Isaya 56:7 - Bible en Guidar

⁷ wanneken aka mossorgo metiŋ na salala nawa, wanənneken sit zit addəv gəla nakkam nawa, vasna əvəl nawzla kurmbuɗuk neti gəm əzaɓ-Maŋgəlva nawrəh zazay net məs adaŋ a matuya nawa. Vi kawyani gəla naw na gəla nakkam viyit ɗiy pakə.

Isaya 56:7 ပူးပေါင်းရင်းမြစ်များ

1Milyeŋge 8:41

Molhõyõ dayday, məza ɗəf naret ɗiy nok na Israyel ɓa zlaŋ, an adek sə guw faraɗa vi iya noko

Gəlyaɗe 2:6

«Naw nəɗiyək məlĩ naw aka Siyon mossorgo metiŋ salala nawa.»

Əgilye 28:38

Miypa'a nan dəsangən a mirbiz Aron vi dəslangən mambray məɗɗan azet zəgeɗ en mə Israyelɗe avəlaŋ na matuya pakə: Dəsangə pay pak a mirbizin vi Yawe dənnekgən də əvəl vani.

Isaya 11:9

Aɗɗaŋ na mambray ɓa, tay məs adawraygənən səka mossorgo metiŋ salala naw ɓa, vi dəlvafuŋ waknah də wəsən gagdak na Yawe va iŋkile adaknahənən pehe.

Isaya 19:19

Pay dəpaska, addak walaŋgəla na Eziptə na gəlamatuya wasan sən Daya gəm serek məmpan sən Daya amaŋgava meŋge na dəlva.

Isaya 19:21

Asna Daya warban zən a Eziptə, pay dəpaska mə Eziptiɗ wasənnən Daya. Waɗɗaŋ sənən wəza də wəzaɓ-Maŋgəlva gəm əvəla. Waynanən met taŋtaŋ sən Daya, wazbanəni.

Isaya 25:6

Aka mossorgo metiŋgin vanəska, Yawe Məzuɓappak wapsit waynabaya slu məs səlhã də mbazla ammbani slu nenek məs səlhã, mbazla məɗɗoto moggon fõtfõt ammbani.

Isaya 56:5

asna eŋgil anawda gəm addəv zlava naw na wanəpsit təki gəm iya na sləma day kiyən net kirin mezeŋgleket dit muguluŋgiti. Iya an faɗ nədapsiti, azə na ɓa.

Isaya 57:13

Pay kədawhəm sit sap net meŋgilveɗ nok dəkõhgukuni Səmyã waslet pakə, kitiwkitiw nan waddergiti. Ya məs dəɗi əɗɗum nan akawa dələv wasan ka nani, wazəm gəla aza mossorgo naw salala.

Isaya 60:11

Pay pak metiveɗ nok wassoŋ viŋŋge, dəfəɗ də kapay pak kamseti yi ɓa, vi kawki suk arya net ɗiy-ɗar dit milyeŋge net ammba zit teptepi.

Isaya 60:7

Gilew na Kedar wakkalaŋ pak suko, ndergeyẽɗ sə Nebayot wassoŋ sukun naɗɗa əvəl nawzla kurmbuɗuku. Kawzaɓi-Maŋgəlva an nəŋgəl aka təki nawzaɓ Maŋgəlva naw dənɗaŋgə, wanərban gagdak na gagdak na gəla nawa.

Isaya 61:10

Ənnek nədannek addəv Yawe, wanəɗɗəl sən Maŋgəlva nawa, vi askəsuwək lukut nawkohõ, asərətwək də lukut məkso'o na təstəs va ɗəf dəɓel gulku adawɗi zən va məsdəlva, adawɗup kulpup na məlyã, va waŋ məɓelət tədawzaɓan zət dit zəgeɗ na gawla nata.

Isaya 65:11

Ya mənokum məs kəzganən Yawe, məzgətaŋ ki mossorgo salala nawa məpsənən zəga nawzəm sən zəgakamaŋgəlva dəsan a Gad, məzəknahtən huloŋguk na zəgakamaŋgəlva Meni də zəga nawsa məslahani.

Isaya 65:25

Kəramuyã də wət time wataɗaŋ a təki taka. Ɓoolu də wasliya kevile adawzəmaŋgə. Burɗuk wasan zəga nawzəm na dohõ. Mambray də əza wassoŋ aka mossorgo salala naw ɓa Yawe anahə.

Yeremiya 7:11

Gəla naw məs adayanən iya naw adakəŋ akkpaŋgək təki nawɗam net məvoŋgoŋ tive ama horokum sa? Naw pak nulaka, Yawe aɗiymani.

Ezekiyel 20:40

Vi aka mossorgo metiŋ salala nawi yi, aka mossorgo metiŋ məɓayən na Israyel, Yawe Maŋgəlva aɗiyman na adaki kədaɗɗaŋ suwən wəza, mənokum ɗiy na Israyel pakə, məɗiwən nan aka dələv gboŋgu; adak nədakkalan an kəgəmaŋ na əvəl dəndən gəm əvəl an moggon nokum, dit zəgeɗ nokum salala pakə.

Ezekiyel 47:22

Kəɗɗaŋgən vẽpəlu nawgəm haran nawray nokum, səkum gəm sit molhõyẽɗ dəssoŋ də gəla arokum, məs duwaŋ kirin mezeŋgleket arokum; wassoŋ səkumən va kirtindələv aret mə Israyelɗe; waɗɗaŋ vẽpəlu də mənokum kawrəh haran nawray vet aret mahəlfaɗe na Israyel.

Zakarya 8:3

Vaŋ Yawe anahə: Nəmndawək a Siyon, in tat də gəla a Yerusalem. Kawyani Yerusalem na «walaŋgəla gegesiŋ», mossorgo metiŋ na Yawe Məzuɓappak na, «mossorgo metiŋ Salala».

Malakiya 1:11

Vi təŋ səkki əgilye na paya hã gap akki məs adawbəta, iya naw gədaki aweleŋgit ɗiy-ɗarə. Aŋga pak tawkiyaŋ tursan aka iya nawa, vaska'e matuya məza heslepe azan ɓa, vi iya naw gədaki aweleŋgit ɗiy-ɗarə, Yawe Məzuɓappak anahə.

Matiye 21:13

Aɓsit na: Məverni na: Kawyani Gəla naw na, gəla nakkama, yaŋ nokum kəkkpaŋganən ka bətəŋ net məvoŋgoŋ tive.

Markus 11:17

Agəɗək əyak sit ɗiyi aɓsit na: Nam na məverni na: Kawyani gəla naw na gəla nakkam viyit ɗiy pakə ɓa sa? Yaŋ nokum kəkkpaŋganən ka bətəŋ net məvoŋgoŋ tive.

Luka 19:46

aɓsit na: Məverni na: Gəla naw na gəla nakkami, yaŋ nokum kəkkpaŋganən ka bətəŋ net məvoŋgoŋ tive.

Roma 12:1

In tat əɓɓəlokum kana milmiŋgiɗwa, də ulasahã na Maŋgəlva kərahaŋgəŋ na, məpsən zukum ka əzaɓ-Maŋgəlva madarani, salala, məs dəslə sən Maŋgəlva. Aski əpəl nokum dəslə na əpalən.

1Timote 2:8

Nəŋgəl kan na, a təki pak ɗiy mezeŋleket dəkkamaŋ də əslan vet salala a disiŋ, məza də ədagədəv ɓa, məza də əgay ɓa.

Ibriɗe 12:22

Ya nokum kəddereŋgik aza mossorgo metiŋ na Siyon gəm aza walaŋgəla na Maŋgəlva madarani, va wənah na, Yerusalem na disiŋ, dit maslayɗe nan məza aŋɗaŋ ɓa addəv əzləra.

Ibriɗe 13:15

Də iya na Yesu, məpsən səm əvəl nawɗi kiya sən Maŋgəlva məza əppan gabban ɓa, va ənəh na əpel na mam məzuya iya nani.

1Piyer 2:5

Nokum van kpakə, va gərmeŋge medereti, məssoŋ mərkukum ka gəla nassa na Zeŋgile Salala, ka əsap net məsdəlveŋge salala napsən əzaɓ-Maŋgəlva na əmpəs sən Maŋgəlva məs adawtaf də Yesu Kristu.