Isaya 6:1 - Bible en Guidar

¹ Aka əzva məlĩ Oziyas amtə, nulak Daya addəv ula tay ɗewwe aka mazaŋga məɓayən məɗiyən na məlyã, gabba lukut nan aknahək gəla-na-Maŋgəlva.

Isaya 6:1 ပူးပေါင်းရင်းမြစ်များ

1Milyeŋge 22:19

Amna: «Aprəm əpel na Yawe dərəŋgə. Nulak Yawe tay ɗewwe aka mazaŋga nan dit məzəlpaŋ na disiŋ ziwziw a maŋgavani, dəka dəzəŋ gəm dəka zlaɓay.

2Milyeŋge 15:7

Azariya zamə, andəkənənək a weleŋgit efiŋgiɗni, a walaŋgəla na Davit. Yotam, wətən dəkkpaŋ məlĩ a gəlani.

2Alabaraɗe Də Mabərkiziti 18:18

Mika amna: «Dərəŋ sa, məprəm əpel na Yawe: nulak Yawe tuŋgo aka mazaŋga na məlĩ nani, məzəlpaŋ na disiŋ baymet ziwziw dəka dəzəŋ gəm dəka zlaɓay nani.

Ɗerewel na Yob 42:5

Dəprəm sləmaw aprəm wən noko, ya kakaŋ na də haraw nuluko.

Gəlyaɗe 108:5

vi moggon nok adayək ki disiŋ gəm gesiŋ nok tay əgap aza slaybuwna.

Gəlyaɗe 113:5

Naway va Yawe Maŋgəlva nam di? A disiŋ asan

Gəlyaɗe 46:10

Aziwginik əgay səmmba dələv gboŋgu, aŋzluwək bəle nalpa, akployə̃k tulhõ, aɗi sitik offo sit mawteɗ nawgaya.

Əgilye 24:9

Moyis apeŋke, vaski Aronə'e, Nadab gəm Abihu, dit ɗiy məsɓet na Israyel kaklaw buhul neki.

Isaya 1:1

An Isaya wətən Amos awəl addəv hənhən aka Yuda də Yerusalem aka pay net may Oziyas, Yotam, Akaz gəm Hizkiya milyeŋge na Yuda.

Isaya 12:4

Pay dəpaska, wakənahaŋ na: Məgagdakan Yawe, məlvani, mərban wəza gagdak nan aweleŋgit ɗiyi, məɗɗumon sit na iya nan metiŋgini.

Isaya 57:15

Vi vaŋki məs dəsan a disiŋ ki zəga pak məs təki nassan dəsan faɗə məs iya nan na Salala anahə: In tat a disiŋ salala nənani, ya in tat də ɗəf məs makran dəzlahə gəm məs dəɓe'gin kizəni vi kakkpaŋgan məs dəɓe'gin kizən madarani, kawmbəlgən ɗəf məs makran dəzlahə.

Isaya 66:1

Vaŋ Yawe anahə: Disiŋgi mazaŋga na məlĩ nawa, dəlvafuŋ tamə təki nawɗi təlwa. Gəla mi kədarkaŋ suwən di? Təki mi gala naffet naw di?

Ezekiyel 1:1

Aka əzva makaklaw hoku, təla mapoɗon də wəvoŋ nan sle'i, in tat aret ɗiy mərmeti, go'o də məlpa Kebar; disiŋ akolko, yaŋ Maŋgəlva arbə su ula.

Ezekiyel 10:1

In təm na: zəga yaŋ vit va gərəm masalay-masalay aka təki berŋgeŋge na disiŋ kiyit kerubaɗe naka, zəga dəgil va mazaŋga na məlĩ tay ərban zən aketi.

Ezekiyel 10:4

Gagdak na Yawe le' aka keruba aka əggar na maddamba na gəla; Gəla aknahək də slaybuwna, daŋgla tam aknahək də əkeɗeɗe na gagdak na Yawe.

Daniyel 10:17

Mbari in gawla aba ɗəf ɗar nədawɓap əpel də daya naw di? Ya naw kakaŋ na gbogboŋ tay azaw də əmpəs ɓa.

Daniyel 7:9

In tat əzban ula, nulak məɗiyə mezeŋgeɗ na məlyã, yas mazza ade pay ɗew. Lukut nazan tay babar ndasl va ɓeɓrezlerizze, muhur kiyən tay va zeŋze saksakə, mazaŋga na məlĩ nan tay əwiɗ va offo, təl mazaŋga van tamə va offo mərmani.

Əŋɗa 12:8

Maw də man nədawpel səni də ərban zuwa, məza də əpel haɗamma ɓa; tay ula gəɓa zə Yawe va asan. Ya mbar kan kəgeslne'en dawpel aka məgəɗ wəza naw Moyis ɓa di?»

Matiye 25:31

Pay Wətən Ɗəf adazzan də gagdak nan dit maslayɗe nan baymet ammbani, pay nani, wasan aka mazaŋga na məlĩ na gagdak nani.

Yohanna 1:18

Ɗəf tay dula ɗah Maŋgəlva ɓa. Ya Wətən karmalay, dəsan Maŋgəlva addəv Afəni, ndəni dərbani.

Yohanna 12:41

Isaya aneh zəgeɗis na: Vi awlak gagdak nani, apelik akani.

1Timote 6:16

Ndəni takərgən məza amta ɓa, tay addəv əkeɗeɗe məs ɗəf aɓap əgap azan ɓa, ɗəf tay dula ɓa, ɗəf tay nawɓap ulan ɓa'a. Gagdak də əzəm məlĩ nani hã faɗə. Amin.

Hənhən 15:8

Yaŋ enene aknəhnən gədəv gəla-na-Maŋgəlva sən gagdak na Maŋgəlva gəm sən əɓap nani. Ɗəf tay nawɓap ətoŋ addəv gəla-na-Maŋgəlva ɓa hã an tatwãhɗe buhul net maslayɗe buhul nek aɗɗaŋka.

Hənhən 20:11

Yaŋ nula mazaŋga babar na məlyã də ɗəf məs dəsan akani. Dəlvafuŋ də disiŋ tahəŋ wənzoŋ sənəni, kawleti ɗah əmpa ɓa.

Hənhən 3:21

Məskəwəla na, wanəɗɗa dəsangən də in aka mazaŋga na məlĩ nawa, va naw pak nəskəwəla nəmbat əssaw də Əbba aka mazaŋga na məlĩ nani.

Hənhən 4:10

Ɗiy məsɓet kaklaw sula kiyit poɗo nek əppu'oŋ aba ɗəf məs dəsan aka mazaŋga na məlĩ naka, tahəŋ əgagdakanən ɗəf məs dəsan madaran hã faɗ naka. Tahəŋ əzganən mətərkiya net aba mazaŋga na məlĩ nak də ənah na:

Hənhən 4:2

Go'ləŋ Əmpəs agulwəka, nəwəl na, mazaŋga na məlĩ tay məɗiyən a disiŋ, ɗəf akan ɗewwe.

Hənhən 4:3

Ɗəf dəsan akan vani, tay əwiɗ va gərəm Yaspi gəm va gərəm sardiya. Məzzəɗa tay ki mazaŋga na məlĩ nan van tərwəslə, əwiɗ nan va gərəm imaradi.

Hənhən 4:9

Va zəgeɗ memeyẽɗ nek adawgagdakanəni, adawətibirenəni gəm əɗɗaŋ sənən əsoko sən ɗəf dəsan aka mazaŋga na məlĩ naka, sən məs dəsan madaran hã faɗə.

Hənhən 5:1

Nəwələk ɗerewel məktəmən ammba va dəzəŋ na ɗəf dəsan ɗewwe aka mazaŋga na məlyã, ɗerewel məverin dəddəvən gəm dəka dəɓan pakə, mətip man dit tampoŋɗe buhul.

Hənhən 5:7

Yaŋ ndargayãk nak tədder ətaf ɗerewel səka va dəzəŋ na ɗəf ɗewwe aka mazaŋga na məlĩ naka.

Hənhən 6:16

Tay ənahaŋ sit massorgeɗe gugriɗ dit gərmeŋge na: Məɓəsl akamə, məɗamam faraɗa səma ɗəf məs dəsan aka mazaŋga na məlyã, gəm səma ədagədəv nat ndargayãkə!