Isaya 5:17 - Bible en Guidar

¹⁷ Kirtit timeŋgiɗ wataɗan addəv wəɓzla nan va təki nawtaɗ neti, gilew məzgileɗi, warahaŋ an nawtaɗ adaka.

Isaya 5:17 ပူးပေါင်းရင်းမြစ်များ

Nehemi 9:37

Zəga na mabardaw naddəvən gbaŋkəŋ na, net milyeŋge məs kəɗi akami sən wən na mambray namə; tahəŋ əzəmaŋ məlĩ va aŋglaŋ akamə gəm aka zəga mamayã namə. Addəv əzəmsahã diyɗa mənani.

Gəlyaɗe 119:70

Mekret aleŋgək va səlhã; naw in tat ənneken zu də mahenziŋ noko.

Gəlyaɗe 17:10

Mekret awla sahã ɓa, met tay əpel nawkuwa.

Gəlyaɗe 17:14

Yawe azet sə weleŋgit ɗiy də voko, səret ɗiy gəm səka dəlva, haran net yaŋ addəv ənziyaŋka! An dəpəl suk na, azlər sit əzəmsahã addəvti! Kirtit dəbaŋgəni, dəppaŋgən madambərgən tam sit kirtiti.

Gəlyaɗe 73:7

Mikirit, heret pəhpəhə, an adaɗɗumoŋ a makret adayək kiyit meŋge.

Isaya 1:7

Dələv nokum tay addəv tatwãha, walaŋgəleɗe nokum məzletiŋgə. Məzuzelkumən tahəŋ əraygənən dələv nokum a ma horokum; əzəmsahã yi va kəɓəs na məzuzel dugulo.

Isaya 10:16

Vini Daya Maŋgəlva, Məzuɓappak adawslən wətar aket ɗiy məkirit vetiski, a gəla gagdak neti, offo warəm va aka gəla.

Isaya 17:2

Məzgeti walaŋgəleɗe na Aro'er teki nawtaɗ net zəgeɗ memeyẽɗi adassoŋgu wassoŋ adak məza ɗəf əfeyẽt ɓa.

Isaya 32:14

Ɗiy wappanən kigəla na məlyã, walaŋgəla məs vanday addəvən wasan sləɓəkə, kigəla Ofel gəm gəla nawga assoŋguk ka təki ɗar faɗə, a təki korɗe nawra adawrahən ziti gəm təki nawtaɗ net wasliɗe.

Isaya 40:11

Wataɗ gazlaŋ nan va məzutaɗa adawtaɗ gazlaŋ nani, waslet kirit timeŋgiɗ də vani, wambu' a makrani. Walmet timeŋgiɗ məzəweɗgitin kirtit də maɗɗula.

Isaya 65:10

Viyit ɗiy naw məs dəzzoŋ azawa, Saron wakkpaŋ təki nataɗ net gilewi, walaŋ na Akor tamə, gazlaŋ net wasliɗe.

Isaya 7:25

Mossorgoɗe gugriɗ məs ɗəf adanse də bardaw pak kawɓapi əmbat adak ɓa, sən geslne sit tintifɗe gəm gedirgeɗi. Kappeti wasliɗe dit gilew dəndepetingini.

Yeremiya 5:28

mikirit lokoɗok lokoɗoku. Akkaɗaŋgək ki meŋge na mambraya. Aɗɗaŋ zəga təstəs ɓa, azgaŋ sləma aka mitiwe ɓa, tay əɓayaŋ addəv əraha. Abbahaŋ sənən məzuray ɓa.

Əɓuhma 5:2

Məpsiti arya nawray nam sit ɗiy-ɗarə, ya gəleɗe namə, sit ɗiy-ɗarə.

Hose'a 4:16

Va wasli məɓoŋni, vaski Israyel aɓoŋgu. Kakaŋ kan na, Yawe dəlgən ətaɗən awra va time.

Hose'a 8:7

Vi səmyã adazlgaŋgə, barkataŋ adakkalanəni. Haykəmari net apok na ɓa, an apokko, agəɗ na gəpa ɓa, ya an agəɗək gəpa, molhõyẽɗ dədawzəməni.

Mika 2:12

Wanəkkolokum gərak mənokum ɗiy na Yakob, wanəkkelet mə Israyelɗe dəppaŋ medereti. Wanəsopokum va gilew a gazlaŋ va wasli a mawtaɗa. Wakəssoŋ ɗiy məɗɗaŋ hoyohoyo.

Sefanya 2:14

addəvni zəgeɗ memeyẽɗ adawvoŋgoŋgu, zenvit zəgeɗ memeyẽɗ temtemi: aŋkarguzlo, tovvo dayday wavoŋ addəvit daŋgbargeɗ nani, kaprəmi əhəm na gbuzlu ama təkifoŋgo naza gəla. Təŋ sə maddamba ɗəf adawla əraya, kaptiwti gbuŋgburit muguguleɗ na Liban.

Sefanya 2:6

Dələv nok na ma məlpa wakkpaŋ ka təki nawtaɗa, ka təki nawtoŋ net məzuteɗeŋge dit gazlaŋɗe net timeŋgiɗ neti.

Luka 21:24

Waskotoŋ ama masalam, karmeti a fərsəna aket dəlveŋge net ɗiy-ɗar pakə. Ɗiy ɗar wandapanən Yerusalem hã gap pay net ɗiy-ɗar toŋgu.

Əmsak aka Mahenziŋ 28:33

Zəgeɗ na mabardaw nok də iya nok pak ɗiy meɓɓet məs kəsin ɓa dədawzimini, ɗiy wazəmgukun sahã də wəsər mok pay pakə.

Əmsak aka Mahenziŋ 32:15

Yakob abəka, azəmka; Yesurun asilik ɗoɗloy; akərka, aɗiyək səlhã, ɗiklik ɗikliki azganək Maŋgəlva məs dəzəməɗa, arbə sənək wil sən Milɓe, wəkõh nani.