Isaya 53:3 - Bible en Guidar

³ Ɗiy azelinke, azganənka, ndən ɗəf na əzəmsahã dəsərək də tatwãha, va ɗəf nakkpaŋgan hara ɗəf səkan vi ɗəf adawlan ɓa, Məzelni, mula azam va ɗəf ɓa.

Isaya 53:3 ပူးပေါင်းရင်းမြစ်များ

Gəlyaɗe 69:29

Iya net dəvvuy səddəv ɗerewel na zeŋgile, kədawverit aret ɗiy en təstəs ɓa!

Gəlyaɗe 88:4

Vi gəɓa zu abək dit tatwãhɗe, təlu tay zleɓɓe ama əmta.

Isaya 49:7

Vaŋki Yawe Salala məzubit Israyel adawpel sən ɗəf məzeleni məs ɗiy adawlaŋ va zəga ɗarə, sən balam net məsdarawɗe: Milyeŋge wawlanni, wasilyoŋgu, ɗiy gugriɗ wappu'oŋ aka wən na moggon na Yawe Salala na Israyel məs dəwelko.

Isaya 50:6

Nəppanək dəɓaw sit məzərguwəni, gəm tapaslayu sit məzəptuwən eŋgemewa. Nəɗaman haraw səma əra gəm ətuf mefɗe ɓa.

Isaya 52:14

Ɗiy diyɗa ageslne'eŋgik aka wən nani, vi haran addəɗka, dəgil va ɗəf ɓa, ərka nan dəlam azan na ɗəf titir ɓa.

Isaya 53:10

Yawe dəŋgəl əŋgrofən də əzəmgən sahã. Səɓɓa appan kiyzən ka Maŋgəlva-məzaɓən nawvuyoŋ mambray na, wawəl uwa, payɗe nan wazzekeŋgi, əŋgla na Yawe waknahə.

Isaya 53:4

Mbaraka əzəmsãhã nam aslə, tatwãh nam agəmə. Də as pak mulak na va Maŋgəlva dətawwən akani, arbəsəni, arbəsən wili.

Mika 5:1

Is Bet-Lehem Efrata, təki muzliya kənan naŋɗa aret en na mahəlfa na Yuda ɓa. Səzoki nədawgilgin ɗəf an dədawzəm məlĩ dəka iya naw aket ɗiy na Israyel, ətəŋ nan gala aka pay dətoŋ farfari yi.

Zakarya 11:8

Yaŋ nəzet məzuteɗəŋge hoku aka təla taka. Maɗɗulaw dəɓəs əsan aket ɓa, net pak mekret tay akaw ɓa.

Matiye 26:67

Yaŋ atufoŋ mefɗe aka harani, arganənək a tapaslayni, aslkərəni,

Matiye 27:63

Aɓɗaŋ na, daya, məɗɗumonko, məwə wənəŋ anahək aka adawsan madaran na: Dərɓaga pay hoku wanəsil səka əmta.

Markus 10:33

Mənam tat əpeŋ a Yerusalem yaŋka, kapani Wətən Ɗəf avet deyeɗe net məsdəlveŋge, dit mərbaŋ-mahenziŋ. Watawwən wən namta akani. Wapsətin avet ɗiy-ɗarə.

Markus 10:34

Wamasaŋ akani, watufoŋ mifɗe akani, waslərotəni, wabayəni. Ya dərɓaga əvoŋ hoku wasil səka əmta.

Markus 14:34

Aɓsit na: Megenegenew addakək hã va nawbaywa. Məssoŋ aŋka məga.

Markus 15:19

Arganənək aza kiyən də vəlar, atufinik mifɗe akani, akdukun takpreti, appu'oŋguk abani.

Markus 9:12

Azlan sit na: Gesiŋ Eliya wade daabəŋ dəzaɓetgin zəgeɗ pakə. Ya mbari məverin aka Wətən Ɗəf na wazəm sahã diyɗa, ɗiy wazelini di?

Luka 16:14

Adan Farisaɗe məŋglaŋ deleɗis aprəmən wənəs pakə, amasaŋgək akani.

Luka 19:41

Aka Yesu azar go'o awla walaŋgəla-metiŋ, ahəmgənka.

Luka 8:53

Amasaŋgək akani, vi asənənək na təmtəka.

Luka 9:22

Yaŋ amsak ənah na, aslək Wətən Ɗəf dəzəmgən sahã diyɗa, ɗiy məsɓeti, deyeɗe net məsdəlveŋge gəm mərbaŋ-mahenziŋ wazganəni, kawbayni, ya wasil səka əmta də əvoŋ mahokoni.

Yohanna 11:35

Yesu ahəmka.

Yohanna 8:48

Mə Yudeɗ azlanənka, aɓsənən Yesu na: Gesiŋ mənah na: Mə Samari kənani, ətem tay akoko ɓa sa?

Əmsak aka Mahenziŋ 32:15

Yakob abəka, azəmka; Yesurun asilik ɗoɗloy; akərka, aɗiyək səlhã, ɗiklik ɗikliki azganək Maŋgəlva məs dəzəməɗa, arbə sənək wil sən Milɓe, wəkõh nani.

Ibriɗe 4:15

Daya net məsdəlveŋge nam waɓap ulasahã akam addəv əddak namə, vi nak pak mərakani va nam addəv zəga pakə, ya nan dəgəɗ mambray ɓa.

Ibriɗe 5:7

Aka Yesu adawsan egge, akkamanək Maŋgəlva nawɓap əkõhgən səma əmta də əɓuhman dayadaya dit sini. Maŋgəlva aprəmək əkkam nani vi aɓe'gənək ki zəni.