Isaya 5:25 - Bible en Guidar

²⁵ Vini Yawe arban ədagədəv nan aket ɗiy nani aslanək van aketi, argeke. Mossorgoɗe gugriɗ akkereŋke; mogogoy net kporu aket tiveɗi. Də as pak ədagədəv nan awɓəta ɓa'a, van tay təlla.

Isaya 5:25 ပူးပေါင်းရင်းမြစ်များ

1Milyeŋge 14:11

Ɗəf neŋgil ana Yerobo'am da dədamta a walaŋgəla-metiŋgin pak kirɗe dədampərnəni; an dədamta awra pak biŋgeɗ na disiŋ dədawzəməni, vi Yawe dənah vaska.”»

1Milyeŋge 16:4

Ɗəf neŋgil ana Ba'esa da dədamta a walaŋgəla-metiŋ pak kirɗe dədampərnəni; an dədamta awra pak biŋgeɗ na disiŋ dədawzəməni.»

1Milyeŋge 21:24

Ɗəf neŋgil ana Akab da dədamta a walaŋgəla-metiŋgin pak kirɗe dədampirnini; an dədamta awra pak biŋgeɗ na disiŋ dədawzəməni.»

2Milyeŋge 13:3

Gədəv Yawe adək aka Israyel diyɗa, appanək ammba va Hazayel məlĩ na Aram gəm ammba va Ben-Hadad, wətən Hazayel pay pakə.

2Milyeŋge 9:37

kigəbayət Izabel wakkpaŋ ba'ar addəv guli na Yizrel, kawɓapi ənəh na: akəŋ Izabel tə ɓa.»

2Alabaraɗe Də Mabərkiziti 36:16

Yaŋ adasmaygitin maslənɗe na Maŋgəlva neki, adawzelenən əpel nani, adawmasaŋ aket maslənɗe nan neki, hã herɗe na Yawe prik aket ɗiy nani, kpaŋ mihã net tay ɓa.

Ɗerewel na Yob 9:13

An Maŋgəlva adək gədəv na, awbewgin ɓa, məbbahaŋ sən Rahab arbaŋgək wil abani.

Gəlyaɗe 106:40

Yawe akiyək herɗe aket ɗiy nani, azelik ɗiy nawray nani.

Gəlyaɗe 114:7

Dəlvafuŋ, akker aba Yawe, aba Maŋgəlva na Yakob,

Gəlyaɗe 18:7

Addəv tatwãh nawa, nəyak Yawe, yaŋ nəhəm sən Maŋgəlva nawa. Aprəmək wəlaw səddəv gəla nani; əhəm nəhəm sən agapək a sləmani.

Gəlyaɗe 68:8

Maŋgəlva gala kəgil abet ɗiy noko, gala kədaw abet a kapta-muyã, Əziwe

Gəlyaɗe 77:18

Slaybuwən ametik iŋkile nani, maŋgalaw ahãyka, herɗe nok dayday tahəŋ telven-telveni.

Gəlyaɗe 78:38

Adan nan muwəl sasãhĩ yi, tay əvvuyon heslepe neti, awzet ɓa. Pay pak tay ərma makrani, awsilgin herɗe nan ɓa,

Gəlyaɗe 83:10

Agəɗ sit va sən Madiyan, sən Sisera, gəm Yabin a lolohõ na Kison.

Əgilye 7:19

Yawe aɓsən Moyis na: «Anah sən Aron na: Agəm zleŋge noko, aslan vok aket iŋkile na Eziptə, aket lolohẽɗi, məŋkparɗe neti, gəm bobokɗe, a təki iŋkile assoŋ pakə; wakkpaŋgaŋ mbeli! Mbel wassoŋ aka dələv na Eziptə pakə, naddəvit hiŋgiɗ na wəlaŋga, va en naddəvit mesteɓeɗ net gərmeŋɗe!»

Isaya 10:4

An dəmmbər na, ndəni əɓe' aret məfərsəneɗi, gəm əskot aret ɗiy məbeyti. Də as pak zlaŋ na, dəppan ədagədəv nan ɓa, van tay təlla aka ərga.

Isaya 10:6

Wanəslən aket ɗiy mbəreyit ɗarə. Wanəɗi sən wən dəlgən aket ɗiy en məs gədəvu adawda aketi, vi dəmõhetgini dəɗɗagən popoho aketi, gəm dəndepetgin va adawndapan dələv aka tive.

Isaya 14:19

Ya nok na, məzgoki səddəv magamas nok appaka, va daway məlotən məs ɗəf aŋgla kawlan ɓa, dohoŋ ammbet ɗiy məbeyti məmbokit də masalamə. Məzget aket gərmeŋge addəv vovu va kigəbay məndapani.

Isaya 23:11

Va Daya tay təlla aka pehe, ageslnegitik milyeŋge, aɗiyək wən nan sən Kana'an dəzergitgin korguɗe nani.

Isaya 25:11

Mo'ab van waɓlan vani, va məzəŋkor adaɓlan van daŋkoro. Va adawgay kawkohəs pak Daya wazan əkaɓ nani.

Isaya 29:2

Wanəsər ma Ariyel. Ənɗəs də əhəm dədawsan addəvən, wasan su va Ariyel, va ənah na gazway napsa slu aka təki nawzaɓ-Maŋgəlva.

Isaya 42:25

Ndəni aggbo' ədagədəv nan gəm gəgay nawgay aketi. Aɗisənək offo kiyit suləkə, ya dəsənən ɓa; azleke, ya dəɗinən aket ɓa.

Isaya 51:20

Kirtuk askotoŋko, tahəŋ məvoŋgit aket tiveɗ va musa aka mazzaɗə, attəmanənək ədagədəv na Yawe əhãy na Maŋgəlva noko.

Isaya 64:3

Məprəmni ɗah ɓa sləma ɗəf dəprəm ɗah ɓa hara ɗəf dula ɗah na maŋgəlva maɓɓan mə bal suk tay dəgəɗ vas sit məs dəɗiyənən əɗɗum net akan ɓa.

Isaya 66:15

Vi Yawe yaŋ əzzan addəv offo, mawteŋɗe net pilseŋge nan tahəŋ va barkataŋɗe. Waki gagay na ədagədəv nani kawhãy addəv hərzlum offo.

Isaya 66:24

Wagilyoŋ vi kawla kigəbeyit ɗiy məs dətemeŋ akawa. Tava məs dəzime amtə na ɓa, offo net amtə na ɓa. Wassoŋ ka zəga daryaw viyit ɗiy pakə.

Isaya 9:11

Səmmba pay nampum Aram, səmmba pay na moskoyo mə Filistiɗe. Wazəmən Israyel hã met zlovroŋ zlovroŋgu. Də as pak zlaŋ na, dəppan ədagədəv nan ɓa, van tay təlla aka ərga.

Isaya 9:16

Vini kan Daya annek na dit kirin gewleɗ nadak ɓa, awəl na sãhã aket mitiweɗ gəm gil net gəbayɗe ɓa. Vi mə ɗarɗarən pakə məɗɗaŋ mbəraynəŋgə; an adawpeleŋ pak wən ɗari. Də as pak dəppan ədagədəv nan ɓa, van tay təlla aka ərga.

Isaya 9:17

Vi daraw arma offo va gedirge də tintif, məzərma offo əkan addivit wəleŋɗe ŋgərəɓə gəm kawpeŋgit enene tirliŋtirliŋ a disiŋ.

Isaya 9:20

Manase əmpər Efrayim Efrayim tamə əmpər Manase, ndəɗaŋ sulegit sap a Yuda. Də as pak dəppan ədagədəv nan ɓa, van tay təlla aka ərga.

Yeremiya 15:3

Tatwãhɗe temtem poɗo nədataw aketi Yawe aɗiymani; masalam wabileti, kirɗe wakdehnin ɓa'ə, mogdokɗe gəm zəgeɗ nawra wazlornin gəm wampirini tutu'u.

Yeremiya 16:4

Əmta damtaŋ sit gbəgbaɗe, kaɗɗay gəlabeyit ɓa, kawndikti ɓa. Wakkpaŋgaŋ ka ba'ar aka dəlvafuŋ. Waggrakaŋ ama masalam gəm sən mayã, kiygəbay net wasan zəga nawzəm net biŋgeɗ na disiŋ gəm zəgeɗ nawra.

Yeremiya 17:4

Is sən kiyuk wakəppan dələv nok məs nəpsuko. Wanəkkpoŋgok balam net məzuzelɗe nok aka dələv məs kəsən ɓa. Vi kəsɗanənək offo na ədagədəv nawa, wasan gidigidi hã faɗə.

Yeremiya 4:24

Nulek mossorgoɗe gugriɗe aɓlaŋka, mossorgoɗe tahəŋ geŋgeɗgeŋgeɗi.

Yeremiya 4:8

Vi askəska, məgul lukut na gəlabaya, məhəmə, mənɗəsə, vi offo nawdagədəv na Yawe dəffet səkam ɓa.

Yeremiya 6:12

Gəla net wakkpaŋ ka net ɗiy mbirti, gəm guli net sap dit gil neti'e. Vi wanətəl vaw aket ɗiy naka dəlvəŋka Yawe aɗiymani.

Yeremiya 8:2

Kaweɗti ara paya, ara təla gəm gərzleɗ na disiŋ, zəgeɗis pak məs aŋglaŋgəs, məs aɗɗaŋ sitin wəza, məs azbaŋgə, məs askaŋ helik azeti, məs appu'oŋ abeti; net kakkeleti kawndikit ɓa, wakkpaŋgaŋ ka ba'ar aka dəlvafuŋ.

Yeremiya 9:22

Vaŋki Yawe anahə: Məs maɗɗula akan adawkaɓ də maɗɗula nan ɓa! Məs gbogboŋ adawkaɓ də gbogboŋ nan ɓa! Məsarya adawkaɓ də arya nan ɓa!

Əɓuhma 5:22

Wəzga kəzgam wã' sa? Meŋge na ədagədəv nok akam tay ɓa sa?

Ezekiyel 15:6

«Vini kan na, Daya Yawe anah vaŋka: Va nəɗi wəlaŋ megezlembirke na waleŋgit wəleŋɗe naddesl muyã akoffo, vaski nədawzle ɗiy na Yerusalem.

Ezekiyel 30:25

Wanəɓɓəlan va məlĩ na Babilon, va Farawən wabətə. Vasna wasənnən na, intə Yawe, pay nədapsən masalam naw ava məlĩ na Babilon, watəl aka dələv na Eziptə.

Ezekiyel 6:14

Wanəslan vaw aketi, wanəkkpaŋgan dələv a təki assoŋ də gəla pak məraygən gəm va məzlan təŋ sə kapta-muyã hã gap a Dibla. Asna wasənnən na, intə Yawe.»

Daniyel 9:16

Daya, ammba wəza təstəs noko, kamə appan ədagədəv dit herɗe nok səka walaŋgəla-metiŋ na Yerusalem vi mossorgo salala noki. Vi mambray namə gəm heslepe net efiŋgiɗmə, Yerusalem dit ɗiy nok akkpaŋgək zəga nawra net ɗiy en dəssoŋ kiyəm tərwəsl pakə.

Hose'a 14:4

Asiri aɓap na kawkõhgəm ɓa, məpeŋ na aka pələs ɓa gəm wamənah əmpa na “Maŋgəlva namə” sən an məgəɗ də vam ɓa, vi azoki mitiwe adawrəh ula sasãh kaka'ə!»

Amos 8:8

Vi aski kan dələv adaɓla, ɗiy nakan pak wassoŋ a gəlabaya. Dələv waslan zən bayman va təki babara, wa'ofkoku siske na, ndən kamsak əsan afuŋ va Nil a Eziptə paysən aknahə.

Mika 1:4

Mossorgoɗe gugriɗ tay əlyuɓoŋ ammba təlni walaŋɗe tay əpɗakaŋ va timbe akoffo va iŋkile darɓəzlaŋ səka mossorgo metiŋ.

Nahum 1:5

Aɓletik mossorgoɗe gugriɗe, mossorgoɗe tahəŋ uwwereŋgi. Dələv aɓələk abani, gəm dəlvafuŋ dit zəgeɗ nakan pakə.

Habakuk 3:10

Mossorgoɗe gugriɗ awlukunko: tahəŋ əkkereŋgi. Buwən aziyək zlir atoŋko, pehe tay əbay gagay, asilgitik vovolumɗe hã disiŋ.

Sefanya 1:17

Wanəki tatwãh aka ɗəf titire, wadawaŋ va daŋgarɗe, vi aɗɗaŋgək mambray aka Yawe. Mbelit waggbo'oŋ va burɗuku, ki gəbeyit va pəlwa.

Əmsak aka Mahenziŋ 31:17

Makraw wassaw aket pay nani. Wanəppeti, wanəktuh dəɓaw səzeti. Kawzeti; wəray də wəzəmsahã diyɗa warəhe. Wanahaŋ pay nan na: “Vi Maŋgəlva nam tay də mənam ɓaŋki əray ade akaməŋka.”

Əmsak aka Mahenziŋ 31:18

Pay nan dəpas na, dəɓaw nədaktuh səzeti, vi mambray aɗɗaŋ pakə, azbetin meŋgilveɗ meɓɓeti.

1Tesaloniki 2:16

Atakmənək dawpel sit ɗiy-ɗar wən na Maŋgəlva məs nawkõhgiti, vi kaknahanən mambray net məs adaɗɗaŋ pay pakə, ya əgrak nan na, ədagədəv na Maŋgəlva atehik aketi.

Hənhən 20:11

Yaŋ nula mazaŋga babar na məlyã də ɗəf məs dəsan akani. Dəlvafuŋ də disiŋ tahəŋ wənzoŋ sənəni, kawleti ɗah əmpa ɓa.