Isaya 50:1 - Bible en Guidar

¹ An Yawe anah yaŋka: Ŋgay ɗerewel nawɗak dət mokum məs nəver narban na nəppatəka di? Awaniɓa naway səmmbet məzəzbawən dəmən nəvəlkum sən di? Mula aka mambray məvəlkum. Vi əɓoŋ nokum məppat mokum.

Isaya 50:1 ပူးပေါင်းရင်းမြစ်များ

1Milyeŋge 21:25

Mərəhi ɗah ɗəf va Akab, dəppan zən sən mambray ama hara Yawe va nan ɓa, vi guluk nan Izabel təreɗe.

2Milyeŋge 17:17

Azletinik kirtit mezeŋgleket dit muguluŋgit akoffo; awlaŋgək heligi, askaŋgək pəɗe. Appanənək zit sən əɗɗa mbərayən a mahara Yawe kawdan sən gədəvni.

2Milyeŋge 4:1

Taka səret gil net məskəleŋɗe təde wəhəm sən Elisa, təmna: «Zəlu gawla nok amtəka, kəsənək gawla nok məgeslne' sən Yawe yi. Yaŋ məzəzban dəmən adek kawnde kirtu sula ka dəssoŋgən belemɗe nani.»

Nehemi 5:5

Gəɓa zəm va net milmiŋgiɗmi yi; kirtiti va kirtiməŋgə. Yaŋkəŋ na, nam mənam kan əppet kirtəm mezeŋgleket dit muguluŋgit va belemɗe; tahəŋ dəkkpaŋgaŋ belemɗe səkay səret kirtəm muguluŋgiti, ya kuket tay avam ɓa, gulyeŋge nam dit megezlembirkeɗ nam pak akkpaŋgaŋgək net ɗiyi!»

Ester 7:4

Vi in dit ɗiy naw pak məvəlmi yi kawbaymə, kawzam kakãhə. Va ka belemɗe kaka' məvələm zel dit gil van na, kəta nəpel na ɓa. Vi tatwãh as dəgap gala nawyan məlĩ aka wən nan ɓa.»

Gəlyaɗe 44:12

Is tat əkkpaŋgam va gilew nampəra; kətəraygəmək aret ɗiy-ɗarə.

Əgilye 21:7

«An ɗəf avəltək wətən ka balamkə, nat təgil na va belemɗe mezeŋgleket adawgilyoŋ ɓa.

Isaya 1:28

Ya əzay viyit ɗiy məɓoŋti gəm məs mambrayɗe, wəgrak net ɗiy en dəzganən Yawe yi.

Isaya 27:8

Atawək wən aket də əɓɓihti, də əgilgiti. Aɓɓehik də səmyã nan kituw-kituw pay səmyã nammba pay nampum adaɓla.

Isaya 43:27

Afuk agəɗək mambraya; maslənɗe nok atemeŋgik akawa.

Isaya 46:8

Məɗɗum akani, məziw ɓəlɓələ, məzaɓan sə mokrokum, mənokum məɓoŋkum.

Isaya 52:3

Vi vaŋki Yawe anahə: «Məvəlkumi na mekeleŋ; ya kawmõhkumi məza təbəz babar ɓa.»

Isaya 54:6

Gala Yawe ayuk na, is tat va guluk məppata, məs maɗɗulat azlzlaɓə. Maŋgəlva nok amna: Ɗəf wappat guluk na gawla nan sa?

Isaya 54:7

Addəv pay siɗikke, nəppokuko, ya wanətafuk də ulasahã akok diyɗa.

Isaya 58:1

Akol wəlok ayə, kəɓətgən gozloro ɓa, aslan wəloko. Arban əɓoŋ net ɗiy nawa, arban mambray net ɗiy na Yakob.

Isaya 64:6

Ɗəf tay nawya iya nok ɓa, tay nawsilye kadder azok ɓa. Vi kəɓoŋguk dawləmə, kəppamək əskot addəvit heslepeɗe namə.

Yeremiya 3:1

Yawe aɗiyman na: An ɗəf appatək guluk nani yas təgili təkkpaŋ ga ɗəf mbərni, wamsak əgəmət ka gon əmpa sa? As waraygən dələv tipi. Mbaraka nok na, kəgəɗək əku dit gəreŋgiɗuk diyɗa, kawmilyok anawda sa?

Yeremiya 3:8

Nulak va nəzgan Israyel məppan Maŋgəlva, va nuɗak dəndən dapsən ɗerewel nawɗaka vi agəɗ polkoyo. Də as pak na Yuda məgəɗ mbərayən məlmən dəgeslne ɓa. Ambatək əɗɗa polkoyo tamə.

Yeremiya 4:18

Wədaw noko gəm wəza nok dəkinən zəgas pak akoko, əray dəde akoko gesiŋ is tat əttəman tatwãha, gesiŋ tay ətoŋ suk təɗək hã a mokroko.

Hose'a 4:5

Wakətaŋgbãy də kapaya, məskəleŋ na nok da pak wataŋgbay də dəfɗa; wanəzat mok faɗə.

Məsdəlveŋge 25:39

An məlmuk mə Ibriɗ na maŋgovok akkpaŋgək məssahã, yaŋ avəl kiyzən suko, kədappan dəgəɗgən wəza na balam ɓa;

Matiye 18:25

Adan ɗəf van tay də zəga nawfaɗ dəmən nan ɓa, daya net aɗi wən nan dəvəlningəni. Ndəni dət ɗak nani gəm kirtin pak kawfaɗ dəmən nani.

Əmsak aka Mahenziŋ 32:30

Mbarmbar ɗəf taka adawɓap ərɓehet ɗiy gabal di? May ɗiy sula, adarɓehetin ɗiy gabal kəlaw məza Yawe Milɓe net dəvil dipsit avet məzuzelɗe net ɓa di?