Isaya 51:5 - Bible en Guidar

⁵ Təstəs naw go'oy, əkõh naw warbə, vaw watawwən aket ɗiyi. Mətuwəraɗe waɗiynən əɗɗum net akawa, wabayən vet ammbawa.

Isaya 51:5 ပူးပေါင်းရင်းမြစ်များ

Gəlyaɗe 110:6

tay ətawwən a waleŋgit ɗiy-ɗarə; kigəbay tay gidif gidifi, ammussik ɗiy en nabe, səka dələv metiŋgini.

Gəlyaɗe 67:4

Ɗiy dəfeteŋ akoko, Maŋgəlva! Ɗiy dəfeteŋ akoko, ndəɗaŋ pakgiti!

Gəlyaɗe 85:9

In tat əprəm mi Maŋgəlva Yawe adawpel di, vi tay əpel wən na: «Zazay» sit ɗiy nani gəm sit en dətafnəni, ya adamndoŋ addəv dərwa ɓa!

Gəlyaɗe 96:13

aba Yawe, vi tay əzzani, vi tay əzzan ətawwən aka dəlvafuŋ. Watawwən aka dəlvafuŋ də təstəsə, gəm aket ɗiy də moggon nani.

Gəlyaɗe 98:9

aba Yawe, vi tay əzzan kawtaw wən aka dəlvafuŋ. Watawwən aka dələv də təstəsə gəm aket ɗiy tam də tiveni.

Isaya 11:11

Pay dəpaska, Daya wappar van təl masulani vi kawmet ɗiy en dəppaŋ net ɗiy nani, ɗiy en dəndəwəɗaŋ sə Asiri, gəm sə Eziptə, sə Patros, sə Etiyopi sə Elam gəm sə Babilon, gəm sə Hamat gəm səket mətəwəraɗe na pehe.

Isaya 24:15

Vini adawgagdakanən Daya ammba pay nampum. Aket mətuwəraɗe na pehe, tahəŋ əya iya na Daya Maŋgəlva na Israyel.

Isaya 26:4

Məppan ki zukum pay pak sən Yawe, ha'aw sən Yawe, Yawe milɓe an faɗi yi.

Isaya 33:2

Yawe arban səm mbəlembəle noko, akok məɗi əɗɗum namə. Asok gbogboŋ nam də mompumo pakə, məzəkõhgəm pay na tatwãha.

Isaya 33:22

Vi Yawe yi mətawwən namə, Yawe yi akamə. Yawe yi məlĩ namə, ndəni məzəkõhgəmə.

Isaya 40:10

Yawe Maŋgəlva yaŋka Tay əzzan də gbəgboŋgo, gbogboŋ nan dədawrəh sən məlyã. Əfaɗ na iya na wəza tay avani, zəga nawfet aka ɗəf tay abani.

Isaya 42:4

Nan awzimbi ɓa, ayə na londor ɓa, hã gap ndən ziwgin təstəs aka dəlvafuŋgu, ɗiy-naguw diyɗa tahəŋ əganən əyak nani.

Isaya 46:13

Təstəs naw gu'oyi, tay ɓa' ɓa! Əkõh naw wanzi ɓa, wanəpsən əkõh naw sən Siyon. Wanəpsən gagdak naw sən Israyel.

Isaya 49:1

Məprəmwa, mənokum mətuwəraɗe, məpak sləmokum, ɗiy na faraɗa. Aka məɓəli əwu ɓa, Yawe ayəwəka; aka nəsaw addəvət mawa, anah iya nawa.

Isaya 54:17

Zəga məzaɓən nawgay də is pak ahhar na ɓa. Wakəslbe məkaŋ dolgoy akok pakə. Hara ərəh net məɗɗaŋ wəza na Yawe yaska, ndeni təstəs net məs dəsil səzawa Yawe aɗiymani.

Isaya 56:1

Vaŋki Yawe anahə: Mərma an dəslə, məgəɗ an təstəsə, vi wəkõh naw go'oy əzzani. Təstəs naw warbə.

Isaya 59:16

Awlak na ɗəf təttaka tay ɓa asiripik zəni vi ɗəf tay dətoŋ əbbah ɓa. Yaŋ van apsən əska wəla, təstəs nani, nan ampəsənək ɓəɓəla.

Isaya 60:9

Ɗiy en ɓa' sə mətuwəra aɗiyənək əɗɗum net akawa, bəlayɗe na Tarsis əŋ abe vi kawmilgit kirtuk sə faraɗa də təbəz babar gəm meleŋge neti vi kawgagdakan Yawe Maŋgəlva noko, vi Salala na Israyeli dəpsuk gagdaka.

Isaya 62:11

An Yawe aprəman hã təki dələv abay man yaŋka: Mənah sət waŋ na Siyon na: «Məzukõhguk yaŋ əzzani, də əfaɗ na hanza avani, əfet abani.»

Isaya 63:5

Nəbbalanək harawa ya məzəbbah su tay ɓa! Nəsawək əɓuh mawa ya ɗəf tay dərma vaw ɓa. Vaw dəkohguwa ədagədəv naw dəmpəsu ɓəɓəla.

Sefanya 2:11

Yawe arbanək zən nawgeslne' sən azeti, azetik meŋgilveɗ naka dəlvafuŋ pakə, wappu'oŋ aban naway pak sə gəlan səka dələv nani.

Matiye 28:18

Yesu adderik azeti, apel sitik dawnəh na: Gagdak pak məpsuwi sə disiŋ gəm səka dəlvafuŋ pakə.

Matiye 3:2

Amna: Məkkpaŋgan ədaw nokum vi məlĩ na Maŋgəlva go'oy.

Markus 16:15

Yaŋ anah sit na: Məddoŋ aka dələv baymani, məbbalan Wən Nenek azet ɗiy pakə.

Luka 24:47

vi karbani wən nawɗi marava navvuyon mambray azet ɗiy pak də iya nani, dətəŋ sə Yerusalem.

Wəza net Masləŋɗe 17:31

Vi aɗiyək pay nawtawwən aka dəlvafuŋ pak də təstəs, də ɗəf məs aweli, dədah nawtaf net ɗiy pakə, asilgənək səka əmta.

Roma 2:16

pay an Maŋgəlva adataw wən də Yesu Kristu aka an dəsan məɗɗa net ɗiyi, va aza Alabara nenek nawa.

2Korintus 5:10

Vi mənam pak waməziw aba ətawwən na Kristu, ka naway pak dərahgən aza va an agəɗ də gəɓa zəni, an moggoni, an mbərayni.

Əmsak aka Mahenziŋ 30:14

Vi wəpel go'oy azok diyɗa, a boroko gəm a mokroko vi kaɗɗa wəza dəndəni.

1Samiyel 2:10

Yawe wazet məzuzelɗe nani, waheyẽt sə disiŋ va buna. Yawe wataw wən aka dələv gboŋgu. Wapsən gbogboŋ sən məlĩ nani, wasilgən mohõ mesiya nani.»