Isaya 51:13 - Bible en Guidar

¹³ Is əzgət ki Yawe məs dəɗɗuko, məs dəpak disiŋ məs dəziwgin dəlvafuŋ. Pay pak is tat əkker sən geslne aba ədagədəv na məsər ma ɗəfa, va kəɓəs na azaɓanək zən nawzoko. Ya ŋgay ədagədəv na məsər ma ɗəf van di?

Isaya 51:13 ပူးပေါင်းရင်းမြစ်များ

Ester 5:14

Yaŋ Zeres guluk nani gəm beyneŋgiɗin pak aɓsənən na: «Ɗiy dəzaɓaŋ wəlaŋga məs əɓay nan metər kaklaw sula kiyən sle'i, də pummo na, kənah səngən məlĩ dəlawəngən Mardokay van akani, kedegən əzəm waynabaya də məlĩ də zuk neki.» Əpel van asanək nek aza Haman, yaŋ azaɓ wəlaŋga vani.

Ester 7:10

Alawənək Haman aka wəlaŋga an azaɓ ammba Mardokay naka. Yaŋ kan herɗe na məlĩ affeteŋgi.

Ɗerewel na Yob 37:18

Dəndən kəɗzaɗ slaybuwən ɓəɓəl va zəga nawla hara ɗəf addəvən na təbəz məhəsən sa?

Ɗerewel na Yob 9:8

Ndən məzəppar disiŋ takərgəni, məzədaw aket vovolumɗe na pehe.

Gəlyaɗe 104:2

Kəmbəkək əkeɗeɗe azok va lukutu kəpparək disiŋ va gabaga.

Gəlyaɗe 106:13

Azgətaŋgək kiyit wəzeɗe nan go'u, dəganən an aɗɗum naɗɗa dərɓagan ɓa.

Gəlyaɗe 76:10

pay Maŋgəlva asil nawtawwəna, kawkõhgit məsər met naka dəlvafuŋ pakə. Əziwe

Isaya 10:24

Sən aski Daya Maŋgəlva Məzuɓappak anah na: Ɗiy naw məs dəssoŋ a Siyon, kədawgeslne'eŋ sən Asiri ɓa, tay əvəruk də tandaŋ, tay əslan zleŋge nan akok va net mə Eziptiɗ lahəŋka.

Isaya 14:4

wakəyə gəlya nawmas aka məlĩ na Babilon wakənah na: Mbarmbari məsər ma ɗəf abayman di? Mbarmbari əɓaygən kiya nan agrak di?

Isaya 16:4

Appet ɗiy na Mo'ab en dətrayaŋ dəssoŋgən anokda, asok təki nawɗam net viyit məzuzetin ɗiyi. An əsərma aslak mani, an əzəm təki aggrakka, ɗəf məzundapan alək faraɗa səka dəlva,

Isaya 17:10

Vi kəzgətək ki Maŋgəlva məs dəkõhguko, kəɗɗum aka milɓe nawɗam nok ɓa. Vini is tat əmpa guli net wəleŋɗe moggeti kəzləgək uwa na wəlaŋga na guwa.

Isaya 40:21

Kəsən ɓa sa? Kəprəmən ɓa sa? Mənah sukumi səza ətəŋ nan ɓa sa? Kəprəmən gabba ətəŋ dəlvafuŋ ɓa sa?

Isaya 40:22

Ndəni dəsan a disiŋ ki dəlvafuŋgu, məs ɗiy nakan assoŋ va heyɗeŋɗe. Ndən dəpak disiŋ va gabaga, tay əpparən va gizlirke vi kassa adaka.

Isaya 42:5

Vaŋ Yawe Maŋgəlva məs dəzəməɗ disiŋ aweɗe, dəppar dəlvafuŋ dit zəgeɗ akani dəpsit əmpəs sit ɗiyi əmpəs sit məzədawaŋ akani.

Isaya 43:1

Ya kakaŋ na, Yawe məs dəzəməɗko Yakob, məs dəɗɗuko Israyel amna: Kəgeslne ɓa, vi nəbitkuko, nəyukuk də iya noko, naw kənani.

Isaya 44:24

Aŋki an Yawe məzukõhguko, məs dezəməɗuk addəvət mok far anahə: «Intə Yawe, məs dəɗɗa an dəsan pakə. Intə takərgu nəpak disiŋ. Pay nəsloprokon dəlvafuŋgu, naway dəsan dəndu di?

Isaya 45:12

Intə nəɗɗa dəlvafuŋ gəm intə nəzəmiɗ ɗiy nakani. Vaw dəppar disiŋ gəm məzəɗi wən sit məzəlpaɗe nan pakə.

Isaya 45:18

Vi vaŋki Yawe məs dəzəməɗ disiŋ, ndən Maŋgəlva məs dəzaɓan dəlvafuŋ, aɗɗa aziwgin məza foŋlorro ɓa, azəməɗ vi ɗiy dəssoŋgən akani, azaɓani. Ndən dənah na: Intə Yawe; Maŋgəlva tay maɓɓan ɓa.

Isaya 48:13

Vaw dəzəməɗ dəlvafuŋgu gəm vaw dəzəŋ dəppar disiŋ. An nəyeke wazzoŋ əziw aŋ biyo.

Isaya 49:26

Məzəmgukumən sahã wanəzimgit slu ziti, mbel net wabey va mbazla na meketepe. Asna ɗiy pak wasənnən na məzukõhguk na, intə Yawe, məzubituk na, ndəni Məzuɓappak na Yakob.

Isaya 54:14

Təstəs waɓɓəloko. Wakəsok ɓa' səza əzəmsahã, kəgəslne na əmpa ɓa. Kəkker na sən geslne ɓa, vi agapuk na ɓa.

Isaya 57:11

Sən naway kədawgeslne' ka kəmakawgən vaŋhəŋ di? Kəzgətək kiwa, kəppan kiyuk akaw ɓa; kəgeslne' su ɓa vi nəsaw ɓatɓatə.

Isaya 7:4

Kənah səngən na: Asla zuko! Asok ɓatɓatə, kəgeslne ɓa, kədawŋgəm əppan mokrok əddak səbet motoffoɗe sula məzuzlaŋgən ɓa, səba ədagədəv net may Resin ɗəf na Aram də wətən Remalya ɓa.

Isaya 9:4

Vi hensek na məzuzel məzəkkergin dəlvafuŋ, gəm lukut məs də mbel azan pak wakkpaŋgaŋ zəga nawzəm na offo.

Yeremiya 2:32

Waŋ goruk tazgət ki zəga na gawla nat sa? Guluk namba zil tazgət ki gendu nat sa? Ya ɗiy naw na maggaŋ azgətaŋ kiyu ɓa.

Yeremiya 38:19

Yaŋ məlĩ Sedekiya aɓsən Yeremiya na: naw intat əgeslne' sit mə Yudeɗ məs dəddoŋ anet mə kaldiyeɗ da. Vi adapsuwən avet dəzəmguwəngən sahã ɓa.

Yeremiya 41:18

ɓa' səzet mə Kaldiyeɗi məs adawgeslne'eŋ sitini, vi Yismayel wətən Netaniya abay Gedaliya wətən Ahikam məs məlĩ na Babilon aɗi daya aka dəlva.

Yeremiya 51:15

Daya dəɗɗa dələv də gagdak nani; aziwgin dəlvafuŋ də maɗɗula nani apakək disiŋ də əsən nani.

Yeremiya 51:19

An na Yakob na va zəgeɗiski ɓa, ndən dəzeɓ zəgeɗ pakə, Israyel dəsan mahəlfa an haran nani. Iya nan na Yawe Məzuɓappakə.

Daniyel 3:15

Ya kakaŋ na məsla zukum, an kəprəmənək ɓaɓəlma Mohõ, Pozloro, Gaŋgara, Gəzləŋtədəŋ, Gozloro, Gazaŋvəla gəm na zev zəga nasmay pak na, kəɓe'eŋgən əppu' aba zəgakamaŋgəlva məs nəzaɓ kawgagdakani. An kəppu'oŋ ɓa na, kazgokumi kakaŋ kakaŋ addəv movoro offo zilim zilimi. Zev maŋgəlva awani nawkogukum səvaw di?»

Daniyel 3:18

An dəkõhgəm ɓa, asəna məlyã, məgagdaket meŋgilveɗ nok ɓa, ya məppu' na aba zəgakamaŋgəlva na meleŋge məs kəziwginiŋ ɓa'a.»

Daniyel 3:19

Ndəni makra Nabukodonozor asəkəkə, ki haran kpaŋ rosros aket may Sadrak, Mesak gəm Abed-Nego. Aɗiyək wən nan vi karman movoro offo day ki an ɗayɗay gap təl buhul.

Wəza net Masləŋɗe 12:23

Yaŋ maslay na Daya arga ləŋgə, vi dəpsən gagdak sən Maŋgəlva ɓa, tentiwilgeɗ azəmənka, amtəka.

1Korintus 1:20

Ngay məsmaɗɗula di? Ngay mərbə-mahenziŋ di? Ngay məsən gabba wən na pay an kakaŋkəŋ di? Maŋgəlva dəkkpaŋgan maɗɗula naka dəlvəŋ ɗar ɓa sa?

1Korintus 15:55

Əmta ngay əskawəla nok di? Əmta ngay gbogboŋ nok di?

Əmsak aka Mahenziŋ 32:18

Kəzgə sləma aka Milɓe məs dəwuk ɓa. Kəzgətək ki Maŋgəlva məs dəpsuk zeŋgile!

Əmsak aka Mahenziŋ 6:12

asla zuko, vi kədazgət ki Yawe dəgilguk səka dələv na Eziptə səddəv gəla na balamə.

Əmsak aka Mahenziŋ 8:11

Nok asla zuko, vi kədazgət ki Yawe Maŋgəlva nok ɓa, məza karma əpelɗe na ənziya, tiveɗnanziya dit mahenziŋɗe nan en nədawɗi suk wən net dəpaŋkəŋ ɓa.

Ibriɗe 11:15

Ya va dələv məs agilyoŋ səddəvən tay aka maɗɗulet na kəta wakayaŋ tive namnda adaka.

Hənhən 19:20

Mərmani zəga mamayã nak a fərsəna, gəm məskəleŋ məwə tepelke məgəɗ sekeneɗ aban məs dəmbəɗet ɗiy dətafən voɗoko na zəga mamayã naka gəm agagdakanən zeŋgileni. Zəga mamayã də məskəleŋ məwə tepelke nek pak məzgeti mederet addəv vov na offo muhurən.

Hənhən 20:9

Watrayaŋ aka dələv pakə, wakaraŋ ki dibirgidik net ɗiy salala gəm ki walaŋgəla-metiŋ net ɗiy na Maŋgəlva. Ya offo waprik sə disiŋ wazet pakə.