Isaya 55:2 - Bible en Guidar

² Vimi kədawzanən dala məza aka zəga an nazgəl ɗəfi ɓa, mənokum gəm əyan zukum ammba an aban na ɗəf ɓa di? Məprəma, məprəmwa, məzəm zəga moggoni, gəm əban zukum də da'asə.

Isaya 55:2 ပူးပေါင်းရင်းမြစ်များ

Gəlyaɗe 22:26

Əɗi kiya naw səzok ade! Addəv əkkal metiŋgini, in tat əknahan an maw aynə abet məgeslne'eŋ sənəni.

Gəlyaɗe 34:11

May warme kirtit ɓooliɗi, wassoŋ də wəray na zəga nawzəma net məkayanən Yawe hara na, zəga tay nakkpap aket ɓa.

Gəlyaɗe 36:8

Maŋgəlva moggon nok na sləma yi! Ɗəf titir ara zeŋgile na perslekok adawɗama.

Gəlyaɗe 63:5

vaski wanəfet akok pay ənziya naw egge pakə; aka iya noko, wanəslan vaw kəlazok əkkomoko.

Əgilye 15:26

Amna: «An kəprəmək ma Yawe, Maŋgəlva nok moggoni, an kaɗɗa zəga təstəs ama harani, an is tat əpak sləmok ammba əpel na ənziya, an is tat ərma wən an aynə pakə, gbəgba nəki aket mə Eziptiɗiŋ ade na akok ɓa, vi intə Yawe nawmbəlguko.»

Wənməkkpaŋga 1:33

Ya ɗəf an dəprəm əpel nawa, wasan kiyən foŋgo, nzeŋge, faraɗa səza geslne na tatwahã.»

Wənməkkpaŋga 7:23

Har watilik hã aza memɗekeni, va bəŋga adawgəm zən ətoŋ addəv zəva, awsənən na kizən ama əzay ɓa.

Wənməkkpaŋga 8:32

Ya gəgaŋ na kirni, məprəm suwa. Əzaɓ aket ɗiy en dəzbanən tive nawa.

Wənməkkpaŋga 9:5

«Məde məzəm way nawa, məsə mbazla naw məs nədəŋka.

Məsmaɗula 6:2

Va ɗəf məs Maŋgəlva apsən arya, əraha gəm gagdaka, ɗəf məza zəga tay dəmbər sən səddəv an aŋgəl ɓa, yaŋ Maŋgəlva dəpsən maɗɗula ka kəzəmgən ɓa, vi ɗəf malaka dədawzəmən: as vani zəga ɗari tatwãh nawhəmgəni yi.

Isaya 1:19

An kətafənka, kəprəmənka, zəga moggon, naka dələv kədawzəmaŋgə.

Isaya 10:27

Pay dəpaska, waprikgin zəga nawsla nan səka ki voko gəm zuk məs aklak suk a mawəloko, zuk aklak suk van wagəsl sən əkər noko.

Isaya 25:6

Aka mossorgo metiŋgin vanəska, Yawe Məzuɓappak wapsit waynabaya slu məs səlhã də mbazla ammbani slu nenek məs səlhã, mbazla məɗɗoto moggon fõtfõt ammbani.

Isaya 44:20

Əɗɗum net aka moŋgloy; mekret akkpaŋgək dərwa azetike. Akõhgən zeŋgilet ɓa, ya anahaŋ na: Zəga navawəŋ uwawəni ɓa.

Isaya 46:6

Ɗiy wakolnən ma gabal neti. Kawsla təbəz babar gəm meleŋge, tay əgəmaŋ məŋzla dəbay sitgin maŋgəlva məs adawgadakanəni gəm adappu'oŋ sənəni.

Isaya 51:1

Məprəmwa, mənokum məs kəŋglaŋ təstəsə, məzukayanən Yawe. Mula milɓe məs məbazlkum səzani, gəm addəv vov məs məkdakum sədaka.

Isaya 51:4

Məprəma, mənokum Vanday nawa, məpak sləmokum ambawa, mənokum ɗiy nawa. Vi mahenziŋ wasil səzawa; ətawwən naw nədapsa wasan əkeɗeɗe net ɗiyi.

Isaya 51:7

Məprəmwa, mənokum məs kəsənnən təstəsə, ɗiy məs mahenziŋ naw a mekreti kəgeslne'eŋ sən əzel na ɗəf titir ɓa, may əvviren zukum sən əra net ɓa.

Isaya 62:8

Də dəzəŋ nani, də va gbəgboŋ nani Yawe aswayək na: Nipsit na haykəmari nok ka zəga nawzəm net məzuzelɗe nok əmpa ɓa; molhõyeɗ asaŋ na mbazla na meketepe nok məs kəyə vinəŋ ɓa.

Isaya 62:9

Vi ɗiy məs dəkkalanən haykəmari dədawzəmənəni, waɗinən ki Yawe; en dədakkalanən megezlembirke wasanən mbazla nan a daŋgla na gəla nawa.

Isaya 65:23

Azəmaŋ na sahã ɗar ɓa awaŋ na kirin vi kamtaŋ ɓa. Vi mahəlfa net ɗiy məs Yawe aɗɗa əzaɓ nan aketiŋgə, ndəɗaŋ dit kirtiti.

Yeremiya 12:13

Aslgaŋgək haykəmari, yaŋ apeteŋ tintifɗe. Ayanənək ziti ya zəga tay arahaŋ ɓa. Wil dədukum sən əpet nokum! Vi ədagədəv na Yawe vakvaki.

Yeremiya 17:24

Yawe aɗiyman na: An kəprəmwənka, Kətoŋgənən zəga nawsla pay naffet kəla maddambeɗe na walaŋgəla-metiŋginiŋ ɓa, gəm kawgagdakan pay naffete məza əɗɗaŋ wəza zəv awandi pak dəpas ɓa na,

Yeremiya 2:13

Vi ɗiy naw aɗɗaŋgək an dəslə ɓa aka zən zaɓzaɓə: Azgawənka, in iŋkile miyma, vi kawso'oŋ vov net iŋkile neti; vov məpɗakən məs awziwgit iŋkile ɓa.

Yeremiya 31:14

Wanəbet məsdəlveŋge də səlhã, ɗiy naw wabaŋ də zəga vawa Yawe aɗiymani.

Hose'a 12:1

Ɗiy na Efrayim azzəŋgaŋgək kiyu dit tepelkeɗi, mə Israyelɗe tam də uwawəna. Yuda nan tay ədaw də Maŋgəlva tagay, tay ɗew ndərəsl də Salala.

Hose'a 8:7

Vi səmyã adazlgaŋgə, barkataŋ adakkalanəni. Haykəmari net apok na ɓa, an apokko, agəɗ na gəpa ɓa, ya an agəɗək gəpa, molhõyẽɗ dədawzəməni.

Habakuk 2:13

Wən nan səza Yawe Məzuɓappak na disiŋ ade ɓa sa? Iya ɗiy adawyaŋ pak sən offo yi, ɗiy zit adawyanən ɗarə.

Matiye 15:9

Ɗari adagagdakawəni, an adarban sitin ɗiy mahenziŋ net ɗiyi.

Matiye 22:4

Yaŋ aslən belemɗe meɓɓet dawnəh na: Mənah sit ɗiy məyet na: Mətawi wəlet medgeɗgeɗe dit zəgeɗ memeyẽɗ məkərti zəga nawzəm pak mədani. Zəga pak məzaɓani, məde a wəzləra.

Matiye 5:6

Əzaɓ aket en dəssoŋ də mãy gəm də meme nanziya təstəsə, vi net Maŋgəlva wabeti.

Markus 7:14

Yesu ayek ɗiy əmpa azani, aɓsit na: Məprəmsu munokum pak ɗa, məpak sləmokum lewlewi.

Luka 15:23

Məki wət wasli məkərən, mətaw wəlani, məzəmsəmə məzlərsəmə,

Yohanna 6:27

Kədaɗɗaŋ wəza vi zəga nawzəm məs naŋgənaŋ ɓa, məgəɗ wəza vi zəga nawzəm an na zeŋgile an faɗə məs Wətən Ɗəf adapsukum. Vi anani Maŋgəlva Afən aɗi van akani.

Roma 10:17

Vaski, ətaf səza an ɗəf adaprəm adazzani, an ɗəf adaprəm van səza əpel na Kristu yi.

Roma 9:31

Ya mə Israyel akayanənək mahenziŋ na təstəsə, ndəɗaŋ solõt ki mahenziŋ.

Əmsak aka Mahenziŋ 11:13

An mənokum tat əprəmnən əpel na ənziya naw gesiŋ va nəɗi sukum wən nan dəpaŋka, də wəŋglu Yawe Maŋgəlva nokum, wəgəɗ sən wəza də mokrokum paparə, də megenegenekum,

Ibriɗe 13:9

Kədappanən zukum əza sit əyakɗe temtem net ɗiy-ɗar ɓa. Moggoni mbəlembəle na Maŋgəlva dəzɓangən makramə məza mahenziŋ net ɗiy aka wən na zəga nawzəm ɓa. Dətər sit wəray sit məs dəzbanən ɓa.