Isaya 53:11 - Bible en Guidar

¹¹ Səɓɓa tatwãh məs azəmə, wawla əkeɗeɗe'e, wabə. Gawla naw təstəs wakkpeŋget ɗiy diyɗa təstəs də əsən nani də əslan heslepe net akan dəvani.

Isaya 53:11 ပူးပေါင်းရင်းမြစ်များ

Isaya 42:1

Gawla naw məs nədarma van yaŋka, əwel nawi yi, in tat ənnek dəndəni, nəɗiyək əmpəs naw akani, waki ətawwən təstəs sit ɗiy naket dəlveŋge.

Isaya 45:25

Mə Israyelɗe pakə, wassoŋ təstəs aza Yawe wannekenin ziti.

Isaya 49:3

Aɓsu na: Istə gawla nawa, Israyel də is nədarban gagdak nawa.

Isaya 52:13

Awla wahhar ammba gawla nawa. Waɓayə, wasan metiŋgini, kawɗiyni kiyən diyɗa.

Isaya 53:12

Vini nədapsən haran nan aret ɗiy diyɗa, wawɗak ərəh na ma əgay dit ɗiy guromɗe, vi appanək kiyzən sən əmta, məŋɗani aret ɗiy mbəreyti. Aslanək mambray net ɗiy diyɗa, akkamək ammbet məs mambrayɗe.

Isaya 53:8

Armanənən na gagay, azlbanənək də ətawwən akani. Səmmbet ɗiy na sayit ɗiy nani, naway dəɗɗum aka məs dərəh di? Məzani səka dələv net ɗiy medereti məbayni vi əɓoŋ net ɗiy nani.

Daniyel 12:3

Məs əsən aket wawiɗeŋ va təki kerŋgeŋge na disiŋ, en dəbbah sitin ɗiy diyɗa dəssoŋgən təstəsə, wakasakaŋ va gərzleɗ hã faɗə.

Daniyel 9:24

Mətaw siti lumu taka təl kaklaw buhul sit ɗiy noko də walaŋgəla-metiŋ nok salala, vi kawtak əggbak ma gəm kawziwgin mambraya, kavvuyon heslepe, təstəs dəsangən hã faɗə, vi ula də kəleŋ dəsoŋgən gesiŋ gəm kawpesl məwele an salala day.

Matiye 20:28

Vaski kana Wətən Ɗəf dəde ɗiy dəɗɗaŋ sənəngən wəza ɓa, ya vi dəgəɗgən wəza gəm kappan zeŋgilen vi kawbit ɗiy diyɗa.

Luka 22:44

Adan geslne' arma, akkamək zən soksoku, hanza nan akkpaŋgək va mbel mərme zit kpi'kpi' afuŋ.

Yohanna 12:24

Gesiŋ gesiŋ nədawnah sukum: An zeŋve na haykəmari dəbət aka dəlvafuŋ dəmtə ɓa wasan takərgəni. Ya an amtəka, asna waɗi aran diyɗa.

Yohanna 16:21

An guluk tat əɓay uwa, mat wasan ɓəɓiɓəɓi vi pay nat agapka. Ya an tuwak muzliya, taɗɗumon əzəm sahã nat ɓa sən ənneke vi tuwək ɗəf egge.

Yohanna 17:3

Zeŋgile an faɗə, ndəni dəsənkungən na istə kaka' Maŋgəlva an gesiŋ gəm Yesu Kristu məs kəslənə.

Roma 4:24

Ya səmi'e adaŋɗa, mənam məs mətaf Maŋgəlva məs dəsilgən Yesu Daya nam səret ɗiy mimtiti,

Roma 5:9

Sasak kakaŋkəŋka, adan mərah təstəs də mbel nani, wamərah əkõh dəndən səma ədagədəva.

1Korintus 6:11

Vas ɗiy meɓɓet sərokum assoŋ lahəŋka. Ya məslslaykumi, məkkpaŋgokumi salala, məbburkumi addəv iya na Daya nam Yesu Kristu gəm də Əmpəs na Maŋgəlva namə.

2Korintus 4:6

Maŋgəlva məs dənah na: Əkeɗeɗe wawiɗ ara guzliyo, ndəni dəwiɗ a makramə. Vi kawiɗgən əsən na gagdak na Maŋgəlva aka məɗahara Yesu Kristu.

Galatiyen 4:19

Kirin nawa, sahã nədamsak əzəm va ɗak dawa, hã gap an Kristu arbək va asan addəvkum.

Ibriɗe 12:2

haram sekke aka məs dətəŋ gabba ətafa gəm dədaknahani, ana Yesu, ndən məs dəppan ənnek nani, dəɓəs məzliwrihe, əzele, wili, məs dəsan aka dəzəŋ na mazaŋga na Maŋgəlva.

Ibriɗe 9:28

vaski yi'e Kristu apsən ki zən təl taka vi kaskoɓ mambray net ɗiy diyɗa, ya warban zən masula'ən, vi wən na mambrayi əmpa ɓa, vi kawkõhgit ɗiy məzuganəni yi.

1Piyer 2:24

Ndən zək nan məs dəslet mambrayɗe nam addəv gəɓa zən aka wəlaŋga məzliwrihe vi məsamgən məmtəm kəlaza mambraya, məsamgən madaram dəza əɗɗa təstəsə. Vi huweɗ nani kərəhaŋ ənzaɗa.

1Piyer 3:18

Vi Kristu sən kiyən amtək tel taka mək vi mambray net ɗiyi, ndən məs salala amtək viyit məs mambrayɗe vi kakukum aza Maŋgəlva. Məbayni gəɓa zəni, ya madarani addəv Əmpəsa.

2Piyer 3:18

Məɓay addəv mbəlembəle də əsən Daya nam məkõhgəmə, ndəni Yesu Kristu. Gagdak nani təŋ kakaŋka hã faɗə. Amen.

1Yohanna 2:1

Kirtuwa an nədawver sukuməŋka, vi kədaɗɗaŋ mambray ɓa yi. Ya an ɗəf agəɗək mambraya, mənam tat də məzutərəm aza Afəni, Yesu Kristu məs təstəsə.

2Yohanna 1:1

Səza ɗəf məsɓan, sət ɗak muwelta, akən nəŋgəl gesiŋgesiŋ gəm sit kirtita. Intə nəŋgulwət kaka ɓa dit ɗiy məs də əsən na gegesiŋ paki.

2Yohanna 1:3

Mbəlembəle, ulasahã gəm zazay na Maŋgəlva Afəni gəm na Yesu Kristu Wətən Afən wassoŋ də mənam addəv gegesiŋ gəm əŋgla.