Isaya 51:11 - Bible en Guidar

¹¹ En Yawe apet wamilyoŋgu. Wazzoŋ a Siyon də vaŋvəl nanneke, də ənnek an asərəkaŋ aka maɗɗuleti də ənnek metiŋgini gəm də wəɗɗəla, wəhəm də əɓuhma assoŋ na ɓa.

Isaya 51:11 ပူးပေါင်းရင်းမြစ်များ

Gəlyaɗe 126:2

Ndəni baram aknah də wəmasa gəm hərzləməm də əɗɗəla nanneke; yaŋ ɗiy-ɗar adawnahaŋ na: «Yawe agəɗək zəga metiŋgin viti!»

Gəlyaɗe 126:5

Məzəzlgaŋ dit sin areti wakkalanən də wənneke!

Isaya 11:15

Yawe wakkpe' iŋkile na heleleŋ na pehe na Eziptə. Addəv gagdak nawda gədəv nani waɓlan van aka məlpa, warslan ka lolohet buhul waɗɗa ka ɗəf dəkkaɗgən dit hensek aka tələn palpalə.

Isaya 25:8

Tay əzan əmta ka faɗə. Yawe, Maŋgəlva wappay sin səret ɗiy pakə. Wazargən ərba wil səket ɗiy nan səka dələv pakə. Ha'aw Yawe dəpeli.

Isaya 35:10

Ɗiy en Yawe akõhgit wamilyoŋ adaka. Wagapaŋ a Siyon də əŋzla vaŋvəl sən ənneke. Wassoŋ pay pak addəv ənneke. Ənnek waknihe, əhəm gəm əya net waggrakə.

Isaya 44:23

Disiŋ, minneki vi Yawe aɗɗaka. Kpukpum na dəlvafuŋ, anneki. Mossorgoɗe gugriɗe, wəleŋɗe ngərəɓə, wəlaŋga awandi naddəvən pakə, məgəsl vaŋvəl sən ənneke. Vi Yawe akõhgənək Yakob, arbanək gagdak nan a Israyel.

Isaya 48:20

Məgil sə Babilon, mənzoŋ faraɗa sit mə Kaldiyeɗi. Də vaŋvəl nanneke, məprəman wən nani hã dəgapgən a təki dələv abaymani. Mənah na: Yawe akõhgənək gawla nan Yakob.

Isaya 49:13

Disiŋ anneki; anneken zuko dəlvafuŋ; mossorgoɗe gugriɗe məŋgəsl vaŋvəl nanneke, vi Yawe tay əɓitgit ɗiy nani, tay ərban ulasahã nan aket məssẽhẽŋɗe.

Isaya 55:12

Vi wakəgulyoŋ də wənneke, kawkukumi addəv zazaya. Mossorgoɗe gugriɗ dit mossorgoɗe wannekeŋ abokum də əŋzla vaŋvəl na ənneke, wəleŋɗe nawra pak warganən veti.

Isaya 61:7

A gəlet wili, wakərəhaŋ əzaɓ təl sula. Mbək əra namet ɗiy əsan ka nokum, wakəzəmaŋ gəla aza dələv net təl sula, ənnek wasan sukum hã faɗə.

Isaya 65:14

Məɗɗaŋ wəza naw wayaŋ gəlya sən ənnek tay a mekreti! Ya nokumu, wakəŋzlaŋ vaŋvəl sən əssa na mokrokum: Wakənɗesaŋgə, kiykum viwwe.

Isaya 65:19

Ya nərbanək ənnek naw vi Yerusalem, wanənnek də əɗɗum aket ɗiy nawa. Addəvən, kaprəmi geŋgere na əhəm əmpa ɓa, gəm na vaŋvəl ɓa.

Yeremiya 31:13

Asna gorɗeŋge wannekenin zit də əskəla, gewleɗ dit mezzeɗ pak sapə. Wanəkkpaŋgan əhəm net ka ənneke; wanəɓətgiti wanənneken sit zit sə dərɓaga əzəmsahã neti.

Yeremiya 33:11

gogoyo na əpepɗeke, gogoyo na ənneke, gəlya na məɓel gulku də əɗɗəla nat məɓelta, wəlet ɗiy məzunəhaŋ na: məɗi ki Yawe Məzuɓappakə, vi Yawe moggoni yi, vi moggon nan hã faɗi yi. Kaprəmi wəlet məkiyaŋ zəga nawfet addəv gəla na Yawe. Vi wanəzaɓan wən na dəlvəŋ va asan lahəŋka» Yawe anahə.

2Tesaloniki 2:16

Daya nam Yesu Kristu zək nani gəm Maŋgəlva Afəmə, məs dəŋgluwmə, dəpsəm əsɓan makram gəm əga moggon də mbəlembəle nani,

Zuda 1:24

Sən Maŋgəlva nawɓap əgukum məza ətaŋgbãy ɓa, gəm nawziwgukum aba gagdak nan məza də heslepe ɓa də ənneke,

Hənhən 21:1

Yaŋ nula disiŋ meleketeni, də dəlvafuŋ meleketeni. Disiŋ an daabəŋ də dəlvafuŋ an daabəŋ pak ahhiyaŋka, pehe pak tay ɓa azəka.

Hənhən 21:4

Wapay sit sin səret pakə, əmta asan na əmpa ɓa, wəhəm asan əmpa ɓa, wəska morkoyo ɓa, wəzəmsãhã ɓa. Vi zəgeɗ en farfar pak agrakaŋka.

Hənhən 22:3

Zəga məs Maŋgəlva araygən pak tay a walaŋgəla-metiŋ van ɓa. Mazaŋga na məlĩ na Maŋgəlva də ndargayã nan pak adaki asani, məzəɗɗaŋ sənən wəza sən Maŋgəlva wagagdakanəni.

Hənhən 7:17

vi ndargayãk təsat aka walaŋ mazaŋga na məlĩ watəteɗe, watəke amet iŋkile miyma na zeŋgile, Maŋgəlva wapay sit sin səreti.