Isaya 54:10 - Bible en Guidar

¹⁰ Kəta mossorgoɗe gugriɗe dəddereŋgi, mossorgoɗe dəɓzlaŋ zlaŋgə, moggon naw viyuk adder na ɗah ɓa, wənmiyna na zazay naw aɓəl na ɓa. Vas Yawe məwəl sahã akok anahə.

Isaya 54:10 ပူးပေါင်းရင်းမြစ်များ

2Samiyel 23:5

Vaski gəla naw aza Maŋgəlva ɓa sa? Vi wənmiyna an faɗ avayə, məzaɓan pakə, aɗi lewlew gusu. Əska wəla naw də an nəŋgəl pak tay əɗɗet ɓa sa?

Gəlyaɗe 102:26

Is kəɗi dəlvafuŋ far lahəŋka, disiŋ pak wəza na voki yi.

Gəlyaɗe 46:2

Maŋgəlva təki nawɗam gəm gbogboŋ na miyi, əbbah pay na tatwãh paki yi.

Gəlyaɗe 46:3

Vini məgeslne' na an dələv tay əɓla may an mossorgoɗe gugriɗe tahəŋ əguguslu'oŋ addekit pehe ɓa,

Isaya 49:10

May ade na ɓa, meme adetin na ɓa. Təki kakãh aɗɗe na ɓa gəm kəɓak-kəɓak na pay ɓa. Vi ɗəf məzula sahã aket wadawgiti, wake a met iŋkile miyma.

Isaya 49:15

Guluk tazgət ki wətət məzuwaɗ sa? Təwəl na sahã aka wətət naddəvət ɓa sa? Ya an tazgət zlaŋ na, naw nəzgət na kiyuk ɓa:

Isaya 54:8

Səza ədagədəv naw asan vakvakə, nəɗaman sukuk haraw vi pay siɗikke, sən moggon naw pay pak naka nəwələk sahã akoko. Vas Yawe məzubituk anahə.

Isaya 55:12

Vi wakəgulyoŋ də wənneke, kawkukumi addəv zazaya. Mossorgoɗe gugriɗ dit mossorgoɗe wannekeŋ abokum də əŋzla vaŋvəl na ənneke, wəleŋɗe nawra pak warganən veti.

Isaya 55:3

Məpak sləmokum, mide azawa. Məprəma, wakəssoŋ madorokum. Waninə wənmiyna an faɗ vikum, sesel wanəziw aka moggon na Davit.

Isaya 55:7

Məsdaraw dəppan tive nani, məs mambray dəppan əɗɗum nani, dəmil aza Yawe, nan wawəlsahã akani, aza Maŋgəlva namə, vi muvvuy mambrayi sawɓa.

Isaya 59:21

Yawe amna: Aŋki wənmiyna naw dənɗaŋ: Əmpəs naw məs dəsan akoko də əpel naw məs nəgul amoko adawzaraŋ səmok ɓa, may səmet kirtuk ɓa, may səmet kirtit kirtuk ɓa Yawe anahə, təŋ kakaŋka hã faɗə.

Isaya 61:8

Vi in Yawe, wən an tətəs nədaŋgla, naŋgla zəga məhãlən addəv əvəl nawzla kurmbuɗuk ɓa. Wanəpsukum zəga na vokum gesiŋgesiŋ, waniynan wənmiyna an faɗ də mənokum.

Isaya 63:7

Wanəɗɗumon moggon na Yawe wanəɗi ki Yawe vi an agəɗ səm pakə, agəɗək mbəlembəle diyɗa sit mə Israyelɗe, apsit addəv ulasahã nani, gəm addəv əɗɗa moggon nan diyɗa.

Isaya 9:6

Waɓaygən gagdak na məlĩ nani, wapsən zazay gəm əzəm məlĩ məza əgrak ɓa sən Davit. Wasɓan aka məlĩ nani, watawwən net ɗiy təstəs aka tiveni, təŋ kakaŋka hã faɗə, aski an Daya Məzuɓappak adaɗɗa addəv əŋgla nani.

Yeremiya 31:36

An mahenziŋɗes azaŋgək səbawa, Yawe aɗiymani, asna ɗiy na Israyel assoŋ na ka ɗiy abaw ɓa hã faɗə!

Yeremiya 33:20

Vaŋki Yawe anahə: An wakəɓapənən əŋzləw wənmiyna naw an nəɗi sən kapaya, gəm wənmiyna naw an nəɗi sən dəfəɗa, ka kapay də dəfəɗ adaɗɗaŋ aka pay net ɓa,

Ezekiyel 16:42

Wanəffeten makraw səkoko, nəgəɗ na kotorok viyuk ɓa, wanəsaw fendeŋ makraw assaw na əmpa ɓa.

Ezekiyel 34:25

Waniynan sit wənmiyna na zazaya, wanətek zəgeɗ derewit səka dəlev vani, wassoŋ də gəla a kapta-muyã fendeŋge, waleŋgeŋ addəvit wəleŋɗe ŋgərəɓə.

Malakiya 2:5

Wənmiyna naw dəndən na ndəni zeŋgile gəm zazaya, vini nəpsinke gəm əɓe'e dəɓe'sugəni, akkerik aba iya nawa.

Əŋɗa 25:12

Ya kakaŋka, anah na: in yaŋkəŋ əɗɗi wənmiyna naw nassa zay dəndəni.

Matiye 16:18

Naw in tat ənah suko: Piyer (Milɓe) kənani, ya aka milɓes nədarka Gəla nakkam nawa, maddembeɗe na təki nanziya net mimtit aska na wəlan ɓa.

Matiye 24:35

Disiŋ də dəlvafuŋ pak wagrakaŋgə, ya sessel əpel naw agrak na ɓa.

Matiye 5:18

Gesiŋ nədawnah sukum: Va disiŋ də dəlvafuŋ adanziyaŋ pakə, ma masin muzliyəkə awaniɓa muzliyək na mahenziŋ kazgati a gizbe ɓa, hã gap əgrak net zəgeɗ pakə.

Roma 11:29

Vi əvəl na mbəlembəle gəm iya na Maŋgəlva avviyoŋ na ɓa.

Titus 3:5

akõhgəməka, vi wəza an məgəɗ təstəsi ɓa, ya vi ulasahã nani, də ərəh baptem nakkpaŋ meggeɗe gəm nakkpaŋ meleketem də Zeŋgile Salala;

Ibriɗe 12:27

Əpel an məpelin na, dərɓedərɓeŋka tay ərban na zəgeɗ məzimiɗit naka dələv pak waɓzlaŋgə wazaŋgə, vi məs nawsan faɗ dəsangəni.

Hənhən 6:14

Disiŋ atrayək va ɗerewel məktəmən, mosorgoɗe gugriɗ dit mətuwəraɗe pak məzargiti sə gəleti.