Isaya 54:14 - Bible en Guidar

¹⁴ Təstəs waɓɓəloko. Wakəsok ɓa' səza əzəmsahã, kəgəslne na əmpa ɓa. Kəkker na sən geslne ɓa, vi agapuk na ɓa.

Isaya 54:14 ပူးပေါင်းရင်းမြစ်များ

Wənməkkpaŋga 3:24

An kawvoŋ na, gəslne armuk na ɓa; an kəvoŋko, sin nok wassoŋ neki;

Isaya 1:26

Wanəkkpeŋget mətawaŋwən nok va lahəŋka, gəm məzəsəɓ sukun aka ədaw nok va aka ətəŋga. Asna kawyuki Walaŋgəla-metiŋgin na təstəsə gəm Marba Walaŋgəla-metiŋ moggoni.»

Isaya 1:27

Siyon wakõh də əɗɗa təstəsə, ɗiy en dəɗiyaŋ marava tam də ədawaŋ sarara.

Isaya 14:4

wakəyə gəlya nawmas aka məlĩ na Babilon wakənah na: Mbarmbari məsər ma ɗəf abayman di? Mbarmbari əɓaygən kiya nan agrak di?

Isaya 16:4

Appet ɗiy na Mo'ab en dətrayaŋ dəssoŋgən anokda, asok təki nawɗam net viyit məzuzetin ɗiyi. An əsərma aslak mani, an əzəm təki aggrakka, ɗəf məzundapan alək faraɗa səka dəlva,

Isaya 2:4

Wataw wən net ɗiy-ɗarə, wasan məzətər net ɗiy diyɗa. Dit masalamɗe neti, wavotoŋ gulekɗe, də tulhõ neti, wazaɓaŋ slogoyɗe. Dələv maɓɓan asil sən na maɓɓan ɓa, ayaganən na əgay əmpa ɓa.

Isaya 26:2

Məkol metiveɗi, ɗiy təstəs məs akkpaŋganən met ɓa dətoŋgoŋgu.

Isaya 32:17

Təstəs waki zazaya, tatwãh asan na ɓa, əɗɗum afeyet na ɗiy ɓa.

Isaya 33:18

Wakəɗɗumon geslne an lahəŋka, wakəttok na: Ŋgahəŋ məzənɗaŋ di? Ŋgahəŋ məzuslaŋ zəga di? Ŋgahəŋ məkosetin gəleɗe məɓeyit di?

Isaya 45:24

Kawnəhi akaw na: Aza Yawe kaka' gbogboŋ də ədaw təstəs asani. Məzuzelɗe nan pak wamilyoŋ abani, wil wadenni.

Isaya 49:26

Məzəmgukumən sahã wanəzimgit slu ziti, mbel net wabey va mbazla na meketepe. Asna ɗiy pak wasənnən na məzukõhguk na, intə Yawe, məzubituk na, ndəni Məzuɓappak na Yakob.

Isaya 51:13

Is əzgət ki Yawe məs dəɗɗuko, məs dəpak disiŋ məs dəziwgin dəlvafuŋ. Pay pak is tat əkker sən geslne aba ədagədəv na məsər ma ɗəfa, va kəɓəs na azaɓanək zən nawzoko. Ya ŋgay ədagədəv na məsər ma ɗəf van di?

Isaya 52:1

Afɗahə, afɗahə, agul gbogboŋ noko Siyon agul lukut na sləma noko Yerusalem, walaŋgəla-metiŋ salala! Vi gayã may ɗəf mərnokun azzoŋ na anokda əmpa ɓa.

Isaya 54:4

Kəgeslne ɓa, karbəsuki wil ɓa, Kəzlzlaɓ ɓa, wil adukun ɓa, wakəzgət ki ərba wil nok naka gore, kəɗɗumon na ərba wil nok nassa gagəbay əmpa ɓa.

Isaya 60:18

Kaprəmi gagay aka dələv nok əmpa ɓa, əray gəm əza aket meŋge nok ɓa. Wakəya zlava nok na, əkõho, metiveɗ nok na, əɗikiya.

Isaya 60:21

Ɗiy nok beymet wassoŋ təstəs hã faɗə, dələv wasan ka neti. Wəlaŋga məs nəmpə yi wəza na vawa, vi karban gagdak nawa.

Isaya 61:10

Ənnek nədannek addəv Yawe, wanəɗɗəl sən Maŋgəlva nawa, vi askəsuwək lukut nawkohõ, asərətwək də lukut məkso'o na təstəs va ɗəf dəɓel gulku adawɗi zən va məsdəlva, adawɗup kulpup na məlyã, va waŋ məɓelət tədawzaɓan zət dit zəgeɗ na gawla nata.

Isaya 62:1

Nəsaw na ɓatɓat aka wən na Siyon ɓa; nəsaw na ɗew ɓatɓat aka wən na Yerusalem ɓa, hã gap an təstəs nan arbək kerkeri, əkõh nan tam va mətal offo dawzla.

Isaya 9:4

Vi hensek na məzuzel məzəkkergin dəlvafuŋ, gəm lukut məs də mbel azan pak wakkpaŋgaŋ zəga nawzəm na offo.

Isaya 9:7

Daya azkanək əpel nan aka Yakob, yaŋ abət aka Israyel.

Yeremiya 30:10

Is Yakob gawla nawa, kəgeslne ɓa Yawe aɗiymani; Israyel kəkker ɓa, vi inyakəŋ kawkõhguk sə faraɗa gəm kirtuk səka dələv an məket aka balamə. Yakob wamili wasan kiyən foŋgo məza əɗɗum ɓa; ɗəf tay nazlzlaɓan ɓa.

Yeremiya 30:20

Kirtin wassoŋ va lahəŋka, əsap net ɗiy nan wasan abaw ɓəlɓələ wanəsil aket məzusərnən met pakə.

Yeremiya 31:23

An Yawe Məzuɓappak Maŋgəlva na Israyel anah yaŋka: Pay nədawzaɓan əssa neti, wapelin əpeləŋ aka dələv na Yuda gəm addivit walaŋgəleɗe gugriɗ nan əmpa na: Kəta Yawe dəzoɓoko, Təki na təstəsə mossorgo metiŋ na salala.

Hose'a 10:12

Məzlək təstəsə, wakəkkalaŋ zəga na mabardaw moggoni; Məkkpãy guli meleketeni; kakaŋki kan pay nawkayan Yawe, hã gap adazzan wərban sukum təstəsə.

Zakarya 8:3

Vaŋ Yawe anahə: Nəmndawək a Siyon, in tat də gəla a Yerusalem. Kawyani Yerusalem na «walaŋgəla gegesiŋ», mossorgo metiŋ na Yawe Məzuɓappak na, «mossorgo metiŋ Salala».

Zakarya 9:8

Wanəɗi dibirgidik naw aza gəla nawa, kawga kawtak məzutoŋ də an dədamnda ətoŋgo; məzusər met tay nawrəŋgit dawtoŋ əmpa ɓa, vi kakaŋ nulak də harawa.

2Piyer 3:13

Disiŋ meleketen də dəlvafuŋ meleketen mədawga va aza iynama nani, adak təstəs asani.