Isaya 49:8 - Bible en Guidar

⁸ An Yawe anah yaŋka: Pay na ulasahã, nəprəmək əkkam noko; pay na əkõho nəbbah sukko. Nəgukuko, nəɗikuk ta' kəsokgən wənmiyna net ɗiy nawsilgən dəlva nawɗak hara dələv məs dərayəŋka.

Isaya 49:8 ပူးပေါင်းရင်းမြစ်များ

2Samiyel 7:13

Ndəni narkə su Gəla aka iya nawa, naw wanəsɓan mazaŋga na məlĩ nan ka faɗə.

Gəlyaɗe 2:8

Assohõwa, wanipsuk ɗiy-ɗar ka nawzəmgəla, mammba dələv gboŋ wasan ka noko.

Gəlyaɗe 69:13

Ɗiy a meŋgle ɗewɗew əpeleŋ wən akawa, nəkkpaŋgək va zəga na gəlya net məsaŋ mbazla.

Gəlyaɗe 75:3

An nəŋgəɗək va, naw təstəs nədawtawwəna.

Isaya 26:3

Daya də zuk soksok kədazga sləma aka zay na ɗəf məs makran barə, vi appanək kizən suko.

Isaya 27:3

In Yawe tə, məga nani. In tat əzi sən iŋkile də pay nani, dəfəɗ də kapaya, in tat əgan vi kawtak ɗəf dawraygəni.

Isaya 41:10

Kəgeslne ɓa, vi in tat də isi. Kədassok horok kilili ɓa, vi intə Maŋgəlva noko, nəsɓokuko, ha'aw, nədek kabbah suko, wanəpa'uk də va dəzəŋ na təstəs nawa.

Isaya 42:1

Gawla naw məs nədarma van yaŋka, əwel nawi yi, in tat ənnek dəndəni, nəɗiyək əmpəs naw akani, waki ətawwən təstəs sit ɗiy naket dəlveŋge.

Isaya 42:6

Intə Yawe, nəyuk na addəv təstəs nawi yi. Nərmak voko, nəgukko, nəɗiykuk kəssokgən wənmiyna sit ɗiy nawa əkeɗeɗe net ɗiy naket dəlveŋge.

Isaya 44:26

Nəziwik aka əpel na gawla nawa, nəɗɗak an maslənɗe naw aɗɗumongu. Nənahək na Yerusalem na: Waknah dit ɗiyi. Walaŋgəleɗe gugriɗ na Yuda na: karketi yi. Kawsilgini əɓzla nani.

Isaya 49:19

Dələv məɓzluwən məpiweni gəm mərayguk kənani. Wakəsok russo kakaŋ viyit ɗiy nani, ɗiy məzuzokun waddoŋ faraɗa.

Isaya 51:16

Nəɗiyək əpel naw a moko, nəɗupuk vaw akoko, nəpakək disiŋ, nəzəməɗek dəlvafuŋgu, nənah sitik ɗiy dəssoŋ a Siyon na: Mənokumtə ɗiy nawa.

Isaya 51:3

Vi Yawe waffeten makra Siyon, awələk sahã aka wəɓzla nan pakə. Wakkpaŋgan kapta-muya nan va Eden gəm muyã nan va guli net wəleŋɗe na Yawe waknah də inyã inyã gəm də wənneke əlva gəm gəlyanalva.

Isaya 54:3

Vi kəlaka zlaɓay gəm dəka dəzəŋ kədazlzleten zuko; kirtuk wazəmən dələv net ɗiy-ɗarə, waknahin walaŋgəleɗe gugriɗ nok məs ɗiy tahəŋ addivit ɓa.

Isaya 55:6

Məkayan Yawe pay nawrahən, mətəl mokum azan aka tay gu'o.

Isaya 57:13

Pay kədawhəm sit sap net meŋgilveɗ nok dəkõhgukuni Səmyã waslet pakə, kitiwkitiw nan waddergiti. Ya məs dəɗi əɗɗum nan akawa dələv wasan ka nani, wazəm gəla aza mossorgo naw salala.

Isaya 58:12

Asna warkanən kiyməskiɗe nok en farfarə, wakərka aket gebbet gəleɗe en ɗiy farfar aɗiyaŋgə. Kawyuki na: Məzuzaɓan zə gəla məɓluni məzeɓet tiveɗ ka gəleɗe dəmpaŋgəni.

Isaya 58:5

Vaski əɗɗa meme nəŋgəl adawsan sa? Aski əɓegeŋ kiykum sa? Mənokum tat ədoɗ kiykum va eflere, mənokum tat əgul lukut na gəlabaya, gəm əvoŋ aka moŋglo, gesiŋ aski kədawtəlaŋ ma əɗɗa meme, pay an dəslə sən Yaweŋ sa?

Isaya 61:2

vi kawtəl ma aka wəzva na moggon na Yawe gəm aka pay nampəlkiya na Maŋgəlva namə, vi kaffeten mekkret ɗiy məzuɗəkaŋgə,

Isaya 61:4

Wasilgitin kiməskiɗe en farə, wasilgitin gəleɗe məbzliwit net ɗiy en daabəŋ. Wasilgitin walaŋgəleɗe məraygiti, məbzliwit far hoŋhoŋgu. Məs dəbzlaŋ farə, məs dəkrapaŋ maddaabeŋ Warkanən walaŋgəla-metiŋgini məs məbzluwən farə.

Isaya 65:9

Wanəpsən uwa sən Yakob. Mossorgoɗe naw wassoŋ ka na Yuda, dələv wasan sit ɗiy məwelit nawa, məɗɗaŋ wəza naw wassoŋ adaka.

Matiye 26:28

Vi eŋ mbel zuwəŋ, mbel na wənmiyna, məs dəggbo'oŋ viyit ɗiy diyɗa, vi kavvuyeɗ mambrayɗe.

2Korintus 6:2

Vi anahək na: Pay an dəslə, nəzlan sukko. Pay nawkõho, nərmak voko. Ya kakaŋki pay an dəslə kpakə, kakaŋki pay nawkohõ.

Efesus 1:6

Ka məɗigən ki gagdak na mbəlembəle nan məs aknəhəm dəndən də Wətən an na makrani.

Ibriɗe 12:24

gəm aza Yesu metive na wənmiyna meleketeni, gəm azet mbel naksu' dədawpeleŋ daykiyit en na Abel əmpa.

Ibriɗe 5:7

Aka Yesu adawsan egge, akkamanək Maŋgəlva nawɓap əkõhgən səma əmta də əɓuhman dayadaya dit sini. Maŋgəlva aprəmək əkkam nani vi aɓe'gənək ki zəni.

Ibriɗe 8:6

Ya kakaŋ na, wəza an dəday pelepele məpsən Yesu, vi metive na wənmiyna an moggon day yi, məs dəziw aka iyna ma an moggon dayi.