Isaya 56:12 - Bible en Guidar

¹² Ənahaŋ na: Məgapə, məsəgən mbazla na megezlembirke. Məsəgən mbazla tatrãhã! Vaska'a adawsan pummo! An dəpəl diyɗay yi!

Isaya 56:12 ပူးပေါင်းရင်းမြစ်များ

Ɗerewel na Yob 24:23

Də appet kiyit foŋgo pak na, haran tay ula ədaw neti.

Gəlyaɗe 10:6

Anah a makran na: «Nəɓəl na ɗah ɓa hã faɗə, əray arəhu na kpak ɓa.»

Wənməkkpaŋga 20:1

Mbazla akkpaŋgan ɗəf məmas aka ɗəfa, mbazla tatrah tam məklopo; dəppan zən sit pak asan na məsmaɗɗula ɓa.

Wənməkkpaŋga 23:35

Wakənah na: «Mərguwi ya dəssaw ɓa! Məkapwi ya nəttəman azaw ɓa! Dewɗe nədafɗah kpak di? Maw akan əmpa!»

Wənməkkpaŋga 27:1

Kədawkaɓ ammba pummo ɓa, vi kəsən an dəpaŋ adawa ɓa.

Məsmaɗula 2:24

An moggon aza ɗəf na, əzəma gəm əsay ənan ərah na wəza nani, naw nulak na as van səva Maŋgəlva ade.

Isaya 5:11

Əray yi azet ɗiy en dədawsilyoŋ də mompumo pum, əzban mbazla tatrãh nawsa, ɗiy en dədawtəpgənən pay ama mbazla tahəŋ dilili də mbazla aketi!

Isaya 5:12

Ɓaɓəlma gəzləŋtəndəŋ də gaŋgara, dəgəla gəm na pozloro tay əhhaɗan əsa neti. Ya awlanən wəza na Yawe va zəga azet ɓa, awlanən wəza an agəɗ də van ɓa.

Isaya 5:22

Əray yi azet ɗiy guromɗe nawsa mbazla, məs gbogboŋɗe nawsapan zev mbazla məhəsən awandi pakə!

Yeremiya 18:18

Aɓɗaŋ na: Mide mətuvur səm wən aka Yeremiya, mahenziŋ azəna vi məsdəlveŋge tahəŋ ɓa ɓa, əzga' vi məsmaɗɗula tay ɓa ɓa, əpel na Maŋgəlva vi məskəleŋɗe tahəŋ ɓa ɓa. Məndam sa akani, məraygən səm iya nani, əpel nan tay mədazga sləma akan ɓa.

Hose'a 4:11

Polkoyo gəm mbazla də an na meketepe pak azlzlaɓanən ki ɗəfa.

Amos 4:1

Məprəm əpeləŋka, met wasliɗe na Basan dəssoŋ aka mossorgo metiŋ na Samari. Mənokum məzimgitin sahã net ɗiy məddekti, məsərən met məzurayɗe may məzunah sitin deyeɗe nokum na: «Akiya, məsegənəŋki!»

Nahum 1:10

Dəssoŋ slakatslakat va gedirgeɗ daydayə gəm addəv əsa neti, kiyit gərəŋgərəŋgə: wazlaŋ dəwənnet va tərɗa məklakani.

Luka 21:34

Məsla zukum vi mokrokum adawgəgrəŋ aka əzlər mbazla ɓa, aka əbay na mbazla, gəm aka əɗɗum aka ənziya egge ka pay nan kazzan mədigirzike akokum,

1Korintus 15:32

An nəgəɗək əgay metiŋgin va ɗəf titir dit zəgeɗ darawit a Efesus, mi adawtər su di? An ɗiy mimtit awsilyoŋ ɓa, məzəm səmə, məsə səmə, vi mazayən waməmtə.

Titus 1:7

Vi aslək məzutaɗa net məkristuɗe dəsangən məza də wən akan ɓa, vi ndəni məzudawgən wəza na Maŋgəlva. Adawsan ɗəf məzukaɓ ɓa, mədəgədəv ɓa, dəppan kiyən sən mbazla ɓa, məŋgəl əgay ɓa, məs mamayã na ərəh net wil ɓa.