Isaya 55:7 - Bible en Guidar

⁷ Məsdaraw dəppan tive nani, məs mambray dəppan əɗɗum nani, dəmil aza Yawe, nan wawəlsahã akani, aza Maŋgəlva namə, vi muvvuy mambrayi sawɓa.

Isaya 55:7 ပူးပေါင်းရင်းမြစ်များ

Va'Atəŋ 6:5

Yawe awla na, mambray na ɗəf titir adayək aka dəlvafuŋ: əɗɗum na makran aka mbərayən adawbay zən pay pak kaka'ə,

2Alabaraɗe Də Mabərkiziti 15:2

Ambat ərəh Asa, anah sən na: «Məlĩ Asa, də mənokum ɗiy na Yuda gəm ɗiy na Benyamin, məprəmwã! Pay pak Yawe tay dəndəkum, an mənokum tat dəndən. An kəkayanənka, asna, wappan zən kərəhnəngəni; an kəppanənka, nan pak wappokum tamə.

2Alabaraɗe Də Mabərkiziti 15:4

Ya addəv tatwãh net na, amndoŋguk aza Yawe, Maŋgəlva na Israyel; akayanənka, ndən van, zən mbagən ndəɗaŋ gas ərəhəni.

2Alabaraɗe Də Mabərkiziti 30:6

Maslənɗe abbalanənək dələv na Israyel də Yuda, dit ɗerewelɗe məverit məs məlĩ dit ɗiy gugriɗ naban nek avereŋ va məlĩ aɗi wən nan də ənəh na: «Mənokum kirtin Israyel, məmil aza Yawe Maŋgəlva na Abraham, na Isak gəm na Israyel; wamil azokum mənokum məs kəmbraŋ kəkohoŋ səmmba va məlĩ na Asiri kəŋkə.

2Alabaraɗe Də Mabərkiziti 33:13

akkamani, yaŋ Yawe appan zən səni, aprəm əkkam nan vani, amilgin a Yerusalem aka məlĩ nani. Siske Manase asən kan na, Yawe, ndəni Maŋgəlva.

2Alabaraɗe Də Mabərkiziti 7:14

an ɗiy naw məs adawyaŋ də iya naw avoŋgənək kiyti, tay əkkamaŋgə, tay əkayawəni gəm amilyoŋ səka tive net mbəraynəŋka, naw wanəprəm hã sə disiŋ, wanəvvuyoŋ sit mambray neti, wanəbbur dələv neti.

Ɗerewel na Yob 22:23

An kəmilik aza Məzuɓappak, wakəsil a gəloko, adahək kəzargənəgən ɗarɗar səza gəla nok faraɗa.

Gəlyaɗe 130:4

Vi əvvuy mambray avoki yi, ka kawgeslne'suko.

Gəlyaɗe 130:7

Aga səva Yawe Israyel, vi Yawe tay də mbəlembəle də əvəla, gəm əbite.

Gəlyaɗe 51:1

Səza daya net məyaŋgəlya, Gəlyanalva na Davit.

Gəlyaɗe 66:18

Va nəɗɗumuk mbərayən a makrawa, Daya aprəmsu na kəta ɓa.

Wənməkkpaŋga 28:13

Dəɗaman mambray nan na, ahhar na ammban ɓa; ya an dəɗi marava dəppan gabbani, warah ulasahã.

Isaya 1:19

An kətafənka, kəprəmənka, zəga moggon, naka dələv kədawzəmaŋgə.

Isaya 14:1

Ha'aw Daya wawla sasah Yuda, wamsak əwel Israyel əmpa. Wamndeget ɗiy nan aka dələv neti, molhõyẽɗ wasapaŋ azeti gəm kawsapaŋ azet ɗiy na Yuda.

Isaya 21:12

Məga azlanək na: «Təki addaŋka, ya dəfəɗ tay əzzani. An əttok kəzzoŋ əttok na, kəzzoŋgən pay mbərən.»

Isaya 31:6

Məmndoŋ aza ɗəf məs kuktuhun dəɓokum səni mə Israyelɗe.

Isaya 32:7

Məmak ɗəf na ərba nan mbərayni, tay əkay keket vi kawzet məssehẽŋɗe də əpel tepelke, də məssahã adawpel təstəs zlaŋgə.

Isaya 40:2

Məzzayan makra Yerusalem, məprəman sən na wəza tatwãh nan agrakka, vi afaɗək mambray nani, arahək tatwãh təl sula səva Yawe aket mambrayɗe nan pakə.

Isaya 43:25

Naw, intə navvuyon əɓoŋ nok də əŋgla nawa nəɗɗum na aket mambrayɗe nok əmpa ɓa.

Isaya 44:22

Wanəvvuyon əɓoŋ nokum va slaybuwna. Mambray nok va maŋglavay, məmil azawa, vi nəkõhgukumko.

Isaya 54:10

Kəta mossorgoɗe gugriɗe dəddereŋgi, mossorgoɗe dəɓzlaŋ zlaŋgə, moggon naw viyuk adder na ɗah ɓa, wənmiyna na zazay naw aɓəl na ɓa. Vas Yawe məwəl sahã akok anahə.

Isaya 54:8

Səza ədagədəv naw asan vakvakə, nəɗaman sukuk haraw vi pay siɗikke, sən moggon naw pay pak naka nəwələk sahã akoko. Vas Yawe məzubituk anahə.

Isaya 58:6

Aŋki əɗɗa meme an nəŋgələ, əpil ngiyamɗe səka tilit ɗiy məs miynet na Darawə. Əpəl helegeɗ sulet ɗiy məɓrukit dəssoŋgən də meti, wənzlu zuk səma wəleti.

Isaya 59:7

Mənokum tat ənzoŋ kakara əɗɗa mbərayən, mənokum tat əgəm zukum əbay ɗəf məs man bartata. Əɗɗum nokum əɗɗum mbərayni. Aka tive nokum pak na watala gəm əraygən zəga yi.

Yeremiya 3:14

Məmili, kirin kiyɓəɓəlɗe, Yawe aɗiymani, vi intə afukum! Wanəgəm taka səmbokum sə walaŋgəla-metiŋ pakə, sula səddəv mahəlfa, wanəkikum a Siyon.

Yeremiya 3:3

Ndəni buwən dəzi ɓa, buwən na mawala dəzi ɓa. Guluk hara ɓəɓəl kənan ammba ɗarɗarə, kəɓoŋko, wil dədukun ɓa.

Yeremiya 4:14

Askoɓ mbərayən sə mokroko, Yerusalem, vi kəkõhgəni. Hã gap dehey kədappan əɗɗum nok mbəraynəŋ di?

Əɓuhma 3:40

Məbbalan səm haram aket tiveɗ namə, məɗɗum səm aketi, məmilgin aza Yawe.

Ezekiyel 14:6

Vini kana, anah sit mə Israyelɗe na: Vaŋ Daya Yawe anahə: Mide mimil səzet meŋgilveɗ nokumu; məkkpaŋgan horokum səzet zəgeɗ daryawɗe naɗɗa nokum.

Ezekiyel 33:11

Anah sit na: Va nəsaw madarawa Daya Yawe aɗiymani, nəŋgəl məsdaraw əmta ɓa, neŋgəl na məsdaraw dəmilgin səka ədaw nani, dəsangən madaran dərəŋgə! Məmili, məmil səket tiveɗ nokum mbəreytiŋki: Viymi kədamtaŋ di mə Israyelɗe?

Daniyel 4:27

məlĩ agəmək əpele anahək na: Aŋ Babilon metiŋgin məs nərkə də gbogboŋ gəm də wəɓap naw sən gagdak na məlĩ nawəŋki ɓa sa?

Yonas 3:10

Maŋgəlva awlak va ɗiy na Niniwe aɗɗaŋgə, tay əmilyoŋ səza mbərayən neti. Yas makran affeti, yas Maŋgəlva dəɗɗa tatwãh an aynə nawgəɗ siti ɓa.

Zakarya 8:17

ɗəf adaɗɗum mbərayən aka galan ɓa; kədasway ɗar ɓa; nəzelik zəgeɗis pakə, Yawe aɗiymani.»

Matiye 9:13

Məddoŋ məyagan an dəɗam addəv wənəŋka, ulasahã nəŋgələ, əzaɓ-Maŋgəlva yi ɓa. Vi naw nəde vi kawye ɗiy en salala ɓa, abbər ɗiy mbəreyit ɓa.

Markus 7:21

Vi səddəvən, sə makra ɗəfa əɗɗumɗe mbəreyit adawgilyoŋgu, əkuh a gizbe, əhãla, əbaygəbaya,

Markus 7:23

Zəgeɗ daryawɗes pak səddəv ɗəf adawgilyoŋgu, ndəɗaŋ dədarnokonən ɗəfa.

Luka 15:10

In tat ənah sukum, vaski ənnek adawsan azet maslayɗe na Maŋgəlva vi məs mambray təttaka dəɗi marava.

Luka 15:24

vi wətuwəŋ amtəka naka ya ambəlka, azəka naka məmndaki ərəhni. Atəŋgaŋgək əɗɗa wəzləra.

Luka 7:47

Vini nədawnah suko: Mambray nat ɗiyɗaŋka avviko vi əŋgla nat diyɗa yi. Ya an məvvuyon sən siɗikke, əŋgla nan siɗikke yi.

Wəza net Masləŋɗe 26:20

Ya daabəŋ na sit ɗiy en na Damas siske a Yerusalem, gəm aka kivadələv na Yude pakə, də azet ɗiy-ɗar pak nənah sit dəɗiyaŋgən marava, gəm dəkkpaŋgən aza Maŋgəlva, dəɗɗaŋgən wəza narban na aɗiyaŋgək marava.

Wəza net Masləŋɗe 3:19

Məɗi marava kana məkkpaŋgə, vi mambrayɗe nokum dəvvuyoŋgəni.

Yakob 1:15

An əsim zəga nan awanək zəni, wakkpaŋ mambraya. An mambray aɓayka, wawə əmta.