Isaya 56:5 - Bible en Guidar

⁵ asna eŋgil anawda gəm addəv zlava naw na wanəpsit təki gəm iya na sləma day kiyən net kirin mezeŋgleket dit muguluŋgiti. Iya an faɗ nədapsiti, azə na ɓa.

Isaya 56:5 ပူးပေါင်းရင်းမြစ်များ

Isaya 2:2

Addivit əvoŋɗe nabe na mossorgo metiŋ naddəv gəla na Yawe wasan aket mossorgoɗe gugriɗe, waday kiyit mossorgoɗe. Asna ɗiy naket dilveŋge pak wazzoŋ sapsap akani.

Isaya 2:3

Ɗiy diyɗa wambataŋ adaka; wanahaŋ na məndam əpeŋ aka mossorgo metiŋ na Yawe addəv gəla na Maŋgəlva na Yakob. Warbet sim tiveɗ nani, mədawgən aket tiveɗ nani vi sə Siyon gi mahenziŋ na Yawe adazzani əpel nan tam sə Yerusalem.

Isaya 26:1

Pay dəpaska, kawyani gəlyaŋ aka dələv na Yuda: Mənam tat də walaŋgəla-metiŋ gbogboŋgo. Daya atərwəslək dit zlavaɗe temtem sula.

Isaya 43:7

Məs məyan də iya naw pak in nəzəməɗa, nərka ammba gagdak nawa, ha'aw in nəɗɗa.

Isaya 48:19

Kirtuk wassoŋ va hoyoŋko uwa naddəvuk wasan va membikke, Iya net avvuy na ɓa, azə na səbaw ɓa.

Isaya 55:13

Wəleŋɗe lelewɗe waɓayaŋ a gəlet gedirgeɗi, a gəlet tintifɗe, wəleŋɗe məs məŋginit neki. Wasan zəga na sləma vi Yawe gəm zəga narba an faɗ məs azə na ɓa.

Isaya 56:7

wanneken aka mossorgo metiŋ na salala nawa, wanənneken sit zit addəv gəla nakkam nawa, vasna əvəl nawzla kurmbuɗuk neti gəm əzaɓ-Maŋgəlva nawrəh zazay net məs adaŋ a matuya nawa. Vi kawyani gəla naw na gəla nakkam viyit ɗiy pakə.

Isaya 60:18

Kaprəmi gagay aka dələv nok əmpa ɓa, əray gəm əza aket meŋge nok ɓa. Wakəya zlava nok na, əkõho, metiveɗ nok na, əɗikiya.

Isaya 62:12

Kawyeti na: «Ɗiy salala», «Məbitit na Yawe»; nok kawyuki na: «Məŋgluni», «Walaŋgəla-metiŋ məs məzgani ɓa».

Isaya 62:2

Ɗiy-ɗar wawlanən təstəs noko, məlyeŋge pak wawlanən gagdak noko. Kawyuki də iya meleketen məs ma Yawe adawɗiya.

Isaya 66:20

Wakinin milmiŋgiɗkum səweleŋgit ɗiy-ɗar pak va əvəl sən Yawe, aket pilseŋge, mawteŋɗe net pilseŋge gəm mawteŋɗe nawgaya, aket koropilseŋge gəm zlogomeɗ a Yerusalem aka mossorgo salala nawa, va mə Israyelɗe adawkiyaŋ əvəl na zəga nawzəm addəv gəla na Yawe dit hiliŋgiɗ salala, Yawe anahə.

Isaya 66:22

Yawe aɗiyman na: Wanəzəməɗ disiŋ gəm dəlvafuŋ meleketeni, wassoŋ faɗ abawa. Vaski uwa nokum gəm iya nokum adawsan faɗə.

Sefanya 3:20

Pay nan na, wanəmilgukum, pay nədakkolokum wasani; sləmokum wabbalə, wanəɗi kiykum a weleŋgit ɗiy nammba dələv pakə; pay nədawziwgin wən nokum a mahorokum Yawe anahə.

Matiye 16:18

Naw in tat ənah suko: Piyer (Milɓe) kənani, ya aka milɓes nədarka Gəla nakkam nawa, maddembeɗe na təki nanziya net mimtit aska na wəlan ɓa.

Yohanna 1:12

Ya ɗiy en dəŋgluwəni, dətafən iya nan na, apsit gbogboŋ nakkpaŋ kirtin Maŋgəlva.

Efesus 2:22

Akani yi'e nokum mərkukum sapə, ka kəssoŋgən təki nassa na Maŋgəlva addəv Əmpəsa.

1Timote 3:15

Də as pakə, an nəliyək na, kəsəngən va mbar kəssok addəv Gəla na Maŋgəlva di, va ənəh na ɗiy na Maŋgəlva madarani, məs dəsan dədəka gəm gabba gegesiŋ.

Ibriɗe 3:6

Ya Kristu na Wətən Maŋgəlva yi aka gəla nani, mənamtə gəla nan vani, an mənam tat əsok zəm də gegesiŋ gəm məppan ərma ənnek na əga nam ɓa.

1Yohanna 3:1

Mula əŋgla məs Afən apsəmə, vi kawyəm na Kirtin Maŋgəlva, ya vas mənani. Vini ənziya egge dəsənəm ɓa: vi dəsən Maŋgəlva ɓa.

Hənhən 2:17

Ɗəf məs də sləman, dəprəm an məs Əmpəs adawnah sit gəleɗe na Maŋgəlva: Sən məskəwəla pak wanəpan manhu məɗamani, wanəpan gərəm babar məver iya meleketen akani, ɗəf tay nawsən iya van abbər ɗəf məs məpsən ɓa.

Hənhən 3:12

Məskəwəla na, wanəɗɗa dəsangən dədəka addəv gəla na Maŋgəlva nawa, agil na əmpa ɓa, wanəver iya na Maŋgəlva naw akani, gəm iya na walaŋgəla-metiŋ na Maŋgəlva nawa, Yerusalem meleketen dədawpirken sə disiŋ səza Maŋgəlva nawa, gəm iya naw meleketeni.

Hənhən 3:5

Məskəwəla wagul lukutɗe baberɗe vaska; nəvvuyon na iya nan səddəv ɗerewel na zeŋgile ɓa. Ya wanənah aba Afu gəm abet maslayɗe nan na, ɗəf nawi.

1Samiyel 1:8

Elkana zələt aɓsət na: «Anna, vimi kədawhəm di? Vimi kawzəm ɓa di? Vimi mokrok adassok di? Nəday kiyit kirin mezeŋgleket kəlaw azok ɓa sa?»