na Maŋgəlva yi lalam na walaŋgəla nani.

Hənhən 22:5

Dəfəɗ tay adak ɓa, wəray tay na lalam adak ɓa, awaniɓa na pay ɓa, vi Daya Maŋgəlva sən kiyən wasan əkeɗeɗe neti. Wazəmaŋ məlĩ hã dudan.