Isaya 57:13 - Bible en Guidar

¹³ Pay kədawhəm sit sap net meŋgilveɗ nok dəkõhgukuni Səmyã waslet pakə, kitiwkitiw nan waddergiti. Ya məs dəɗi əɗɗum nan akawa dələv wasan ka nani, wazəm gəla aza mossorgo naw salala.

Isaya 57:13 ပူးပေါင်းရင်းမြစ်များ

2Milyeŋge 3:13

Elisa aɓsən məlĩ na Israyel na: «Miy aka walaŋgu də is di? Dok azet məskəleŋɗe na afuk dit en nat moko.» Məlĩ na Israyel aɓsən na: «Owwo! Vi wasan Yawe dəkkin milyeŋge hokiŋ kappet ava Mo'ab.»

Ɗerewel na Yob 21:18

Dəssoŋ va kiste aba səmyã, va eslesle məs barkataŋ adawkaŋgə.

Gəlyaɗe 1:4

Məsdarawɗe net vaskəŋ ɓa: tahəŋ va eslesle məs səmyã adawfu'o.

Gəlyaɗe 118:8

Ɗəɗah əɗam ara Yawe ki əppan əɗɗum nok aka ɗəfa!

Gəlyaɗe 125:1

Gəlya nawpeŋ ədda əkkam a Yerusalem. Məs dəppanən əɗɗum net aka Yawe tahəŋ va mossorgo metiŋ na Siyon: aɓla ɓa, tay hã faɗə.

Gəlyaɗe 37:11

Dələv wasan sit məs dəvoŋgənən kiyti wannekeŋ addəv zazay diyɗa.

Gəlyaɗe 37:22

Ɗiy en aɗɗa əzaɓ nan aketi, dələv wasan ka neti, məs mahanay aketi, wazaŋgə.

Gəlyaɗe 37:29

Dələv wasan sit ɗiy en təstəsə, wassoŋ akan hã faɗə.

Gəlyaɗe 37:3

Aɗi əɗɗum nok aka Yawe, agəɗ moggoni, kəsokgən aka dəlva, kəssokgən zayə;

Gəlyaɗe 37:34

Aɗi əga nok aka Yawe, arma tive nani; dələv wasansuk ka noko, wakule va adawzetin məsdarawɗe.

Gəlyaɗe 37:9

Vi kawzeti məɗɗaŋ zəga mbərayni, en dədawganən Yawe na, net dələv wasan ka neti.

Gəlyaɗe 58:9

Dəssoŋ va ambalyãmbalyã məzəddan mefɗe tolorro! Va daway məkiyən dula pay ɓa!

Gəlyaɗe 84:12

Vi Yawe Maŋgəlva, pay yi, baray yi; Yawe tay əpsəm mbəlembəle də gagdaka, awzle məzudawaŋ aka təstəs-gərak də moggon ɓa.

Wənməkkpaŋga 28:25

Ɗəf məsgolvoŋgən gəsa adawki əgay ɓa; dəppan zən ava Yawe wakərə.

Isaya 11:9

Aɗɗaŋ na mambray ɓa, tay məs adawraygənən səka mossorgo metiŋ salala naw ɓa, vi dəlvafuŋ waknah də wəsən gagdak na Yawe va iŋkile adaknahənən pehe.

Isaya 14:32

Kawzlan mbar sit maslənɗe di? Vi Daya dəvani dəmpa Siyon; adaki məssehẽŋɗe net ɗiy nan adawkayaŋ təki nawɗama.

Isaya 25:4

Vi təki nawɗam net ɗiy məddekit, gəm net məzurayɗe kənani, an tahəŋ addəv tatwãha. Təki nawɗam sən buwən maŋgalaw kənani, zeŋgile nasa ammban sən əzla na paya. Vi ədagədəv net məsdarawɗe tay gədak va əzi na buwən maŋgalawə.

Isaya 40:24

Məggraki əmpet ɓa ləŋgə, məggraki əzlget ɓa ləŋgə, weleŋgit dəmpa suwerin aka dəlvafuŋ ɓa ləŋgə, yaŋ afu' səmyã aketi, adaŋkəlaŋgə yaŋ barkataŋ asilgit a disiŋ va kevile.

Isaya 41:16

Wakəndolet a disiŋ, səmyã wake, barkataŋ wandoleti. Ya nok wakəsok addəv ənnek vi Yawe, zuk wasan babyak babyakə, vi Salala na Israyel zuk wasan neki.

Isaya 45:20

Məkkalə, mide, məzar aŋ baymokumu, munokum ɗiy məs dəndəwəɗaŋ naket dəlveŋge. Ɗiy məzuslanən zəgakamaŋgəlva net na wəlaŋga məzəkkamanən maŋgəlva məs akõhgit na ɓa, neti zəga tay asənaŋ ɓa.

Isaya 49:8

An Yawe anah yaŋka: Pay na ulasahã, nəprəmək əkkam noko; pay na əkõho nəbbah sukko. Nəgukuko, nəɗikuk ta' kəsokgən wənmiyna net ɗiy nawsilgən dəlva nawɗak hara dələv məs dərayəŋka.

Isaya 56:7

wanneken aka mossorgo metiŋ na salala nawa, wanənneken sit zit addəv gəla nakkam nawa, vasna əvəl nawzla kurmbuɗuk neti gəm əzaɓ-Maŋgəlva nawrəh zazay net məs adaŋ a matuya nawa. Vi kawyani gəla naw na gəla nakkam viyit ɗiy pakə.

Isaya 60:21

Ɗiy nok beymet wassoŋ təstəs hã faɗə, dələv wasan ka neti. Wəlaŋga məs nəmpə yi wəza na vawa, vi karban gagdak nawa.

Isaya 65:11

Ya mənokum məs kəzganən Yawe, məzgətaŋ ki mossorgo salala nawa məpsənən zəga nawzəm sən zəgakamaŋgəlva dəsan a Gad, məzəknahtən huloŋguk na zəgakamaŋgəlva Meni də zəga nawsa məslahani.

Isaya 65:25

Kəramuyã də wət time wataɗaŋ a təki taka. Ɓoolu də wasliya kevile adawzəmaŋgə. Burɗuk wasan zəga nawzəm na dohõ. Mambray də əza wassoŋ aka mossorgo salala naw ɓa Yawe anahə.

Isaya 65:9

Wanəpsən uwa sən Yakob. Mossorgoɗe naw wassoŋ ka na Yuda, dələv wasan sit ɗiy məwelit nawa, məɗɗaŋ wəza naw wassoŋ adaka.

Isaya 66:20

Wakinin milmiŋgiɗkum səweleŋgit ɗiy-ɗar pak va əvəl sən Yawe, aket pilseŋge, mawteŋɗe net pilseŋge gəm mawteŋɗe nawgaya, aket koropilseŋge gəm zlogomeɗ a Yerusalem aka mossorgo salala nawa, va mə Israyelɗe adawkiyaŋ əvəl na zəga nawzəm addəv gəla na Yawe dit hiliŋgiɗ salala, Yawe anahə.

Yeremiya 2:28

Ŋgahəŋ meŋgilveɗ nok məs kəzaɓ sən kiyuk nek di? Dəsilyoŋgu an wakõhgukun pay na tatwãh noko? Yuda vi əŋɗa net walaŋgəleɗe gugriɗ nok gba net meŋgilveɗ noki.

Yeremiya 22:20

Apeŋ aka mossorgo na Liban aŋgəsl vaŋvəla dəprəm a Basan aŋgəsl vaŋvəl hã səket mossorgoɗe na Abarim vi məbeyti gəreŋgiɗuk gərakə.

Yeremiya 22:22

Səmyã watreyet məzuteɗeŋɗe noko: vaski, gəreŋgiɗuk waddoŋ aka balamə. Asna wil wadukuni gəm wakərbə wili sən mambray an kəgəɗ pakə.

Yeremiya 30:14

Ɗiy en dəŋglukun pak azgətaŋgək kiyko, tay dədaɗɗum akok ɓa; vi nəvərkuk va kəɓəs na məzuzeluk nani, nərgukuk gədakə vi heslepe nok metiŋgini mambray nok adayka.

Ezekiyel 20:40

Vi aka mossorgo metiŋ salala nawi yi, aka mossorgo metiŋ məɓayən na Israyel, Yawe Maŋgəlva aɗiyman na adaki kədaɗɗaŋ suwən wəza, mənokum ɗiy na Israyel pakə, məɗiwən nan aka dələv gboŋgu; adak nədakkalan an kəgəmaŋ na əvəl dəndən gəm əvəl an moggon nokum, dit zəgeɗ nokum salala pakə.

Hose'a 13:3

Vini adassoŋ va slaybuwən nampummo, va minɗe məzuziyaŋ əssaraŋ gu'u, va səmyã adawka eslesle sə kelle, va enene adawgilyoŋ dəma təki foŋgo naza gəla.

Zakarya 7:13

Vaski «va nəye lahəŋ dəprəmnən ɓa, wayuwəni, ya nəprəm sit na ɓa, Yawe Məzuɓappak anahə.

Mətawaŋwəna 10:14

Məddoŋgu, məhəmsit meŋgilveɗ məs kəweleŋgi, ndəɗaŋ vet dəzzoŋ əkõhgukum pay əzəmsahã nokum!»