Isaya 54:7 - Bible en Guidar

⁷ Addəv pay siɗikke, nəppokuko, ya wanətafuk də ulasahã akok diyɗa.

Isaya 54:7 ပူးပေါင်းရင်းမြစ်များ

Gəlyaɗe 106:47

Akõhgəmə, Yawe Maŋgəlva namə: akkalam səret ɗiy-ɗarə. Vasna waməɗi ki iya nok salala, waməgagdakan zəm də wəɗi kiyko.

Gəlyaɗe 107:3

en məs akkelet hã səket dəlveŋge, nammba pay nampum gəm na moskoyo, səkəla disiŋ gəm sə dohoŋ.

Gəlyaɗe 30:5

Məlvan Yawe də gəlya, mənokum ɗiy nani, məɗi kiyən də əɗɗumon Sazlaksazlak nani:

Gəlyaɗe 30:6

Ədagədəv nan anziya ɓa, mbəlembəle nan na, tay hã ənziya egge gərakə. Də moskoy na, əhəm irslikirsliki, ya dəmpummo na, salalay sən ənneki.

Isaya 11:11

Pay dəpaska, Daya wappar van təl masulani vi kawmet ɗiy en dəppaŋ net ɗiy nani, ɗiy en dəndəwəɗaŋ sə Asiri, gəm sə Eziptə, sə Patros, sə Etiyopi sə Elam gəm sə Babilon, gəm sə Hamat gəm səket mətəwəraɗe na pehe.

Isaya 11:12

Waslan gabaga narban dəlva wakkelet en mərɓehit sə Israyel gəm kakkelet en mətrayet na Yuda wakkelet sə tapaslay poɗogən na dələv pakə.

Isaya 12:1

Pay dəpaska wakənah na: wanəgagdoko Yawe; vi kədəkgədəv akawa yas kəppan ədagədəv noko, kəsɓawa.

Isaya 14:1

Ha'aw Daya wawla sasah Yuda, wamsak əwel Israyel əmpa. Wamndeget ɗiy nan aka dələv neti, molhõyẽɗ wasapaŋ azeti gəm kawsapaŋ azet ɗiy na Yuda.

Isaya 26:20

Ɗiy nawa, mətoŋ eŋgili, məmset maddambeɗe akokum. Məɗam vi pay siɗikke hã gap ədagədəv na Daya toŋgu.

Isaya 27:12

Pay dəpaska, Yawe warga hay nani, təŋ sə ma məlpa metiŋ hã gap a lolohõ na Eziptə. Ya waŋgbukum takataka, mənokum, mə Israyelɗe.

Isaya 27:8

Atawək wən aket də əɓɓihti, də əgilgiti. Aɓɓehik də səmyã nan kituw-kituw pay səmyã nammba pay nampum adaɓla.

Isaya 40:11

Wataɗ gazlaŋ nan va məzutaɗa adawtaɗ gazlaŋ nani, waslet kirit timeŋgiɗ də vani, wambu' a makrani. Walmet timeŋgiɗ məzəweɗgitin kirtit də maɗɗula.

Isaya 49:13

Disiŋ anneki; anneken zuko dəlvafuŋ; mossorgoɗe gugriɗe məŋgəsl vaŋvəl nanneke, vi Yawe tay əɓitgit ɗiy nani, tay ərban ulasahã nan aket məssẽhẽŋɗe.

Isaya 49:18

Aslan horoko, awəl kiyuk tərwəslə, ndəɗaŋ pak akkalaŋka tahəŋ əzzoŋ azoko. Yawe aɗiyman na: Va nəsaw madarawa, ndəɗaŋ pak wakugil azok va zəga na gawla, wakiynet addakuk va waŋ məpsənət zəlta.

Isaya 49:21

Wakənah a mokrok na: Naway dəwe su eŋ vet di? Naw muɗakawi dit kirtuwa, ndarzlay nani, məkuwi aka balam, məgõhwi. Ya naway dəzgil eŋhiŋ di? Awla, naw məppawi takərguwa, ya eŋ net lahəŋ aŋgaŋgə di?

Isaya 50:1

An Yawe anah yaŋka: Ŋgay ɗerewel nawɗak dət mokum məs nəver narban na nəppatəka di? Awaniɓa naway səmmbet məzəzbawən dəmən nəvəlkum sən di? Mula aka mambray məvəlkum. Vi əɓoŋ nokum məppat mokum.

Isaya 56:8

Daya Yawe, məzəkkelet ɗiy mərɓehet na Israyel aɗiymani: nəkkeletik səkayə, wanəkkelet meɓirit əmpa.

Isaya 60:10

Molhõyẽɗiŋgə narkanən zlava noko; milyẽŋge net wazaɓ sukun Maŋgəlva. Vi nərgukuk gala gədəvu assan mədani. Ya addəv moggon nawa nəwulək sahã akoko.

Isaya 60:4

Abbalan horok kiyuk tərwəslə, ya awla kirtuk pak tahəŋ əmilyoŋgu əkkal azoko. Tahəŋ əzzoŋ sə faraɗa, kirtuk muguluŋgit slək-slək a persleketi.

Isaya 62:4

Kawyuki əmpa na: «Məzgani» ɓa, sən dələv nok tamə, kawnah səni əmpa na: «Məpiweni» ɓa. Vi nok kawyuki na: «Ənneke» dələv nok tamə: «Məɓelta», vi Daya waɗi ənnek nan akoko, dələv nok tamə, kawɓelni ka gulku.

Isaya 63:7

Wanəɗɗumon moggon na Yawe wanəɗi ki Yawe vi an agəɗ səm pakə, agəɗək mbəlembəle diyɗa sit mə Israyelɗe, apsit addəv ulasahã nani, gəm addəv əɗɗa moggon nan diyɗa.

Isaya 66:18

Nəsənək wəza gəm əɗɗum neti, pay naw agapək nakkelet mahəlfa net ɗiy pakə. An azzoŋko, wawlanən gagdak nawa.

Yeremiya 51:5

Vi dələv net aknahək də əɗɗa mambray aza Salala na Israyel. Ya Israyel də Yuda na, gil na gəbayəŋ ɓa, Maŋgəlva net dəmtə ɓa Yawe Məzuɓappaki yi.

Əɓuhma 3:31

Vi Daya azga zəga ka faɗ ɓa.

Əɓuhma 3:32

Dənda meme ɗəf zlaŋ na, tay də ulasahã sən moggon nan diyɗaŋka.

Ezekiyel 36:24

Wanəgəmkum səret ɗiy-ɗarə, wanəkkolokum səket dəlveŋge pakə, wanəkiykum aka dələv nokumu.

Mika 4:6

Pay nan dəpaska, Yawe aɗiyman na, wanəkkelet vədalɗe wanəmndeget ɗiy məɓɓehti, gəm ɗiy en nəzəmgit sahã.

Matiye 23:37

Yerusalem, Yerusalem, is məbay məskəleŋɗe, məskə en məslən azok dit gərmeŋge. Təl gbəgbar nəŋgəl əkkelet ɗiy nok va gəmnda adakkelet kirtin ammba persleken di, ya kəŋgereŋ ɓa.

2Korintus 4:17

Vi əzəm nam kakaŋkəŋ kafkafi aza teɓelteɓel na gagdak an faɗ məs adawzaɓan səmə.

Efesus 1:10

vi kaɗɗan an pay nan agapka, əsepet zəgeɗ pak addəv Kristu, en na disiŋ dit en naka dəlvafuŋ pak addəvni.

Əmsak aka Mahenziŋ 30:3

Yawe Maŋgəlva nok wakkpaŋgan wəssa noko, wawla sasãhko, wamndak əkkalokum sənet ɗiy-ɗar da, a təki Yawe Maŋgəlva nok atəray gukuməŋka.

Yakob 4:6

Ya gbogboŋ məs Maŋgəlva apsukuməŋka ndən dayki zəga pak də metiŋgini. Vi ɗerewel na Maŋgəlva anahək na: Maŋgəlva atokuk ki haran sit ɗiy məzəgakdakanən ziti, ya tay əpsit gagdak sit ɗiy məzuɓe'gənən ziti.

2Piyer 3:8

Ya zəga tay taka, kədazgətaŋ kiyən ɓa bayneŋgiɗwa, aza Daya na pay taka tay va əzva gabal, əzva gabal va pay taka.