Isaya 54:3 - Bible en Guidar

³ Vi kəlaka zlaɓay gəm dəka dəzəŋ kədazlzleten zuko; kirtuk wazəmən dələv net ɗiy-ɗarə, waknahin walaŋgəleɗe gugriɗ nok məs ɗiy tahəŋ addivit ɓa.

Isaya 54:3 ပူးပေါင်းရင်းမြစ်များ

Va'Atəŋ 26:22

Yaŋ azar sədaka, aso' vov maɓɓan məgarzlãhĩ akan ɓa, aya na, Rehobot «Təki məwəl sahã» dawnəh na: «Kakaŋ na Yawe appan səmək təki dəmani, wamərah zəga səka dələv vani.»

Va'Atəŋ 28:14

Mazlalwõk wasan va burɗuk na dəlvafuŋ. Wakəzləɗan zuk ammba pay na moskoyo, gəm ammba pay nampum, də gazga də dohoŋ; ɗiy na dələv pak, warahaŋ əzaɓ ammboko, gəm ammbet kirtuko.

Va'Atəŋ 49:10

Zleŋge na məlĩ azar na sə Yuda ɓa, may zleŋge na əssel sə walaŋ tələn ɓa, hã gap afən zleŋge adazzan sə Silo, anan ɗiy adaprəman mani.

Isaya 14:1

Ha'aw Daya wawla sasah Yuda, wamsak əwel Israyel əmpa. Wamndeget ɗiy nan aka dələv neti, molhõyẽɗ wasapaŋ azeti gəm kawsapaŋ azet ɗiy na Yuda.

Isaya 14:2

Israyel watef molhõyẽɗi, wamndeget aka dələv neti. Aka dələv na Daya na, Israyel wagim ɗiy veti, zel dit gil ka belemɗe nani. Warme ɗiy en dirmetin a fərsəna, waɗi a fərsəna, wasan daya aket ɗiy en dəsərnən mani.

Isaya 26:15

Kənzlərgitik ɗiy namə Yawe, kənzlərgitik ɗiy namə, kərbanək gagdak noko; kəzlzletetik meŋgeɗe na dələv pakə.

Isaya 45:14

Aŋki an Yawe anahə: ərah na wəza net məs Eziptiɗe, wəya na wəza na Etiyopi gəm net ɗiy na Seba, ɗiy məɓeyti, watoŋgoŋ anokumda, wassoŋ ka nokum! Wazbokuməni addəvit ngiyamɗe; Watoŋgoŋ wappu'oŋ abokum wakkamaŋ abokum də wənahaŋ na: Maŋgəlva, anokda yi kaka'ə tay akki maɓɓan ɓa.

Isaya 48:19

Kirtuk wassoŋ va hoyoŋko uwa naddəvuk wasan va membikke, Iya net avvuy na ɓa, azə na səbaw ɓa.

Isaya 49:12

Yendek əzzoŋ sə faraɗa! Mbirti sə kəla disiŋ gəm sə kəla pehe meɓɓeti səka dələv na Sinim.

Isaya 49:8

An Yawe anah yaŋka: Pay na ulasahã, nəprəmək əkkam noko; pay na əkõho nəbbah sukko. Nəgukuko, nəɗikuk ta' kəsokgən wənmiyna net ɗiy nawsilgən dəlva nawɗak hara dələv məs dərayəŋka.

Isaya 52:9

Mərga vokum, məŋgəsl vaŋvəl nannek sapə mənokum əray temtem na Yerusalem! Vi Yawe affetenik makret ɗiy nani, amanək Yerusalem.

Isaya 53:10

Yawe dəŋgəl əŋgrofən də əzəmgən sahã. Səɓɓa appan kiyzən ka Maŋgəlva-məzaɓən nawvuyoŋ mambray na, wawəl uwa, payɗe nan wazzekeŋgi, əŋgla na Yawe waknahə.

Isaya 55:5

Wakəye ɗiy məs kəsin ɓa, ɗiy məs dəsənkun ɓa wanzoŋ azok aka wən na Yawe Maŋgəlva noko, gəm aka wən na Salala na Israyel, vi aɗiyək kiyko.

Daniyel 7:27

Gagdak gəm mẽmẽtiŋ net milyeŋge naka dələv pak kapsiti sit ɗiy salala na Məsəɗəɗə. Gagdak na məlĩ nan gagdak nawsan faɗi yi; ɗiy gugriɗ naka dələv pak wagagdakanəni gəm waɓe'eŋ sənəni.

Roma 10:18

Ya nənahək na: Dəprəmnən ɓayi kan sa? Vaski dərəŋ ɓa: Wəlet aprəmək aka dələv pakə, əpel net agapək hã a təki dələv abaymani.

Roma 11:12

Ya an heslepe net akkpaŋgək ka ərəh na dəlva, əddak net ka ərəh net ɗiy-ɗar na, əsilye net ziw waki əzaɓ dayə.

Kolosi 1:23

an mənokum tat addəv ətaf ziw ɓəlɓələ, məza əppan zukum əkukum faraɗa səza əga na Alabara Nenek məs kəprəmaŋgəŋ ɓa, məs məpel wən nan aza an məzəməɗən naka dəlvafuŋ pakə, məs in Pol nəkkpaŋ məgəɗ wəza nanəŋka.