Isaya 52:8 - Bible en Guidar

⁸ Məgaɗe nok tahəŋ əslan wəleti, sap net tahəŋ əŋzlaŋ vaŋvəl sən ənneke Vi tay ulanən Yawe də heret əmilyen a Siyon.

Isaya 52:8 ပူးပေါင်းရင်းမြစ်များ

Gəlyaɗe 102:22

Kabbalan iya na Yawe a Siyon gəm wəɗi kiyən a Yerusalem,

Gəlya net Gəlyaɗe 3:3

Məgaɗe məzusuləkaŋ ki walaŋgəla-metiŋgin almaŋ suwənka: «kulannək ɗəf məs nəŋgələŋ sa?»

Gəlya net Gəlyaɗe 5:7

Məgaɗe məzusuləkaŋ ki walaŋgəla-metiŋ almaŋ suwənka; Argəwənka, aɗisuwənək vaŋviya; məgaɗe naket zlavaɗe məherti, atafənək lukut metiŋgin nawa.

Isaya 24:14

Net tahəŋ əslan wəlet əŋzla vaŋvəl na ənnek əgagdakan Daya; tay əŋzlaŋ vaŋvəl hã a disiŋ hã sə kəlammba pay na moskoyo.

Isaya 26:1

Pay dəpaska, kawyani gəlyaŋ aka dələv na Yuda: Mənam tat də walaŋgəla-metiŋ gbogboŋgo. Daya atərwəslək dit zlavaɗe temtem sula.

Isaya 27:2

Pay dəpaska, məyəgəlya sən guli net megezlembirke nenekɗe.

Isaya 30:26

Pay Yawe adaynan huwa net ɗiy nan, an anzeɗik huweɗi, təla wakasak va paya, ya pay wawiɗ təl buhul va əkeɗeɗe na pay təl buhul.

Isaya 35:10

Ɗiy en Yawe akõhgit wamilyoŋ adaka. Wagapaŋ a Siyon də əŋzla vaŋvəl sən ənneke. Wassoŋ pay pak addəv ənneke. Ənnek waknihe, əhəm gəm əya net waggrakə.

Isaya 40:9

Nok apeŋ aka mossorgo metiŋ məɓayən is Siyon, mərbə alabara neneke. Aslan wəlok dayadaya, is Yerusalem, mərbə alabara neneke, aslan wəloko, geslne aduk ɓa. Anah sit walaŋgəleɗe gugriɗ na Yuda na: Maŋgəlva nokum yaŋka.

Isaya 48:20

Məgil sə Babilon, mənzoŋ faraɗa sit mə Kaldiyeɗi. Də vaŋvəl nanneke, məprəman wən nani hã dəgapgən a təki dələv abaymani. Mənah na: Yawe akõhgənək gawla nan Yakob.

Isaya 56:10

Məgaɗe net daŋgerɗeŋ pakə, baymet pak zəga tay asənaŋ ɓa, kirɗe mə ɓatɓatəŋgə, aɓapaŋ na əhar ɓa. Tahəŋ ɓəlohɓəloh əssineŋgi, aŋglaŋgək əleŋge.

Isaya 58:1

Akol wəlok ayə, kəɓətgən gozloro ɓa, aslan wəloko. Arban əɓoŋ net ɗiy nawa, arban mambray net ɗiy na Yakob.

Isaya 62:6

Aka zlava nok na Yerusalem nəziwgit məgaɗe; dəfəɗ də kapay pakə, adassoŋ simbimme ɓa. Mənokum məzəfɗahan sənən wən nan sən Daya, kəffeteŋ ɓa.

Yeremiya 31:12

Wamilyoŋ də əŋzla vaŋvəl sən ənnek aket mossorgoɗe na Siyon; wazzoŋ zletete aka zəga na va Yawe: Haykəmari, mbazla na meketepe, mẽl məɗotun kakaŋka, gilewi gəm wasliɗe. Wassoŋ va guli net wəleŋɗe məpsən iŋkile; azəmaŋ na sãhã əmpa ɓa.

Yeremiya 32:39

Wanipsit əɗɗum a mekret taka gəm tive taka vi dəgeslne'eŋ suwəngən pay pak ka moggon neti gəm net kirtit dərɓegeti.

Yeremiya 33:11

gogoyo na əpepɗeke, gogoyo na ənneke, gəlya na məɓel gulku də əɗɗəla nat məɓelta, wəlet ɗiy məzunəhaŋ na: məɗi ki Yawe Məzuɓappakə, vi Yawe moggoni yi, vi moggon nan hã faɗi yi. Kaprəmi wəlet məkiyaŋ zəga nawfet addəv gəla na Yawe. Vi wanəzaɓan wən na dəlvəŋ va asan lahəŋka» Yawe anahə.

Yeremiya 33:7

Wanəzaɓan wən na Yuda gəm wən na Israyel, wanərke va asan lahəŋka.

Yeremiya 6:17

Nəɗiyək məgaɗe dəssak sukuməngəni məgəɗ maɗɗula aka ɓaɓəlma gozloro yas azlanaŋ na məgəɗ na maɗɗula ɓa.

Ezekiyel 3:17

Wətən ɗəfa, nəɗiykuk ka məzuga na Israyel, sə maw kədaprəm əpele, kəssak sit sugəni.

Ezekiyel 33:7

Ya anoki yi nəɗi ka məzuga net ɗiy na Israyel wətən ɗəfa, kəprəmgən əpel sə mawa, kəssak sit sugəni.

Sefanya 3:9

Vi wanəkkpaŋgan metteɓ met ɗiy kotakə, vi ndəɗaŋ pak diyanəngən iya na Yawe, vi dəɗɗaŋ sənəngən wəza də mekret taka.

Zakarya 12:8

Pay nan dəpas Yawe wazeŋ aret ɗiy na Yerusalem: ɗəf məhuyukhuyuk naret dəpas na, wasan va Davit, gəla na Davit tam va Maŋgəlva, va maslay na Yawe abeti.

Wəza net Masləŋɗe 2:1

Adan pay na Paŋtekot agapə, akkalaŋgək baymet a təki taka.

Wəza net Masləŋɗe 4:32

Məzutafaŋ addəv əsap net pak tahəŋ mekret taka, megenegenet taka, ɗəf taka tay dədawnəh na arya nani ɓa, zəgeɗ net pak tahəŋ sapə.

1Korintus 1:10

Milmiŋgiɗwa, in tat əsɓokum də iya na Daya nam Yesu Kristu, ka mokum dəsangən taka, uɗak adawsan awalaŋkum ɓa, məsleri, kəssoŋgən əɗɗum taka gəm maɗɗulokum taka.

1Korintus 13:12

Vi kakaŋ mənam tat ulan va addəv zəga nawla hara ɗəfa, lufluf ɗarə, ya asna haram də harani. Kakaŋ əsən naw də meŋgeyi, ya asna, wanəsən lewlewi va asənwa.

Ibriɗe 13:17

Məprəm met ɗiy gugriɗ nokum də əzban an adarban sukuməni. Vi Tahəŋ wəga zeŋgilokum məza wəfet ɓa, adan waŋɗanən wəza net aba Maŋgəlva. Vasna waɓap əɗɗanən wəza van də zit neki məza də wərwər ɓa vi asan na ka nawtər sukum ɓa.

Hənhən 18:20

Disiŋ annek də əray na walaŋgəla-metiŋ nani. Munokum'e ɗiy na Maŋgəlva, maslənɗe gəm məskəleŋɗe vi Maŋgəlva akək wən ammbokum də ətawwən aka walaŋgəla-metiŋ vani.

Hənhən 19:4

Ɗiy məsɓet kaklaw sula kiyit poɗo dit zəgeɗ memeyẽɗ poɗo nek appu'oŋko, agagdakanənək Maŋgəlva məs dəsan aka mazaŋga na məlyã, yaŋ adawnahaŋ: Amin! Məgagdakan Maŋgəlva!