Isaya 56:11 - Bible en Guidar

¹¹ Kirɗe məs memeyẽɗiŋgə awbaŋ ɓa. Məzuteɗeŋgeŋgə, ya zəga tay asənaŋ ɓa, naway pak əzban tive nani. Naway pak tay əkayan ərəh nan kaka'ə.

Isaya 56:11 ပူးပေါင်းရင်းမြစ်များ

Əgilye 23:3

Pay nawtaw wən aka məssahã na, Kədabbah sən ɓa.

Məsmaɗula 5:10

An ərah awanək zəni məzəzəmnən wawaŋgə, ya mə ərah miy na afən an ulan də harani ɓa di?

Isaya 1:3

Wasli asənək ɗəf dəlbaha, koro tam təki nawzəm məs afən apsənə. Israyel nan dəsən ɓa; ɗiy naw azgan sləma ɓa.

Isaya 28:7

Məsdəlveŋge dit məskəleŋɗe pak tay əttapaŋ sən wən na mbazla tay əzaŋ sən əbay na mbazla, mbazla abeyike, tahəŋ gərəŋgərəŋ sən mbazla, tay əzaŋgə, awlanən an dədaɗɗa ɓa awɓapaŋ wətawwən ɓa vi mbazla abeyike.

Isaya 57:17

Vi heslepe na əsim zəga nani yi nədə gədəva. Addəv ədagədəv nawa nərbəsənəka maw tay aka ulan ɓa aɓɓəlanək kini, agəmək tive məs aŋgələ.

Yeremiya 22:17

Ya nok horok də mokrok pak aka ərəh noki, gəm aka əggbo' mbel net ɗiy en də mazlibezlibe na meti, aka əsər met ɗiyi gəm aka əɗɗa darawi yi.

Yeremiya 6:13

Vi təŋ səka muzliya hã gap ɗəf metiŋgini, naway pak tay əkayan ərəh kaka. Təŋ səza məskəleŋ gap aza məsdəlva, naway pak tay uwawəna.

Yeremiya 8:10

Vini nədapsit gil net sit ɗiy mbirti guli net sit ɗiy en nawmõhini Vi təŋ səka muzliya hã gap ɗəf metiŋgini, naway pak tay əkayan ərəh kaka; təŋ səza məskəleŋ gap aza məsdəlva, naway pak tay uwawəna.

Ezekiyel 13:19

Mənokum ərnokowən abet ɗiy nawa. Ammba kawrəh hay vokum zloŋ gəm way pəɗaw mənokum əbey ɗiy naw en nawbayəŋ ɓa, əppetin en nappaŋ ɓa, uwaŋ wən sit ɗiy naw dəŋglaŋ əprəm uwa wəna.

Hose'a 4:8

Ammba mambray net ɗiy naw adawzəmaŋgə, heret sekke ammba heslepe neti.

Mika 3:11

Ɗiy gugriɗ tay ətawənwən ammba əraha; məsdəlveŋge tahəŋ ərbanən wən ammba ərəha məskəleŋɗe tahəŋ əskaŋ helig vi kawrah koɓeɗi. Də as pak tahəŋ əziw aka Yawe də ənah na: Yawe tay a walaŋgəm ɓa sa? Tatwãh ade na akam ɓa!

Malakiya 1:10

Naway sə walaŋkum namsan maddamba vi kədasɗaŋ offo aka matuya naw ɗar mekeleŋ ɓa di? Zu tay nek də mənokum kpak ɓa Yawe Məzuɓappak anahə. Ya nətaf na əvəl səvokum ɓa.

Əŋɗa 22:7

Ɗiy məsɓet na Mo'ab dit en na Madiyan, mbataŋ kan də zəga evet nawfaɗ sən məwəl helig vani. Səza agapaŋ ana Balam da na, aman sənənək əpel na Balak.

Yohanna 8:43

Vimi kawsənnən maw ɓa di? Vi kəɓapən na əprəm əpel naw ɓa.

Wəza net Masləŋɗe 20:29

Naw nəsənka, an nəmbatka, kirɗemuyã mbəreyit watoŋgoŋ a walaŋkum, appanən na ngaɓa ɓa.

Wəza net Masləŋɗe 20:33

Nəsim təbəz babara, meleŋge, awaniɓa lukut na ɗəf ɓa.

2Korintus 4:4

viyit en məs tahəŋ də ətaf ɓa, məs maŋgəlva negge atip maɗɗuleti, awlanən alabara nenek na gagdak Kristu dəsan Maŋgəlva səɗek əwiɗ ɓa.

Filipi 3:19

Əgrak net na əzay yi, gədəvti maŋgəlva neti, zəga net willi gagdak neti. Əɗɗum net na aka zəga negge yi.

Filipi 3:2

Məsla zukum səzet kirɗe, məsla zukum səzet məɗɗaŋ mbərayən, məsla zukum səzet məɗiyaŋ ki əskəlawra.

1Timote 3:3

Adawsan ɗəf məs dəppan ki zən sən mbazla ɓa, adawsan məŋgəl əgay ɓa, dəsan makran zayə, adawsan məkaymama ɓa, awaniɓa məŋgəl deleɗ diyɗa diyɗa ɓa.

1Timote 3:8

Vaski yi'e məzəbbahaŋgə, dəssoŋ də maɗɗulet moggoni, adassoŋ matakatakeɗ ɓa, adappanən kiyit sən əsa mbazla diyɗa ɓa, awaniɓa məzəŋgla ərəh net wil ɓa.

Titus 1:11

Amsan meti, tahəŋ əraygitin ɗiy də gəla net pakə, də əɗɗa əyak məs dəslə ɓa vi kawrəh ərəh net wili.

Titus 1:7

Vi aslək məzutaɗa net məkristuɗe dəsangən məza də wən akan ɓa, vi ndəni məzudawgən wəza na Maŋgəlva. Adawsan ɗəf məzukaɓ ɓa, mədəgədəv ɓa, dəppan kiyən sən mbazla ɓa, məŋgəl əgay ɓa, məs mamayã na ərəh net wil ɓa.

1Piyer 5:2

Mətaɗ ngaɓa na Maŋgəlva məs apəl sukum, də əzga sləma akani məza addəv gagay ɓa də əŋgla na mokrokum va Maŋgəlva aŋgələ; məza də mamayã narəh deleɗ ɓa, ya də əppan sən kizukum.

2Piyer 2:3

Addəv əsim deleɗ neti, wawaŋ sukumən tepelke vi kappətkumənən. Far mətawwən aketi, əza net aliy na ɓa.

Zuda 1:11

Əray aketi, vi azbanənək tive na Kaynu, addoŋguk addəv əza na Balam ammba zəga nawrəha. Aɓoŋgoŋguk va Kore, azaŋka.

Zuda 1:16

Ɗiy veti, tahəŋ əpeleŋ wərwər əɓuhnən meti, əzbanən əsim zəga neti. Tahəŋ əgagdakanən ziti, tahəŋ əɗinən kiziti, vi dərəhaŋgən an məs aŋglaŋ.

Hənhən 22:15

Ya məɗɗaŋ ɗarɗarə, dit məɗɗaŋ sekene na tuya, dit məɗɗaŋ mana'a, dit məbayaŋ gəbaya, dit məzugagdeketin zəgeɗkamaŋgəlva, dit məŋglaŋ tepelke dit məwaŋ tepelke, vavyak azeti wassoŋ amapoho na walaŋgəla nani.

Mətawaŋwəna 18:20

Makra məsdələv annekke, ndən lukut na daya net məsdəlveŋge gəmə, zəgakamaŋgəlva, may tuya terafim məzaɓən məkkəɗ zən də təbəz məhəsən nek hãs əndet, addekit ɗiy kpiɓ ətoŋgo.

1Samiyel 2:29

Vimi kədawndapanən əzaɓ-Maŋgəlva naw gəm əvəl məs nəɗi wən nan a təki nassa nawa, kəɗi kiyit kirtuk daykiywa, kawkərgən zukum də zəga nawvəl maddaabəŋ na Israyel ɗiy naw di?