Isaya 5:6 - Bible en Guidar

⁶ Wanəzan pakə: kakrawni kivan ɓa, kanseni ɓa; gedirge dit tintifɗe waɓayaŋ addəvən, wanətak slaybuwən dawzi buwən adaka.

Isaya 5:6 ပူးပေါင်းရင်းမြစ်များ

1Milyeŋge 17:1

Eliya, mə Tisbe naret ɗiy na Galad aɓsən Akab na: «Va Yawe Maŋgəlva na Israyel məs nədawziw abanəŋ asan madarani, in tat ənaha: Wəzvaɗe dədazzoŋ iŋki, minɗe aziyaŋ na ɓa, buwən azi na ɓa'a, an in nənah ɓa ɓa.»

1Milyeŋge 8:35

Pay təki na disiŋ adampa, buwən tay ɓa, vi ɗiy aɗɗaŋgək mambray akoko, an aziyənək heret dəka təkiyəŋ kakkama, an aɗiynənək kiyko, appannək mambray net vi kərbə sitik wili,

Ɗerewel na Yob 31:40

asna, a gəla haykəmari, tintif digili, a gəla haykəmari dadabya, bergezleŋ digili, əpel na Yob agraka.

Wənməkkpaŋga 24:31

Nərəh na, pak gedirgeɗiŋ kaka'ə, degirgeɗ asərnəkənək pak, məbzluni mambara mərket dit gərmeŋge.

Isaya 24:12

An dəpəl a walaŋgəla-metiŋgin na əray yi gəm əza, metive nan məbzluwni.

Isaya 30:23

Daya wapsuk buwən vi zeŋve an kəzlək afuŋgu, dəlvafuŋ wawə suk zəga nawzəm diyɗa. Pay dəpaska, zəga mamayã nok warah təki nawtaɗ fiktuwi.

Isaya 32:10

Addəv wəzva də siɗikke abeŋ na, wakəkkereŋgi mənokum məzulanən zukum, wakəɗɗumoŋgu, vi əhor megezlembirke agrakka, zəga tay nakkal əmpa ɓa.

Isaya 49:19

Dələv məɓzluwən məpiweni gəm mərayguk kənani. Wakəsok russo kakaŋ viyit ɗiy nani, ɗiy məzuzokun waddoŋ faraɗa.

Isaya 55:13

Wəleŋɗe lelewɗe waɓayaŋ a gəlet gedirgeɗi, a gəlet tintifɗe, wəleŋɗe məs məŋginit neki. Wasan zəga na sləma vi Yawe gəm zəga narba an faɗ məs azə na ɓa.

Isaya 7:19

Wazzongu, wassoŋ pak a təki məpəlayya məs iŋkile akeren dawdawa gəm addəv poporit gərmeŋge, addivit geslembeɗ məs degirge azet pakə də a təki nawsa iŋkile net zəgeɗ pakə.

Yeremiya 14:1

Əpel na Yawe sən Yeremiya aka wən na koloy.

Yeremiya 14:22

Səweleŋgit meŋgilvet net ɗiy-ɗar vet na tay məs nawɓap əzi buwən sa? Awaniɓa disiŋ dədawki buwən sa? Nam na is Yawe Maŋgəlva nam məs məɗi əɗɗum nam akok tə ɓa sa? Vi istə kəɗɗe zəgeɗis pakə.

Yeremiya 25:11

Dələvəŋ pak wakkpaŋ kiməski muyã ɗarə, ɗiy naka dəlvəŋ waɗɗaŋ wəza sən məlĩ na Babilon əzva kaklaw buhul.

Yeremiya 45:4

An kədawnah sən yaŋka, aŋki Yawe anahə: In tat əɓzlu an nərkə in tat əptu an nəmpə; səka dələv dəwənnani.

Əɓuhma 2:6

Va mambara na guli net wəleŋɗe ator zlava nani, abzluwək təki nalma nan də mənamə. Araygənək təki nakkal nani. Yawe aɗɗak ka ɗiy dəzgətaŋgən ki pay na wəzləra gəm pay naffet a Siyon. Addəv ədagədəv nan na, arbəsənək wil sən məlĩ də məsdələv pakə.

Hose'a 3:4

Vi mə Israyelɗe wassoŋ əzva diyɗa məza məlĩ ɓa, məza ɗəf daya ɓa, məza əzaɓ-Maŋgəlva ɓa, məza serek ɓa, məza lukut na wəza na daya net məsdəlveŋge ɓa may terafim ɓa.

Hose'a 9:6

Yeŋ anzoŋguk sən əraya, Eziptə wakkeleti, Memfis wandike. Ŋzewɗe wataknən arya na sləma neti, tintif watak gizlirkeɗe neti.

Yo'el 1:7

Tay əɗi guli na megezlembirke naw ka kapta-muyã, abəletik sokoyeɗ nawa. Aproɗike, ndən ndol əndolit afuŋ, kiyvet kpaŋ ofrohu.

Amos 4:7

Nəzləkumək də buwən təla hoku tak mawala. Nəziyək buwən aka walaŋgəla-metiŋ, nəzi aka walaŋgəla-metiŋ maɓɓan ɓa. Guli mbərən arahək buna, guli maɓɓan buwən dəzi akan ɓa, tay əkla.

Luka 21:24

Waskotoŋ ama masalam, karmeti a fərsəna aket dəlveŋge net ɗiy-ɗar pakə. Ɗiy ɗar wandapanən Yerusalem hã gap pay net ɗiy-ɗar toŋgu.

Əmsak aka Mahenziŋ 29:23

Ɗiy na guw gboŋ pak wanahaŋ na: «Vimi Yawe agəɗ sən dəlvəŋ vaŋ di? Vimi aki herɗe akan gbaŋ di?»

Hənhən 11:6

Net tahəŋ də gagdak namsan ma disiŋ, buwən adawzi kof aka pay məs kəleŋ net atak ɓa. Tahəŋ də gagdak nakkpeŋget iŋkile ka mbeli gəm narga dəlvafuŋ dit gəbayɗe təl ɓəɓay gba va aŋglaŋgə.