Isaya 50:6 - Bible en Guidar

⁶ Nəppanək dəɓaw sit məzərguwəni, gəm tapaslayu sit məzəptuwən eŋgemewa. Nəɗaman haraw səma əra gəm ətuf mefɗe ɓa.

Isaya 50:6 ပူးပေါင်းရင်းမြစ်များ

Nehemi 13:25

Nəhẽyẽtike, nəɗɗak mefɗeke aketi; hã nərgək ɗiy meɓɓeti, may nəmzohuk muhur kiyti. Nəswaygitik də iya na Maŋgəlva na, kədapsitin kirtukum muguluŋgit sit kirtit ɓa, may əgim kirtit sit kirtukum mezeŋgleket may ka nokum ɓa.

Ɗerewel na Yob 16:10

Tay əpeleŋ mbərayən akawa, tay ərguwənən aza galiwa də əra, tay əkkalaŋ akawa.

Ɗerewel na Yob 30:10

Tahəŋ wəzaraŋ səzawa vi karban wəzel neti, tahəŋ ətufoŋ mefɗe akaw məza dəllet ɓa.

Gəlyaɗe 129:3

Appanənək gəla azlawar aka gəɓawa va barayɗe zezekɗe net məzənseŋgi.

Gəlyaɗe 69:7

Wil adawdenin ɗiy məs dəɗiynən əɗɗum net akok ammbaw ɓa Daya Yawe Məzuɓappak. Wil adawdenin məzukoyokun aka wən naw ɓa, Maŋgəlva na Israyel.

Gəlyaɗe 69:8

Vi aka wən noki yi nədawba əra, wil araw pa'əŋgə,

Isaya 53:5

Ya məmbokən na vi əɓoŋ nami yi, məŋgrofən na vi heslepe nami yi. Əzga' nawki səm zazay dəbət akani, Də vamvi nan əmbəla nam asani.

Isaya 53:7

Məzəmgəni sãhã, mərbəsəni wili ya dəhã' man ɓa va wət time mizilin məs adawkaŋ a təki nawtaw wəla zəga, va met time avet ɗiy məzufiwnin deɓekeɗ nan adawsan ɓatɓatə, dəhã' man ɓa.

Əɓuhma 3:30

Dəpak tapaslayən sən ɗəf məzərgani, dəbə ərah.

Mika 5:1

Is Bet-Lehem Efrata, təki muzliya kənan naŋɗa aret en na mahəlfa na Yuda ɓa. Səzoki nədawgilgin ɗəf an dədawzəm məlĩ dəka iya naw aket ɗiy na Israyel, ətəŋ nan gala aka pay dətoŋ farfari yi.

Əŋɗa 12:14

Yawe aɓsən Moyis amna: «Va afət atufsətək mefɗe aza harat na, təsat na də wil gap əfna buhul ɓa sa? Asna, təsat a mapoho əfna buhul! Sədərɓangan təmsakgən a gəlata.»

Matiye 26:67

Yaŋ atufoŋ mefɗe aka harani, arganənək a tapaslayni, aslkərəni,

Matiye 27:26

Yaŋ Pilat appan sit Barabbas, aɗi wən nani, avərənək Yesu, apsitik avet dəkkpa'nəngən aka məzliwrihe.

Matiye 27:30

Atufoŋguk mefɗe akani, ndəɗaŋ zleŋge na vəlar nak sə van taf arganən aka kini.

Matiye 5:39

Ya naw in tat ənah sukum na: Kədamndaganən mambray ɓa. An ɗəf avərkuk a tapaslayuk dəzəŋ, akkpaŋgan sən zlaɓay.

Markus 14:65

Ɗiy meɓɓet atəŋgaŋgək ətuf mifɗe akani. Asərətənək harani, aslkərənka, yaŋ anahaŋ na: Agəɗ kəleŋ naway di? Məzugaŋ agəmənək Yesu arganənək a tapaslayən.

Markus 15:19

Arganənək aza kiyən də vəlar, atufinik mifɗe akani, akdukun takpreti, appu'oŋguk abani.

Yohanna 18:22

Adan Yesu apel wənəska, taka səret məzugaŋ dəssoŋ adak argak Yesu aka tapaslayən, dawnəh na: Vas kədawzlan sən daya net məsdəlveŋge sa?

Ibriɗe 12:2

haram sekke aka məs dətəŋ gabba ətafa gəm dədaknahani, ana Yesu, ndən məs dəppan ənnek nani, dəɓəs məzliwrihe, əzele, wili, məs dəsan aka dəzəŋ na mazaŋga na Maŋgəlva.