Isaya 50:10 - Bible en Guidar

¹⁰ Naway suwalaŋkum məzugeslne sən Yawe di? Dəprəm ma gawla nani. Naway məs dədaw ara guzliyo, məza ndən gas təki we'we' ɓa di? Dəppan kiyən addəv iya Yawe dəges aza Maŋgəlva nani!

Isaya 50:10 ပူးပေါင်းရင်းမြစ်များ

2Samiyel 22:29

Yawe, istə lalam nawa, Yawe tay əkekeɓe' guzli nawa.

1Alabaraɗe Də Mabərkiziti 5:20

Arahaŋgək wəbbaha, mə Hagriɗe abətaŋgək ammba veti, dit en dənɗaŋ pakə, vi pay əgayəs na, akkamanənək Maŋgəlva, aprəm sitike, vi aɗiyənən əɗɗum net akani.

2Alabaraɗe Də Mabərkiziti 20:12

Maŋgəlva namə, kətaw na wən van aket ɓa sa? Vi əɓap nam tay aba dula metiŋgin məzəzzan akaməŋ ɓa. Nam mawsən an naɗɗa ɓa. Ya haram akok məziya.»

2Alabaraɗe Də Mabərkiziti 20:20

Ɗiy asilyoŋguk pum addoŋ a kapta-muyã na Tekowa. Dawtoŋ na, Yosafat le'i, amna: «Əŋga məprəmuɗa, mənokum ɗiy na Yuda dit na Yerusalem! Məppan mokrokum sən Yawe, Maŋgəlva nokum, asna, zəga tay naska wəlokum ɓa! Məppan mokrokum sit məskəleŋɗe nani, asna, wadaw ambokum!»

Ɗerewel na Yob 13:15

Dəbaywa, tay nədawga səvan ɓa. Wanəgay karban ədaw naw abani.

Ɗerewel na Yob 29:3

gala lalam nan adawkasak akawa, əkeɗeɗe nan tay əbbah su addəv guzliyo.

Gəlyaɗe 111:10

Ətəŋ na maɗɗula na, əgeslne' sən Yawe yi: məzəɗɗaŋ vas na pak aslanənək ziti. Kawgagdakani Daya hã faɗə.

Gəlyaɗe 128:1

Gəlya nawpəŋ ədda əkkam a Yerusalem. Əzaɓi aza məgeslne' sən Yawe pakə gəm məzudaw aka tive nani!

Gəlyaɗe 145:21

Maw waɗi ki Yawe, məzəmpəs pak wafet aka iya nan salala hã faɗə!

Gəlyaɗe 23:4

An in tat ədaw addəv guzli titir dayday na, nəgeslne' na sən zəga mbərayən ɓa, vi is tat də iyna; zleŋ nok də mikke nok tay əvayaŋ gbogboŋgo.

Gəlyaɗe 25:12

An ɗəf tay əgeslne' sən Yawe, nan warban sən tive an adawele.

Gəlyaɗe 25:14

Yawe tay ərban wən məɗama nan sit məzugeslne'eŋ sənəni, ndən ərban sit wənmiyna nani.

Gəlyaɗe 28:7

Yawe yi gbogboŋ nawa, baray nawa; akani makraw aziwi, nərahək əbbaha. Makraw wannek diyɗa, wanəfet akan də gəlya nawa.

Gəlyaɗe 42:11

Ma sleŋsleŋgu pak ɓalɓalə, məzuseɓɗe naw tahəŋ ərawəni ənahaŋ suwən pay pak na: «Ŋgay Maŋgəlva nok di?»

Gəlyaɗe 62:8

Aza Maŋgəlva yi əkõh də gagdak nawa. Milɓe naw an gboŋgboŋgu, təki nawɗam naw aza Maŋgəlva yi.

Məsmaɗula 12:13

Əggrak na əpele: pak aprəmka. Ageslne sən Maŋgəlva gəm aɓe' sən an apeli, vi aski wəza na ɗəf pakə.

Isaya 10:20

Pay dəpaska, en dəndəwəɗaŋ a Israyel gəm en dəkohõŋ siddivit ɗiy na Yakob, wappanən gabba ərma vet aza ɗəf an dədawvirti. Aza Daya Maŋgəlva Salala na Israyel adarmanən vet kpakə.

Isaya 12:2

Aŋki Maŋgəlva nawkõh nawa; ammbani nəbay vawa, zəga tay nawgeslnegu ɓa. Vi Yawe, Yawe yi gbogboŋ gəm gagdak nawa; ndəni məkõhguwa.

Isaya 26:9

Magenegenew tay va dəɓoh ammbok də dəfɗa, in tat əkoyok addəv əmpəs nawa gəm addəv kpukpum na makrawa. Ha'aw, an is tat ətawwən aka dəlvafuŋgu, ɗiy nagge wayaganən ədaw va an dəslə.

Isaya 42:1

Gawla naw məs nədarma van yaŋka, əwel nawi yi, in tat ənnek dəndəni, nəɗiyək əmpəs naw akani, waki ətawwən təstəs sit ɗiy naket dəlveŋge.

Isaya 50:4

Daya Yawe avayək hərzləmu net məzuyakaŋgə, nəsəngən va nədabbah sən ɗəf məddakən. Də mompumo pak tay əfɗahawa, tay əkol su sləmaw nəprəmgən va net məzuyakaŋgə.

Isaya 53:11

Səɓɓa tatwãh məs azəmə, wawla əkeɗeɗe'e, wabə. Gawla naw təstəs wakkpeŋget ɗiy diyɗa təstəs də əsən nani də əslan heslepe net akan dəvani.

Isaya 59:9

Vi vaski middergən təstəs ɓa' səzamə, təstəs agapəm ɓa. Məɗiyək əɗɗum nam aka əkeɗeɗe'e ya yaŋ təki pak guzluyo. Əga təki suwayya kəta ya ara guzli mədadawa.

Isaya 8:17

In tat əga Yawe məs dəkkpaŋgan haran faraɗa səka gəla na Yakob, ya akan nəɗi əɗɗum nawa.

Isaya 9:2

Kənzlərgitik ɗiyi Daya kəɓaygənək ənnek net metiŋgini. Tahəŋ ənnek abok va ənnek pay na mawala, va adannekeŋ də ənzla vaŋvəl də uɗak zəga mərahən səddəv əgaya.

Əɓuhma 3:2

Aɓelwək abani, adawgu ara guzliyo məza ara əkeɗeɗe ɓa.

Daniyel 3:28

Məlĩ Nabukodonozor anahək na: Gagdak aza Maŋgəlva na Sadrak, Mesak gəm na Abed-Nego, aslənək maslay nan wəkõhgit məɗɗaŋ wəza nani vi aɗiyənək wəɗɗum net akani. Dəɓe'eŋ sənən əpel na məlĩ ɓa, atafənək əvəl kiziti, appu'oŋ na aba maŋgəlva maɓɓan an neti ɓa ɓa.

Nahum 1:7

Yawe moggoni; təki nawɗam pay na tatwãhĩ. Asinik en dəɗamaŋ azani,

Sefanya 3:12

Wanəɗi ɗiy məssehẽŋɗe məddekit addəvko; wakayaŋ təki nawɗam addəv iya na Yawe.

Haggay 1:12

Ndəni Zorobabel wətən Salatiyel gəm Yosuwa wətən Yosadak daya net məsdəlveŋge də medembirgit ɗiy pakə aprəmən an Yawe Maŋgəlva net apeli, gəm əpel na məskəleŋ Hagay, va Yawe Maŋgəlva net asləna. Yas ɗiy ageslnesənən Yawe.

Malakiya 3:16

Vaski məzəgeslne' sənən Yawe adazgan meŋ a walaŋ ziti. Yas Yawe apak sləman aprəməka. An məɗɗumon tay məverin addəv ɗerewel aban aka wən net ɗiy məgeslne'eŋ sənən Yawe gəm məzəɗɗumon aka iya nani.

Yohanna 12:46

In əkeɗeɗe'e, nəde aka dələv na, vi ɗəf məs dətafu pak adawsan ara guzli ɓa.

Yohanna 8:12

Yesu apel sitik əmpa, amna: Naw intə əkeɗeɗe na dəlva. Ɗəf dəzbawa, sessel adawna arah guzli ɓa, ya warah əkeɗeɗe na zeŋgile.

Efesus 5:8

Vi lahəŋka ara guzli kənanaŋgə, ya kakaŋ na ara əkeɗeɗe kənanaŋ addəv Daya, mədaw va ɗiy nara əkeɗeɗe'e.

Ibriɗe 5:9

Adan Yesu agrak əzəmsãhã nan temtem də wəza nan pakə, akkpaŋgək afən wəkõh an faɗ viyit ɗiy məs dəprəmən man pakə.

1Piyer 5:7

Məpsən əɗɗum nokum pakə, vi tay əzga sləma akokum.

1Samiyel 30:6

Mbagən Davit gərəŋ, vi ɗiy apeleŋgik naskan dit gərmeŋge; naway pak gədəvən fiyõfiyõ aka betemit kirtit mezeŋgleket may muguluŋgiti. Vi mbəlembəle na Yawe Maŋgəlva nani, Davit asokuk zəni.