Isaya 57:2 - Bible en Guidar

² Zazay wade. Məzəzbanən tive sarara waffeteŋ aka zəga nawvoŋ neti.

Isaya 57:2 ပူးပေါင်းရင်းမြစ်များ

Va'Atəŋ 17:1

Wəzva na Abram agəɗək kaklaw vaytak kiyən vaytak, gala Yawe arban zən aza Abram anah sən na: «Intə Maŋgəlva Məzuɓappak. Adaw abawa, asok təstəs-gərakə.

2Alabaraɗe Də Mabərkiziti 16:14

yaŋ andəknən addəv magamas məs aso' a walaŋgəla-metiŋ na Davit. Avoŋgənənək gəbayən aka zəga nawvoŋ məknəhən dit tursanɗe gəm zəgeɗ temtem məkeyet dəkay vi kappay səni. Yaŋ məzle sit akoffo metiŋgin gidigidi.

Ɗerewel na Yob 3:17

Adaka, ɗiy mbəreyit appanənək əɓla, adaki ɗiy en diyaŋ dəddakaŋ adaffeteŋgi.

Gəlyaɗe 37:37

Awla ɗəf məza vurum ɓa, asəŋgləkan ɗəf məs sarra. Ɗəf na zazay na, mazlãlwãn wasani.

Məsmaɗula 12:7

Burɗuk wamndan aka dəlvafuŋ sə təki ade əmpəs məpsən ɗəfa wamndan aza Maŋgəlva.

Isaya 14:18

Milyẽŋge na dələv pakə, ndəɗaŋ pak tay əffeteŋ də gagdaka ɗəf pak addəv magamas nani.

Isaya 26:7

Tive na ɗəf təstəs na, sararay yi; kəziyanək tive na ɗəf təstəs sarara.

Yeremiya 6:16

An Yawe anah yaŋka: məziw sosokko aka tive mula gəm məttok aka tive an lahəŋka. As tive an moggoni sa? Məzbani asna wakəssoŋ zayə. Yas anahaŋ na: Məzban na ɓa.

Ezekiyel 32:25

Məpak səni zəga nawvoŋ na Elam addəv vanday net ɗiy məbeyti. Magamas net ganyẽɗ məbeyit də masalam ki magamas nan tərwəslə. Vi aggbo'ənək geslne' net aka dələv net ɗiy medereti. Aslanənək ərba wil net dit en məzəpurkoŋ a vovu, a waleŋgit ɗiy məbeyit məvoŋgəni.

Daniyel 12:13

Nok na, dok ha burusu. Wakəmtə, wakəsil vi kawrəh haran nok pay əgrak hara.»

Matiye 25:21

Daya nan aɓsən na: Levi, balam moggok gəm məs maɗɗula kənani, kəsokuk təstəs də zəga siɗikke, aket zəgeɗ diyɗa nədawɗiko. Atoŋ addəv ənnek na daya noko.

Luka 1:6

Sulegit pak ɗiy təstəsəŋ aba Maŋgəlva. Tahəŋ wəzbanən wən məs Daya aɗiyə gəm mahenziŋ nan pak məza heslepe ɓa.

Luka 16:22

Məssahã nak zamə, yaŋ maslayɗe akanən aza Abraham. Məsarya tam zamə, məndəkni.

Luka 2:29

Kakaŋ na Mərbəzəga, is tat əpəl balam nok də zazay va əpel nok anahə.

Luka 7:50

Yesu anah sət guluk nak na: Ətaf nok akõhgukko, dok zayə.

2Korintus 5:1

Vi məsənka, an gəla nam naka dələv məs gizlirke ɗarəŋ arayka, mənam tat də an Maŋgəlva arkə, gəla məs mərkan də va ɗəfi ɓa, nan tay faɗ a disiŋ.

2Korintus 5:8

Ya mənam tat fendeŋge, mənam tat ulan lew nasme səddəv gəɓa zəməŋka kadassa a maŋgava Daya.

Filipi 1:23

Maɗɗulaw awɗakək sula: Nəŋgələk nəmbatgən kawsaw də Kristu vi ndəni moggon dayə,

Hənhən 14:13

Yaŋ nəprəm wəla ɗəf sə disiŋ dawnəh na: Aver na: Əzaɓi təŋ kakaŋ azet ɗiy en dəmtaŋ aka wəza na Daya! Yaŋ Əmpəs anah na: Vaski gesiŋgi, wafeteŋ səka wəza net tatwãhəŋ kana, mogon məs aɗɗaŋgəŋka tay əzbeti.