Isaya 55:3 - Bible en Guidar

³ Məpak sləmokum, mide azawa. Məprəma, wakəssoŋ madorokum. Waninə wənmiyna an faɗ vikum, sesel wanəziw aka moggon na Davit.

Isaya 55:3 ပူးပေါင်းရင်းမြစ်များ

Va'Atəŋ 17:7

Wənmiyna naw də isi, gəm sayit ɗiy dədazzoŋ dərɓogoko; wənmiyna faɗəs waɗiyu ka Maŋgəlva noko, gəm ka net kirtuk dədazzoŋ dərɓogoko.

Va'Atəŋ 49:10

Zleŋge na məlĩ azar na sə Yuda ɓa, may zleŋge na əssel sə walaŋ tələn ɓa, hã gap afən zleŋge adazzan sə Silo, anan ɗiy adaprəman mani.

2Samiyel 23:5

Vaski gəla naw aza Maŋgəlva ɓa sa? Vi wənmiyna an faɗ avayə, məzaɓan pakə, aɗi lewlew gusu. Əska wəla naw də an nəŋgəl pak tay əɗɗet ɓa sa?

2Samiyel 7:29

Yaŋ kakaŋ na, kətaf əɗɗa əzaɓ aka gəla na gawla nok dəsangən hã faɗ aboko, vi Yawe Maŋgəlva istə kəpel na, də wəzaɓ noki yi gəla na balam nok adawzaɓ faɗə!»

2Alabaraɗe Də Mabərkiziti 6:42

Yawe Maŋgəlva, kəzargən horok səka məpesle nok ɓa. Aɗɗumon moggon na gawla nok Davit.

Gəlyaɗe 119:112

Nəppanək makraw kazbet əsərəkɗe nok hã ŋgbu'u.

Gəlyaɗe 119:175

Kəta nəsaw madaraw nawɗi kiyko, wətawwən temtem nok dəbbah suwa.

Gəlyaɗe 78:1

Əpel-məmyã'ən na Asaf. Ɗiy nawa, məpak sləmokum ammba mahenziŋ nawa, məkol sləmokum ammba əpel na mawa.

Gəlyaɗe 89:28

Naw wanəɗi ka tizi, daykiyit milyeŋge naka dəlvafuŋ.

Gəlyaɗe 89:29

Wanərma moggon naw hã faɗə; sessel wənmiyna naw wasan səni.

Əgilye 15:26

Amna: «An kəprəmək ma Yawe, Maŋgəlva nok moggoni, an kaɗɗa zəga təstəs ama harani, an is tat əpak sləmok ammba əpel na ənziya, an is tat ərma wən an aynə pakə, gbəgba nəki aket mə Eziptiɗiŋ ade na akok ɓa, vi intə Yawe nawmbəlguko.»

Wənməkkpaŋga 4:20

Wətuwa, agəɗ maɗɗula sən əpel nawa, apak sləmok ammba an nədawnəhã.

Wənməkkpaŋga 7:2

Arme mahenziŋɗe nawa asna wakəsok madoroko, ərba naw dəsan va wawyãk horoko

Isaya 51:4

Məprəma, mənokum Vanday nawa, məpak sləmokum ambawa, mənokum ɗiy nawa. Vi mahenziŋ wasil səzawa; ətawwən naw nədapsa wasan əkeɗeɗe net ɗiyi.

Isaya 54:10

Kəta mossorgoɗe gugriɗe dəddereŋgi, mossorgoɗe dəɓzlaŋ zlaŋgə, moggon naw viyuk adder na ɗah ɓa, wənmiyna na zazay naw aɓəl na ɓa. Vas Yawe məwəl sahã akok anahə.

Isaya 54:8

Səza ədagədəv naw asan vakvakə, nəɗaman sukuk haraw vi pay siɗikke, sən moggon naw pay pak naka nəwələk sahã akoko. Vas Yawe məzubituk anahə.

Isaya 61:8

Vi in Yawe, wən an tətəs nədaŋgla, naŋgla zəga məhãlən addəv əvəl nawzla kurmbuɗuk ɓa. Wanəpsukum zəga na vokum gesiŋgesiŋ, waniynan wənmiyna an faɗ də mənokum.

Yeremiya 30:9

Waɗɗaŋ wəza sən Yawe Maŋgəlva neti. Davit nədawɗi sit ka məlĩ neti.

Yeremiya 32:40

Wanəziwgin wənmiyna dənɗaŋ faɗə, nəmil na səmmbet ɓa vi kawgəɗ sit moggoni, wanəɗi geslne' naw a mekreti vi əzaraŋ faraɗa səzawa.

Yeremiya 33:26

asna wanəndol zev Yakub də Davit gawla nawa, məza əgəm ɗiy nassoŋ aka mahəlfa na Abraham, na Isak gəm yakob səddəv mahəlfa nan ɓa sa? Vi wanəzaɓan wən neti, wanəwəl sahã aketi.

Yeremiya 38:20

Yeremiya amna, appokun na avet ɓa, aprəm əpel na Yawe məs nədawnah suk ɗa. Wasan suk moggoni, wakəsok modoroko.

Yeremiya 50:5

Wassohõnən tive naddo a Siyon, wazinən heret dədaka. Wasapaŋ aza Yawe də wənmiyna an faɗ nazgəti kiyən ɓa.

Ezekiyel 16:60

Naw wanəɗɗumon wənmiyna naw də is far səka gore noko: wanəziwgən wənmiyna də is ka faɗə.

Ezekiyel 34:24

Ya naw in Yawe, wanəsaw sit Maŋgəlva, gawla naw Davit ka daya a weleŋti. Intə Yawe nəpeli.

Ezekiyel 34:25

Waniynan sit wənmiyna na zazaya, wanətek zəgeɗ derewit səka dəlev vani, wassoŋ də gəla a kapta-muyã fendeŋge, waleŋgeŋ addəvit wəleŋɗe ŋgərəɓə.

Ezekiyel 37:26

Wanəziwgin wənmiyna na zazay dənɗaŋ; wasan wənmiyna an faɗ dənɗaŋgə. Wanəɗiye, wanəweti. Wanəɗi gəla naw a weleŋgit hã faɗə.

Məsdəlveŋge 18:5

Məɓesən mahenziŋ nawa gəm wəyak naw pakə: də əɗɗa wəza dənɗaŋgi yi ɗəf adawsan madarani. Intə Yawe.

Amos 5:4

Vi van Yawe apel sit mə Israyelɗe: «Məkayawa, asna wakəssoŋ madorokum.»

Amos 5:6

Məkayan Yawe asna wakəssoŋ madorokum, vi adazzan va offo aka gəla na Yosef gəm kazəmən ɓa, məza ɗəf tay namtan sə Betel ɓa ɓa.

Matiye 11:28

Mide azawa munokum pak məyokum də zəga gədak akokuməŋka, ya naw wanəpsukum effete.

Matiye 13:16

Ya munokum, əzaɓ aza horokum vi tay ula, gəm sləmokum vi tay əprəma.

Matiye 17:5

Aka adawpele, slaybuwən məzuwiɗ adeke, asirite, ɓaɓəlma adek səddəv slaybuwən naka, amna: Aŋki wətu an nəŋgələ, in tat ənneken zu dəndən sawɓa. Məprəm mani.

Yohanna 10:27

Timeŋgiɗ naw aprəmən wəlawa, naw nəsinike, azbawəni.

Yohanna 6:37

An məs Afu avay pakə, wade azawa. Ɗəf dəde azaw pak nəzgan na appaka kpak ɓa.

Yohanna 7:37

Pay əgrak wəzləra, ndəni pay an na paya. Pay nani Yesu le' ziw apel dayadaya dawnəh na: Ɗəf məs meme adaŋ pak dəde azawa, dəsəgəni,

Yohanna 8:47

Ɗəf dəde səza Maŋgəlva waprəm əpel na Maŋgəlva. Sən aski nokum kaprəmnən ɓa, vi kəzzoŋ səza Maŋgəlva ɓa.

Wəza net Masləŋɗe 13:34

Vaŋki mənahən: Asilgənək səret ɗiy mimtiti, aŋgən na ɓa. Wanəpsuk zəgeɗ salala na Davit, məs dəslə nawtafa.

Roma 10:5

Vi an Moyis averik aka təstəs məs dəde səza mahenziŋ yaŋka: Ɗəf dəzban mahenziŋ na, wasan madaran dəndən.

Ibriɗe 13:20

Kəta Maŋgəlva afən zazaya məs dəsilgin Yesu Kristu, məzutaɗa net timiŋgiɗ metiŋgin sə walaŋgit ɗiy mimtit də mbel na wənmiyna an faɗə,