Isaya 52:7 - Bible en Guidar

⁷ Miyə lalaw aket mossorgoɗe gugriɗe va təl mərbə alabara nenek di? Tay əprəman wən na zazaya, tay ərban alabara neneke na moggon məzuki əkõho. Tay ənah sən Siyon na: Maŋgəlva nok tay əzəm məlyã.

Isaya 52:7 ပူးပေါင်းရင်းမြစ်များ

Gəlyaɗe 59:13

Met tay əɗɗa mambray də əpel na meti. Wəkaɓ net warme, aka mahanay net də uwawən adawwaŋgə!

Gəlyaɗe 68:11

Dələv nok məs assoŋ akani, istə kəɗiya, Maŋgəlva aka moggon nok sən məssãhã.

Gəlyaɗe 93:1

Yawe tay əzəm məlyã. Aguluk gagdak ka lukutu, Yawe aynanək gbogboŋ ka maslapa nagzeni. Ha'aw, dələv aziwke, aɓla ɓa.

Gəlyaɗe 96:10

Mənah awalaŋgit ɗiy-ɗar pak na: «Yawe məlĩ yi. Ha'aw, ndəni dəziwgin dəlvafuŋ, aɓəl na ɓa. Ndəni məzətawwən net ɗiy də təstəsə.»

Gəlyaɗe 97:1

Yawe məlĩ yi. Dəlvafuŋ dənneki, mətəwəraɗe diyɗa dənnekenin ziti!

Gəlyaɗe 98:2

Yawe arbanək əska wəla nani; arbanək təstəs nan a maheret ɗiy-ɗarə.

Gəlyaɗe 98:3

Aɗɗumonək ulasahã nan də moggon nan aka batam Israyel. Mammba dələv pak, awlak əkõh na Maŋgəlva namə.

Gəlyaɗe 99:1

Yawe tay əzəm məlyã: Ɗiy dəkkereŋgi! Aket kerubaɗe asani: dəlvafuŋ tay əkkere!

Gəlya net Gəlyaɗe 2:8

In tat əprəm gəraw na makrawa! Yaŋ əzzani! Dəzla dəket gərmeŋge, əsukiɗi dəket mossorgoɗe.

Isaya 24:23

Wil wadanən təla, paya warbə wili. Vi Daya Məzuɓappak məlĩ yi aka mossorgo metiŋ na Siyon gəm a Yerusalem. Gagdak nan warbə a ma heret ɗiy məsɓet nani.

Isaya 33:22

Vi Yawe yi mətawwən namə, Yawe yi akamə. Yawe yi məlĩ namə, ndəni məzəkõhgəmə.

Isaya 40:9

Nok apeŋ aka mossorgo metiŋ məɓayən is Siyon, mərbə alabara neneke. Aslan wəlok dayadaya, is Yerusalem, mərbə alabara neneke, aslan wəloko, geslne aduk ɓa. Anah sit walaŋgəleɗe gugriɗ na Yuda na: Maŋgəlva nokum yaŋka.

Isaya 41:27

An dəgap daabəŋ a Siyon amna: Awle, awle yeŋki. Nəslənək maslən a Yerusalem.

Isaya 42:11

Kapta-muyã dit walaŋgəleɗe gugriɗ nan dəslanən wəlet a disiŋ, vaska'e walaŋgəleɗe net ɗiy na Kedar! Ɗiy naka milɓe dəŋzlaŋ vaŋvəl sən ənnek təŋ səka dadwar kiyit mossorgoɗe gugriɗe.

Mika 4:7

Wanəkkpeŋget vədalɗe ka en məs dəndəwəɗaŋgə, en məsimgit tamə ka vanday gbogboŋgo. Yawe yi nawzəm məlĩ aketi aka mossorgo metiŋ na Siyon təŋ kakaŋka hã faɗə.

Nahum 2:1

Yuda, awle təl ɗəf məzutəl ma na wən neneke; əzzan dəket mossorgoɗe gugriɗe. Tay ətəlma na zazaya, aɗɗe wəzləreɗ noko, aknahaŋ an mok aynə! Vi məs mambray atoŋ na ɗah anokda əmpa ɓa, məzani kəkəɗə.

Zakarya 9:9

Anneken zuk diyɗa, waŋ na Siyon! Aɗɗəl nanneken zuko, waŋ na Yerusalem! Məlĩ nok yaŋ tay əzzan azoko; təstəsi yi gambaray, avoŋgənək kini, apeŋgik aka koro, aka wət koro.

Matiye 25:34

Pay nani, məlĩ wanah sit ɗiy en naka van dəzəŋ na: Mide munokum məs Afu agəɗ sukum zəzaya, mətoŋ addəv məlĩ an məzaɓan vikum aka ətəŋ na gabba dəlvafuŋ.

Matiye 28:18

Yesu adderik azeti, apel sitik dawnəh na: Gagdak pak məpsuwi sə disiŋ gəm səka dəlvafuŋ pakə.

Markus 13:10

Vi aslək Wən Nenek dərbəgən azet ɗiy naka dələv pak tagay.

Markus 16:15

Yaŋ anah sit na: Məddoŋ aka dələv baymani, məbbalan Wən Nenek azet ɗiy pakə.

Luka 2:10

Yaŋ maslay aɓsit na: Kədawgeslne'eŋ ɓa, vi alabara nenek nədawnah sukum, wasan ənnek metiŋgin viyit ɗiy pakə.

Luka 24:47

vi karbani wən nawɗi marava navvuyon mambray azet ɗiy pak də iya nani, dətəŋ sə Yerusalem.

Efesus 6:15

məkpa' hensek də əŋgla nawpel Alabara Nenek na zazaya.

Hənhən 11:15

Maslay mabuhulet affon gozloro nani: Yaŋ wəlet ɗiy diyɗa ade sə disiŋ dawnəh na: Əzəm məlĩ naka dəlvafuŋ na Daya nami gəm na Kristu nani kakaŋka; wazəm məlĩ hã faɗə.

Hənhən 14:6

Yaŋ nula maslay maɓɓan dawveŋ a disiŋ faraɗa, tay də alabara nenek an faɗ na Maŋgəlva avani vi kawtəl ma akan sit ɗiy naka dəlvafuŋ pakə: sit ɗiy-ɗar pakə, sən mahəlfa pakə, sən ma awandi pakə gəm sit ɗiy pakə.