Isaya 53:8 - Bible en Guidar

⁸ Armanənən na gagay, azlbanənək də ətawwən akani. Səmmbet ɗiy na sayit ɗiy nani, naway dəɗɗum aka məs dərəh di? Məzani səka dələv net ɗiy medereti məbayni vi əɓoŋ net ɗiy nani.

Isaya 53:8 ပူးပေါင်းရင်းမြစ်များ

Gəlyaɗe 69:12

In kulo' zəga na gəlabaya, yaŋ nəkkpaŋ va zəga na mamba azeti.

Gəlyaɗe 88:5

Aret ɗiy mimtit adaŋɗawəni; in yakəŋ va ɗəf məs tay a man ɓa,

Isaya 53:12

Vini nədapsən haran nan aret ɗiy diyɗa, wawɗak ərəh na ma əgay dit ɗiy guromɗe, vi appanək kiyzən sən əmta, məŋɗani aret ɗiy mbəreyti. Aslanək mambray net ɗiy diyɗa, akkamək ammbet məs mambrayɗe.

Isaya 53:5

Ya məmbokən na vi əɓoŋ nami yi, məŋgrofən na vi heslepe nami yi. Əzga' nawki səm zazay dəbət akani, Də vamvi nan əmbəla nam asani.

Yeremiya 11:19

Naw intat va ndargayãk məprəm ma, məkət a təki nawtaw wəlata, nəsən na ahẽweŋgək wən akawa ɓa, aɓɗaŋ na: «Məbəl səm wəlaŋga van də suwerin pakə, məzansəm səka dələv net ɗiy medereti, iya nan adawya əmpa ɓa.»

Əɓuhma 3:54

Iŋkile apaɗamwənka nəmnah nəzəka.

Daniyel 9:26

Dərɓaga wəzva buhul təl kaklaw sləre kiyən sula naka, kawbayni mesiya, zəga tay adawrəh ɓa. Məlĩ mbərən wade dit məzəlpaŋ nani, wazan walaŋgəla də gəla salala. Əgrak wade va iŋkile muguloŋ təkiya, əbayma nan na, əgay gəm əza wasan va Maŋgəlva atawa.

Matiye 1:1

Iya net dihigiɗin Yesu Kristu, wətən Davit, wətən Abraham:

Yohanna 19:7

Yaŋ mə Yudeɗ azlan sənən na: Nam mənam tat də mahenziŋ, mahenziŋ van tay ənəh na dəmtə, vi aɗiyək zən ka wətən Maŋgəlva.

Wəza net Masləŋɗe 8:33

Addəv əɓe'gən ki zəni, məkə nan tay ɓa. Səmmbet ɗiy na sayit ɗiy nan na, naway nawpel akan di? Vi məgəmni zeŋgilen səka dəlva.

Roma 1:4

məs mewelin də əɓap na Zeŋgile Salala ka Wət Maŋgəlva də əsilgin səret ɗiy mimtiti, ndəni Yesu Kristu Daya namə.

1Piyer 3:18

Vi Kristu sən kiyən amtək tel taka mək vi mambray net ɗiyi, ndən məs salala amtək viyit məs mambrayɗe vi kakukum aza Maŋgəlva. Məbayni gəɓa zəni, ya madarani addəv Əmpəsa.