Isaya 51:4 - Bible en Guidar

⁴ Məprəma, mənokum Vanday nawa, məpak sləmokum ambawa, mənokum ɗiy nawa. Vi mahenziŋ wasil səzawa; ətawwən naw nədapsa wasan əkeɗeɗe net ɗiyi.

Isaya 51:4 ပူးပေါင်းရင်းမြစ်များ

Gəlyaɗe 106:5

nulagən əzaɓ net muweleɗe noko, kaprəm ənnek net ɗiy noko, gəm kawɗakan ənnek dit en nawray voko.

Gəlyaɗe 147:20

Dəgəɗ vas sit ɗiy-ɗar ɓa, dəsinnin ətawwənɗe nan ɓa. Məɗi ki Yawe!

Gəlyaɗe 33:12

Əzaɓi azet ɗiy en dəɗinən Yawe ka Maŋgəlva neti! Əzaɓi azet ɗiy en awel ka nawray vani!

Gəlyaɗe 50:7

Məprəma ɗiy nawa, wanəpeli; Israyel, wanəpel akoko, intə Maŋgəlva, Maŋgəlva noko.

Gəlyaɗe 78:1

Əpel-məmyã'ən na Asaf. Ɗiy nawa, məpak sləmokum ammba mahenziŋ nawa, məkol sləmokum ammba əpel na mawa.

Əgilye 19:6

Wakəssoŋ suwən ka məlĩ net məsdəlveŋge, Kirtindələv en salala. Aski əpel an kədawnah sit mə Israyelɗe.»

Əgilye 33:13

Kakaŋ an kəɗɗak moggon nok viwa, arban su tive nok kana kamə, nəsunukgəni; vi kəɗɗak moggon nok viwa, awla, vandayəŋ ɗiy nokuŋgə.»

Wənməkkpaŋga 6:23

Vi əsəɓ na, ndəni lalam; mahenziŋ na, ndəni əkeɗeɗe'e; əzga naddəv əyak na, ndəni tive na zeŋgile,

Isaya 1:27

Siyon wakõh də əɗɗa təstəsə, ɗiy en dəɗiyaŋ marava tam də ədawaŋ sarara.

Isaya 2:3

Ɗiy diyɗa wambataŋ adaka; wanahaŋ na məndam əpeŋ aka mossorgo metiŋ na Yawe addəv gəla na Maŋgəlva na Yakob. Warbet sim tiveɗ nani, mədawgən aket tiveɗ nani vi sə Siyon gi mahenziŋ na Yawe adazzani əpel nan tam sə Yerusalem.

Isaya 26:2

Məkol metiveɗi, ɗiy təstəs məs akkpaŋganən met ɓa dətoŋgoŋgu.

Isaya 26:8

Gegesiŋ aka tive an ətawwən nok antarə, akoki məɗi əɗɗum namə Yawe. Əya iya noko, əɗɗum akoko, ndəni an ɗəf aŋgələ.

Isaya 33:22

Vi Yawe yi mətawwən namə, Yawe yi akamə. Yawe yi məlĩ namə, ndəni məzəkõhgəmə.

Isaya 42:21

Ndəni, Yawe arban memetiŋ gəm lalaw na mahenziŋ addəv təstəs nani.

Isaya 42:6

Intə Yawe, nəyuk na addəv təstəs nawi yi. Nərmak voko, nəgukko, nəɗiykuk kəssokgən wənmiyna sit ɗiy nawa əkeɗeɗe net ɗiy naket dəlveŋge.

Isaya 49:6

Anahək na: Əssa gawla naw ka kawslan zev Yakob gəm kawtər məs dəndəwəɗaŋ na Israyeləŋ agəska. Nəɗikuk əkeɗeɗe net ɗiy-ɗarə, vi əkõh naw dəgapgən a təki məs dələv abaymani.

Isaya 55:3

Məpak sləmokum, mide azawa. Məprəma, wakəssoŋ madorokum. Waninə wənmiyna an faɗ vikum, sesel wanəziw aka moggon na Davit.

Isaya 63:8

Yaŋ anah na, net ɗiy nawəŋgə, kirin məs awaŋwən ɓaŋgə. Asanək məzukõh neti.

Mika 4:2

Ɗiy diyɗa wambataŋ adaka; wanahaŋ na mide məpeŋgin aka mossorgo metiŋ na Yawe addəv gəla na Maŋgəlva na Yakob. Warbet sim tiveɗ nani, mədawgən aket tiveɗ nani vi sə Siyon əyak adawgilyeni, əpel na Yawe tamə sə Yerusalem adazzani.

Luka 2:32

Ndəni təki babar narbok azet ɗiy-ɗarə, gəm gagdak net mə Israyelɗe ɗiy noko.

1Korintus 9:21

Dit en məs tahəŋ də mahenziŋ ɓa, in kpaŋ va in tat də mahenziŋ ɓa, tak in tat məza mahenziŋ na Maŋgəlva ɓa ɓa, adan Kristu wi mahenziŋ nawa, vi nərehgin məs tahəŋ də mahenziŋ ɓa.

Əmsak aka Mahenziŋ 18:18

Məskəleŋ nədawgilgin səret milmiŋgiɗit va isi; wəpel naw nədawgul amani, an nəɗi sən wən nan adawnah siti.

1Piyer 2:9

Ya nokum, mahəlfa an muwelin kənanaŋgə, məsdəlveŋge na məlyã, kirtindələv en salala, ɗiy məs Maŋgəlva abit kənanaŋgə, vi kərbanəngən wəza gagdak na məs dəyukum səra guzli ara əkeɗeɗe nani.