Isaya 57:15 - Bible en Guidar

¹⁵ Vi vaŋki məs dəsan a disiŋ ki zəga pak məs təki nassan dəsan faɗə məs iya nan na Salala anahə: In tat a disiŋ salala nənani, ya in tat də ɗəf məs makran dəzlahə gəm məs dəɓe'gin kizəni vi kakkpaŋgan məs dəɓe'gin kizən madarani, kawmbəlgən ɗəf məs makran dəzlahə.

Isaya 57:15 ပူးပေါင်းရင်းမြစ်များ

Va'Atəŋ 21:33

Ampək wəlaŋga adawyaŋ na Esel a Ber-Seba adak akkaman Yawe Maŋgəlva an faɗ də iya nani.

1Milyeŋge 8:27

«Gesiŋ Maŋgəlva waɓap əsan aka dəlvafuŋ sa? Disiŋ, təki an balsən disiŋ pak aɓapaŋ na ətafkun ɓa! Sasak Gəla nərkəŋka.

2Alabaraɗe Də Mabərkiziti 34:27

adan arəŋgənək mokroko, kəɓe'gənək kiyuk aba Maŋgəlva səza kəprəm əpel mbərayən aka təkiyəŋka gəm aket ɗiy nakani, kəɓe'gənək kiyuk abawa, kəŋgeretik lukutɗe noko, kəhəmək abawa; vasna, naw zlaŋ nəprəməka: Yawe aɗiymani.

Ɗerewel na Yob 22:29

An tatwãh arəhik ɗiy mbirti, wakəɓap ənah sit na: «Misil!» Vi wakõhgən ɗəf an dəɓe'gin kiyzəni.

Ɗerewel na Yob 6:10

Makraw waffeti, wanəpepɗek addəv tatwãh nawa: Vi nəzgət ki əpel na Salala ɓa.

Gəlyaɗe 111:9

Aslənək əbit sit ɗiy nani, aɗiyək wənmiyna nan ka faɗə. Iya nan salala yi adahək nawgeslne' səni.

Gəlyaɗe 115:3

Maŋgəlva nam a disiŋgi; an aŋgəl pak tay əɗɗani.

Gəlyaɗe 123:1

Gəlya nawpeŋ ədda əkkam a Yerusalem. Nəslanək haraw kəlazoko, is məs kəsok a disiŋ:

Gəlyaɗe 138:6

Də Yawe asan səɗəɗə pak tay ule ɗiy məɓegənən ki ziti, səka faraɗa dayday asinik məsfərkeɗi.»

Gəlyaɗe 138:7

An in tat ətoŋ addəv tatwãhã, is tat əɗɗa ka nəsawgən madarawa. Is tat ətəl vok aket məzuzelɗe məs herɗe net akawa, va dəzəŋ nok əkõhguwa.

Gəlyaɗe 147:3

Ndəni məzənzeɗ məs mekret dəɓohu gəm məzugip huweɗ neti.

Gəlyaɗe 34:18

An ahəmaŋka, Yawe tay əprəm siti tay əkõhgit səma əzəmsahã net pakə.

Gəlyaɗe 34:19

Yawe tay go'o dit ɗiy məzəmaŋ sãhã, tay əkõhgit ɗiy məs zit baybayə.

Gəlyaɗe 51:17

Daya, akol metteɓ mawa, maw dətibirokgəni.

Gəlyaɗe 51:19

Əzaɓ-Maŋgəlva məs Maŋgəlva aŋgəl na, maɗɗula an lumbu'lumbu'u. Maŋgəlva, kəzelen na makra ɗəf an lumbu'lumbu' gəm məvoŋgən kiyən ɓa.

Gəlyaɗe 83:18

Wil dədenni, mekret dəzlahgən hã faɗə, dərbaŋgən wili, dəzaŋgə.

Gəlyaɗe 90:2

Tak mossorgoɗe gugriɗ dərbaŋ ɓa, tak əsɗu dəlvafuŋ də enziya egge, far na sete, hã faɗə, istə Maŋgəlva.

Gəlyaɗe 93:2

Mazaŋga na məlĩ nok məsɓani farə; gala farfar is tatə.

Gəlyaɗe 97:9

Vi istə Yawe, Məsəɗəɗə naka dəlvafuŋ pakə, məzəm məlĩ hã sə disiŋ aket meŋgilveɗ pakə.

Gəlyaɗe 99:3

Dətibirenən iya nok metiŋgin nawgeslne' səni! Nan salala yi!

Əgilye 15:11

Yawe sə weleŋgit meŋgilveɗ na naway va is di? Naway məs gagdak na salala nan va is Nawgeslne' sən də wəgagdakani di? Məgəɗ zəga naggət akan di?

Əgilye 15:13

Də moggon noko, Kədawgitik ɗiy məs kəmeti! Də gbogboŋ noko, kəkek addəv salala noko.

Əgilye 15:18

Yawe tay əzəm məlĩ ka faɗə!»

Əgilye 40:34

Slaybuwən agulunək gizlirke nalma də Maŋgəlva, gagdak na Yawe aknəhək təki nassa.

Əgilye 40:35

Moyis dəɓap ətoŋ a gizlirke nalma də Maŋgəlva ɓa, vi slaybuwən asanək akan də gagdak na Yawe aknəhək təki nassa.

Wənməkkpaŋga 16:19

Ɗəɗah əɓe'gən kizə ɗəf azet məssehẽŋɗe ki uɗakan ərəh dit məɗiyən-kiziti.

Wənməkkpaŋga 8:23

Gala farfar məzəməɗwa, gala ətəŋ nani, gala ətəŋ na dəlvafuŋgi.

Isaya 18:4

Vi, vaski Daya Maŋgəlva anah su na: in tat ɓatɓat ula sə gəlawa va təki kakãh duroɓduroɓ ara paya va slaybuwən liplip addəv təki kakãh na mawala.

Isaya 33:5

Yawe metiŋgini vi a disiŋ asani aknahək Siyon də wədaw sarara gəm wəɗɗa təstəsə.

Isaya 40:28

Kəsən ɓa sa? Kəprəm na Yawe na, Maŋgəlva an faɗi yi, ndən dəzəmiɗ meŋge na dəlvafuŋ, addak ɓa, awya ɓa, keket tay nakgbeŋ əsən nan ɓa ɓa sa?

Isaya 52:13

Awla wahhar ammba gawla nawa. Waɓayə, wasan metiŋgini, kawɗiyni kiyən diyɗa.

Isaya 6:1

Aka əzva məlĩ Oziyas amtə, nulak Daya addəv ula tay ɗewwe aka mazaŋga məɓayən məɗiyən na məlyã, gabba lukut nan aknahək gəla-na-Maŋgəlva.

Isaya 6:3

Tahəŋ ənzla vaŋvəl aza zit na: Salala Salala Salala Yawe Məzuɓappak! Dələv dəwən nan aknahək də gagdak nani.

Isaya 63:15

Sə disiŋ, awələ; hã sə təki nassa na salala noko, gəm gagdak noko, awla an dədawrəhmə: Ngay əŋgla noko, gurom nalpa nok di? Ulasahã nok gəm əŋgla metiŋgin nok viyəm na agrakaŋgək sa?

Yeremiya 10:10

Ya Yawe yi Maŋgəlva gegesiŋ, ndəni Maŋgəlva madarani, məlĩ an faɗə. An adək gədəva, dələv tay əkkere; ɗiy naket dəlveŋge awɓəsən ədagədəv nan ɓa.

Əɓuhma 3:41

Məkkam də makram pak də ətəl vam sulagən sən Maŋgəlva na disiŋ.

Ezekiyel 16:63

Vi kəɗɗumongən an dətoŋgu, wil dədukungəni, mok adawkol ɓa sən ərba wil nok pay nədavvuyon suk an kəgəɗ pakə, Daya Yawe aɗiymani.»

Ezekiyel 9:4

Yawe aɓsən na: «Atoŋ addak walaŋgəla-metiŋ, addak Yerusalem; kəvergən zəga a mirbizit ɗiy dədawɓuhnən met gəm dədawɗəkaŋ aket zəgeɗ daryawɗe dədaɗɗaŋ addəvnəŋka.»

Daniyel 2:11

Zəga an məlĩ attokəŋ tuwãhĩ, ɗəf tay maɓɓan nawɓap əɗɗan ɓa, an meŋgilveɗiŋ ɓa ɓa, vi net tahəŋ də gəla aret ɗiy ɓa.»

Daniyel 4:17

Wəlaŋga məs kəwəl məɓayən ɓəɓəl məs əɓay nan hã a disiŋ, dədawla hã sə təki dələv abaymanəŋ,

Daniyel 4:34

Kakaŋ in, Nabukodonozor, nəɗiyək kini, nəkaɓgənəka, nəgagdakanək Məlĩ na disiŋ, vi wəza nan pak gesiŋgin, tive nan təstəsi, tay əɓe'git məɓaygənən kiziti.»

Yo'el 2:13

Məŋgaran mokrokum məza lukutɗe nokum ɓa, məmndoŋ aza Yawe Maŋgəlva nokum: vi məgəɗ mbəlembəle yi, muwəl sasãhĩ, awdagədəv go' ɓa, məgəɗ moggoni diyɗa. Appanək wən naɗɗa mbərayən sən ɗəfa.

Mika 5:2

Vini kana, wappet hã gap ɗak nawa təwəgəni. Asna madambirgit milmiŋgiɗ wamndoŋ azet ɗiy na Israyel.

Mika 6:8

Mənah suki an dəslə is ɗəfa, an Yawe adawkayan azok na: zəga mbərni balsən wəɗɗa təstəsə əŋgla moggoni əsla zuk ədaw də Maŋgəlva noko.

Zakarya 2:13

Vi in yakəŋ əslan vaw aketi, wakkpaŋgaŋ ka ərəh na mawgay net belemɗe neti. Wakəsənnən na, Yawe Məzuɓappak dəslənwa.

Zakarya 9:9

Anneken zuk diyɗa, waŋ na Siyon! Aɗɗəl nanneken zuko, waŋ na Yerusalem! Məlĩ nok yaŋ tay əzzan azoko; təstəsi yi gambaray, avoŋgənək kini, apeŋgik aka koro, aka wət koro.

Matiye 6:9

Vaŋki kan kədakkamaŋgə: Afəm an na disiŋ, iya nok dəsan salala.

Luka 1:49

vi Məzuɓap agəɗ suwək zəgeɗ gagdakɗe. Salala yi iya nani,

Luka 4:18

Əmpəs na Daya tay akawa, vi awelwək nəpelgən alabara nenek sit məssãhẽŋɗe, aslənwək kawtəl ma nappet ɗiy mərmeti, vi kawkol sit heret deŋgerɗe, vi kawkõhgit məzuzəmaŋ sahã.

Wəza net Masləŋɗe 3:14

Nokum kəzganənək ɗəf an salala məs təstəsə, yaŋ kəssohoŋ mbəlembəle sən ɗəf məbay gəbaya.

Roma 1:20

Vi zəgeɗ məs ɗəf awle səzan ɓa təŋ səza əzəməɗ na dəlva va əɓap nan məza meŋge ɓa gəm əssa nan asan Maŋgəlva tay ərbaŋ addivit zəgeɗ en agəɗə an əsən agohonko. Vini təki narma vet asan na ɓa.

2Korintus 1:4

Ndəni məzəsɓam addəv əzəm sahã nam pakə vi məɓaɓgən əsɓet en dəssoŋ addəv əzəm sahã pak də əsəɓ an mənam sən kiyəm mədawrəh səva Maŋgəlva.

2Korintus 2:7

Vini, aslək kəvvuyon sənəngəni, kəbbahaŋ sənəngəni vi adassahãn zən diyɗa ɓa.

2Korintus 7:6

Ya Maŋgəlva məzuɓətgit ɗiy aɓətgəmək də əgap na Titus.

Əmsak aka Mahenziŋ 33:27

Far na, Maŋgəlva yi təki nawɗam noko; van tay əkasluk pay pakə; arɓehetik məzuzelɗe nok səboko, anah suk na: azeti!

1Timote 1:17

Gagdak gəm əɗikiya va sayit ɗiy amə' pak sən məlĩ məs faɗə məs amta ɓa, məs awlanən ɓa, ndəni Maŋgəlva kaka'ə. Amin.

1Timote 6:16

Ndəni takərgən məza amta ɓa, tay addəv əkeɗeɗe məs ɗəf aɓap əgap azan ɓa, ɗəf tay dula ɓa, ɗəf tay nawɓap ulan ɓa'a. Gagdak də əzəm məlĩ nani hã faɗə. Amin.

Ibriɗe 9:14

an vaski na mbel na Kristu dədawtəraŋ wəray day pakə. Də Əmpəs nassa hã faɗi apsən zeŋgilen sən Maŋgəlva va zəga mamayã məza heslepe azan ɓa nawzaɓ-Maŋgəlva abbur əɗɗum na makram səzet wəzeɗe mimtit vi məgəɗ səngən wəza sən Maŋgəlva madarani.

Yakob 4:6

Ya gbogboŋ məs Maŋgəlva apsukuməŋka ndən dayki zəga pak də metiŋgini. Vi ɗerewel na Maŋgəlva anahək na: Maŋgəlva atokuk ki haran sit ɗiy məzəgakdakanən ziti, ya tay əpsit gagdak sit ɗiy məzuɓe'gənən ziti.

1Piyer 5:5

Gewleɗi, nokum pak məprəm met ɗiy məsɓeti. Məɓe' sən zukum addəv ənziya a walaŋ zukum pakə. Va Əver anahə: Maŋgəlva tay əbay gagay sit məgagdakanən ki ziti, ya wapsit mbəlembəle sit ɗiy məɓe'gənən ki ziti.

Hənhən 15:4

Naway məs ageslne' suk na ɓa, agagdakan na iya nok ɓa di Daya? Vi istə salala kaka'ə, ɗiy-ɗar pak wazzoŋ əppu' aboko. Vi wətaw wən nok temtem arbəka.

Hənhən 3:7

Aver sən maslay na gəla na Maŋgəlva na Filadelfiya: Aŋki Ɗəf an Salala, an Gərrakə adawpele, ndən məs dərma lekile na Davit avani, an akoluko, ɗəf tay naɓap əmsan ɓa, an amsanəka ɗəf tay naɓap əkolən ɓa:

Hənhən 4:8

Zəgeɗ memeyẽɗ poɗo neki, awandi pak tay də persleken sləre sləre, zit tərwəslə gəm kəladdivit pak hereti. Kapay də dəfəɗ pak awɓətaŋ dawtəlma ənəh na: Salala, salala, salala, Daya məlĩ Maŋgəlva ɓa, ndən məs dəsan farə, dəsan kakaŋka gəm dədazzani.

1Samiyel 2:2

Ɗəf tay salala va Yawe ɓa. Vi istə Maŋgəlva, tay məbal suk ɓa. Milɓe va Maŋgəlva nam tay ɓa.