Isaya 54:13 - Bible en Guidar

¹³ Kirtuk pak wassoŋ məzuyakaŋ na Yawe, zazay net kirtuk wammbat abe abe.

Isaya 54:13 ပူးပေါင်းရင်းမြစ်များ

Gəlyaɗe 119:165

Zazay metiŋgin viyit en dəŋglunən mahenziŋ noko: net zəga tay nattepet ɓa!

Gəlyaɗe 119:33

Yawe arban su tive net əsərəkɗe noko. Nərmegin hã ŋgbu'u.

Gəlyaɗe 147:14

Ndəni dədawɗi dələv nok addəv zazaya, tay əbok də gəpa kukuɗ na haykəmari.

Gəlyaɗe 71:17

Maŋgəlva, kəyagawək təŋ səka gawlawa, hã kakaŋ in tat əpel wən nok naggət akani.

Isaya 11:9

Aɗɗaŋ na mambray ɓa, tay məs adawraygənən səka mossorgo metiŋ salala naw ɓa, vi dəlvafuŋ waknah də wəsən gagdak na Yawe va iŋkile adaknahənən pehe.

Isaya 2:3

Ɗiy diyɗa wambataŋ adaka; wanahaŋ na məndam əpeŋ aka mossorgo metiŋ na Yawe addəv gəla na Maŋgəlva na Yakob. Warbet sim tiveɗ nani, mədawgən aket tiveɗ nani vi sə Siyon gi mahenziŋ na Yawe adazzani əpel nan tam sə Yerusalem.

Isaya 26:3

Daya də zuk soksok kədazga sləma aka zay na ɗəf məs makran barə, vi appanək kizən suko.

Isaya 28:9

Yaŋ ɗiy adawnahaŋ na: «Sən naway ɗəf Isaya van adaŋgla əyagan sən əsən di? Sən naway adaŋgla əprəman hənhən nan di? Sit kirin məvok met səket bide sa? Sit kirin məɓuhit səmet bide sa?

Isaya 29:24

Ɗiy məsmaɗɗulet azlzlaɓ warahaŋ əsəna; ɗiy məs kiyit ɓəl watafnən iyaka.

Isaya 48:18

Va kəgəɗək maɗɗula kaka' aket mahenziŋɗe nawa, asna, kəta zazay nok wasan va məlpa, təstəs nok va vovolumɗe na pehe.

Isaya 50:4

Daya Yawe avayək hərzləmu net məzuyakaŋgə, nəsəngən va nədabbah sən ɗəf məddakən. Də mompumo pak tay əfɗahawa, tay əkol su sləmaw nəprəmgən va net məzuyakaŋgə.

Isaya 54:12

Wanəbayma ərka gəla nok dit gərmeŋge na sləma, wanəɗɗe metiveɗ nok dit gərmeŋge pepreŋɗe məzəwiɗəŋgi, gəm zlava nok dit gərmeŋge na sləma.

Isaya 55:12

Vi wakəgulyoŋ də wənneke, kawkukumi addəv zazaya. Mossorgoɗe gugriɗ dit mossorgoɗe wannekeŋ abokum də əŋzla vaŋvəl na ənneke, wəleŋɗe nawra pak warganən veti.

Isaya 66:12

Vaŋki Yawe anahə: Zazay wadaw loklok va məlpa addəvən, gagdak net ɗiy-ɗar wadaw va guzlo məknahən. Nokum wakəwaɗaŋgə kawslokumi a persleke ɗəf sləkə kasmaygukumi aka takpra ɗəfa.

Yeremiya 31:34

Ɗəf tay nawyagan ɗəf maɓɓani awaniɓa məlmən əmpa də wənah na: Asən Yawe ɓa, vi wasənwən baymet təŋ səzet memeɗeŋɗe net hã gap azet gugriɗ neti Yawe aɗiymani. Vi wanəvvuyon sit heslepe net də mambray neti, nəɗɗum na akan əmpa ɓa.

Yeremiya 33:6

Wanənzaɗa, əmbilgit nədawmbəlgiti, wanəkolsit tive na zəzay metiŋgin nassa fedeŋgi.

Ezekiyel 34:25

Waniynan sit wənmiyna na zazaya, wanətek zəgeɗ derewit səka dəlev vani, wassoŋ də gəla a kapta-muyã fendeŋge, waleŋgeŋ addəvit wəleŋɗe ŋgərəɓə.

Ezekiyel 34:28

Assoŋ na ka zəgeɗ nawmohẽt net ɗiy-ɗar əmpa ɓa, Zəgeɗ derewit naka dələv ampirnin na ɓa, wassoŋ fendeŋ də gəla, ɗəf tay nawzlahgən mekret ɓa.

Ezekiyel 37:26

Wanəziwgin wənmiyna na zazay dənɗaŋ; wasan wənmiyna an faɗ dənɗaŋgə. Wanəɗiye, wanəweti. Wanəɗi gəla naw a weleŋgit hã faɗə.

Hose'a 2:18

Yawe aɗiyman na, pay nan watəyu na «zəlwa», watəyu ɗah əmpa na Ba'al nawa ɓa.

Mika 4:2

Ɗiy diyɗa wambataŋ adaka; wanahaŋ na mide məpeŋgin aka mossorgo metiŋ na Yawe addəv gəla na Maŋgəlva na Yakob. Warbet sim tiveɗ nani, mədawgən aket tiveɗ nani vi sə Siyon əyak adawgilyeni, əpel na Yawe tamə sə Yerusalem adazzani.

Zakarya 10:7

Ɗiy na Efrayim wassoŋ va gambereɗi, mekret wannek va asaŋ mbazla. Kirtit wannekeŋ də uleti, makret wagəɗ haɗak vi Yawe.

Matiye 16:17

Yesu apeli aɓsən na: Əzaɓ akoko, Simoŋ wətən Yonas; vi gəɓa zə ɗəf dit mbel dərban sukun ɓa, afu na disiŋgi yi.

Luka 24:45

Yaŋ akol maɗɗuleti dəprəməngən an məverin,

Yohanna 16:33

Nənah sukum pak vasna vi kərahaŋgən zazay də əsler də iyna. Wakəssoŋ mokum ɓəɓiɓəɓi aka dəlva, ya məsok zukum, naw nəskak wəla dəlva.

Yohanna 6:45

Məverni addivit məskəleŋɗe na: Maŋgəlva wayeget pakə. Ɗəf dəprəm məs dəde səza Afu gəm dəyak pak, wade azawa.

Wəza net Masləŋɗe 2:39

Vi an miynan van sukumi, sit kirtukum gəm sit ɗiy en faraɗa pakə, gba va Daya Maŋgəlva adawyet pakə.

Roma 14:17

Vi məlĩ na Maŋgəlva na, wən na əzəma gəm əsa iyi ɓa, ya təstəsə, zazaya gəm ənnek addəv Zeŋgile Salala iyi.

Roma 15:13

Kəta Maŋgəlva Afən əga dəknahkum də ənneke gəm də zazay addəv ətafa, vi əga nokum dəɓaygən də əɓap na Zeŋgile Salala.

Roma 5:1

Adan mərah əssa təstəs də ətaf kan na, gəgaŋ na, mənam tat zay də Maŋgəlva dəza Daya nam Yesu Kristu.

1Korintus 2:10

Ya səmi Maŋgəlva arban səm də Əmpəsa; vi Əmpəs tay əkoson zəga pakə, zəgeɗ kpukpumɗe na Maŋgəlva daydayə.

Galatiyen 5:22

Ya uwa na Əmpəs na ndəni: Əŋgla, ənneke, zazaya, əɓəsa, ulasahã, əɗɗa moggoni, ətafa,

Efesus 4:21

An əpel akan kəprəmaŋgə, an anani məyagan sukum dekdek də gegesiŋ məs naddəv Yesu,

Filipi 4:7

Zazay na Maŋgəlva dədayki zəga məs ɗəf adawɓap əsən pak waga mokrokum də əɗɗum nokum addəv Yesu Kristu.

1Tesaloniki 4:9

Aka wən na əŋgla na məlma na, wəray tay nawver sukum əmpa ɓa, vi Maŋgəlva sən kiyən arban sukumək va kədaŋgluwən zukum.

Ibriɗe 8:10

Daya amna: Aŋki wənmiyna məs nədayna dit ɗiy na Israyel dərɓeget əvoŋɗeski, Daya anahə wanəpsit mahenziŋɗe nawa, a makreti gəm aka maɗɗulet nədawverti, wanəsaw Maŋgəlva neti, net wassoŋ ɗiy nawa.

Ibriɗe 8:11

Dəf tay səmmbet nayagan sən ɗəf naka dələv nani awaniɓa məlmən dawnah sən na: asən Daya ɓa. Vi ndəɗaŋ pak wasənwəni, təŋ səka muzliya hã gap aza ɗəf metiŋgin na walaŋti.

1Yohanna 2:20

Ya nokum, kərahaŋ Zeŋgile Salala səza Kristu, ndəni kəsənaŋ gegesiŋ baymokum.

1Yohanna 2:27

Ya nokum Zeŋgile Salala məs kərahaŋ səvanəŋ dəsan a makrokum, wəray tay ɗəf dərbə sukumgən zəga ɓa, adan Əmpəs nan tay əyogokum aka zəga pakə, ya gegesiŋgi awa wən ɓa. Məssoŋ addəvən va ayagan sukum.