Isaya 50:4 - Bible en Guidar

⁴ Daya Yawe avayək hərzləmu net məzuyakaŋgə, nəsəngən va nədabbah sən ɗəf məddakən. Də mompumo pak tay əfɗahawa, tay əkol su sləmaw nəprəmgən va net məzuyakaŋgə.

Isaya 50:4 ပူးပေါင်းရင်းမြစ်များ

Ɗerewel na Yob 4:4

Əpel nok tay əsilgit ɗiy en dəskotoŋgu, is tat əpparan tilit ɗiy en dəmaslaŋgə.

Gəlyaɗe 119:147

Tak bapummo, nəkkamək nabbaha; aka əpel nok nədawgani.

Gəlyaɗe 143:8

Aprəman su əɗɗa moggon nok də mompummo ləŋgə, vi akok nədawbay vawa. Arban su tive nədaddawa, vi azok nəbay zuwa.

Gəlyaɗe 40:7

Də əzaɓ-Maŋgəlva may əvəl adannek ɓa, kəkol suwək sləmawa, kəssõh əvəl nawzla kurmbuɗuk may əzaɓ-Maŋgəlva navvuyon mambray ɓa.

Gəlyaɗe 45:2

Zu neki nawpel əpel neneke, waniyə gəlya nawɗi ki məlyã. Kəta hərzlumu dəsan zəga nawver na məskokono!

Gəlyaɗe 5:3

Azgə sləma aka nədayuk nabbaha, məlĩ nawa, Maŋgəlva nawa, vi anok nədakkomoko.

Gəlyaɗe 88:13

Kawsənni sekene nok addəv guzliyo, gəm təstəs nok aka dələv nazgət sa?

Wənməkkpaŋga 12:25

An əɗɗum tay a makra ɗəf na, awsirip zəni, əpel an moggon ənneken zəni.

Wənməkkpaŋga 15:23

Neki aza ɗəf an dəzlan aka tələn də man tusso! Əpel an dəslə də pay nan lewi sawɓa.

Wənməkkpaŋga 25:11

Va zəga na təbəz babar məbay sən gawla də meleŋge, vaski əpel an aka tələn asani.

Isaya 28:19

Pay adawtoŋ pakə, warəmkumu, vi watoŋ va təki addaŋ pakə, kapaya gəm dəfɗa. Əprəmən əpel akan kaka' na, ɗəf kpo'kpo' adawsani!

Isaya 28:9

Yaŋ ɗiy adawnahaŋ na: «Sən naway ɗəf Isaya van adaŋgla əyagan sən əsən di? Sən naway adaŋgla əprəman hənhən nan di? Sit kirin məvok met səket bide sa? Sit kirin məɓuhit səmet bide sa?

Isaya 35:5

Asna deŋgerɗe wawlaŋgə, sləmet goryomɗe wakolu.

Isaya 40:29

Tay əpsən əɓap sən ɗəf dəddakə, gbogboŋ sən mələɓayləɓayə.

Isaya 50:10

Naway suwalaŋkum məzugeslne sən Yawe di? Dəprəm ma gawla nani. Naway məs dədaw ara guzliyo, məza ndən gas təki we'we' ɓa di? Dəppan kiyən addəv iya Yawe dəges aza Maŋgəlva nani!

Isaya 54:13

Kirtuk pak wassoŋ məzuyakaŋ na Yawe, zazay net kirtuk wammbat abe abe.

Isaya 8:16

Arma wəna, aziwgin mahenziŋ aweleŋgit gewleɗ nawa.

Yeremiya 1:9

Yas Yawe atəl vani, arəŋgən mawa yas Yawe amna: Awle nəɗiyək əpel naw a moko.

Yeremiya 31:25

Vi wanəpsən iŋkile sən ɗəf an dəyə, wanəban ɗəf an dəddak pakə.

Ezekiyel 46:13

Dət ndargayãk nazva taka məza heslepe azat ɓa, kədəgən əvəl nawzla kurmbuɗuk sən Yawe va pay egili; dəmpummo pak kədaɗɗani.

Matiye 11:28

Mide azawa munokum pak məyokum də zəga gədak akokuməŋka, ya naw wanəpsukum effete.

Matiye 13:54

adan agap aka dələv nani, ayegetik ɗiy nadak addəv gəla nakkal neti hã ndəɗaŋ əggətaŋgə, aɓɗaŋ na: Səŋga arəh maɗɗulaŋ mãy sekeneɗiŋ di?

Matiye 22:46

Ɗəf tay dəzlan sən əpel tətaka ɓa, təŋ səza dəpaska ɗəf tay dəda kiyən ɗah əssohon wən ɓa.

Luka 21:15

Vi naw wanəpsukum mokum də maɗɗula an məs məzuzel nokum aɓapaŋ na əziw abokum awaniɓa əbayaŋ ma də munokum ɓa.

Luka 4:22

Ndəɗaŋ pak tay əpeleŋ moggon akani, aggətaŋgək aka əpel nan moggon dədawgilyen sə mani, aɓɗaŋ na: Ndəni wətən Yosef ɓa sa?

Yohanna 7:46

Məzugaŋ nek azlanənka: Ɗəf tay dəpel ɗah vas ɓa.

Əmsak aka Mahenziŋ 18:17

Ndəni Yawe anah su kan na: «An apeleŋgəs na təsiyi.

Əmsak aka Mahenziŋ 18:18

Məskəleŋ nədawgilgin səret milmiŋgiɗit va isi; wəpel naw nədawgul amani, an nəɗi sən wən nan adawnah siti.