Isaya 49:7 - Bible en Guidar

⁷ Vaŋki Yawe Salala məzubit Israyel adawpel sən ɗəf məzeleni məs ɗiy adawlaŋ va zəga ɗarə, sən balam net məsdarawɗe: Milyeŋge wawlanni, wasilyoŋgu, ɗiy gugriɗ wappu'oŋ aka wən na moggon na Yawe Salala na Israyel məs dəwelko.

Isaya 49:7 ပူးပေါင်းရင်းမြစ်များ

Va'Atəŋ 27:29

Ɗiy meɓɓet dəɗɗaŋ sukun wəza, vandayɗe net ɗiy dəppu'oŋ aboko! Asok məlĩ aket milmiŋgiɗko, kirtət mok dəppu'oŋ aboko! Wəray dəsan aka məzurayguko, əzaɓ dəsan aka məzuzoɓoko!»

Gəlyaɗe 47:9

Maŋgəlva tay əzəm məlĩ aket ɗiy-ɗarə, Maŋgəlva tay ɗewwe aka mazaŋga nan salala.

Gəlyaɗe 68:31

ahãyãn zəga mamayã səddəvit vəlarɗe, ngaɓa net medgeɗgeɗe dit en net kirit wasliɗe net ɗiy-ɗarə, məɗɗaŋ sukun kupkup dit deleɗ neti. Andolet ɗiy mənnekeŋ də əgaya.

Gəlyaɗe 69:19

Azar azawa, akõhguwa; məzuzelɗe naw tahəŋ, abitwa.

Isaya 14:1

Ha'aw Daya wawla sasah Yuda, wamsak əwel Israyel əmpa. Wamndeget ɗiy nan aka dələv neti, molhõyẽɗ wasapaŋ azeti gəm kawsapaŋ azet ɗiy na Yuda.

Isaya 19:21

Asna Daya warban zən a Eziptə, pay dəpaska mə Eziptiɗ wasənnən Daya. Waɗɗaŋ sənən wəza də wəzaɓ-Maŋgəlva gəm əvəla. Waynanən met taŋtaŋ sən Daya, wazbanəni.

Isaya 19:23

Pay dəpaska, tive wasapan Eziptə də Asiri. Mə Asiri waddoŋ a Eziptə, mə Eziptiɗe tamə a Asiri. Mə Eziptiɗ wagagdakanən Daya sap dit mə Asiri.

Isaya 27:13

Pay dəpaska, kaffoni gozloro metiŋgini. Asna ɗiy en dəzaŋ aka dələv na Asiri gəm ɗiy en dətrayaŋ aka dələv na Eziptə wamilyoŋgu. Wappu'oŋ aba Yawe a Yerusalem, aka mossorgo metiŋ salala.

Isaya 42:1

Gawla naw məs nədarma van yaŋka, əwel nawi yi, in tat ənnek dəndəni, nəɗiyək əmpəs naw akani, waki ətawwən təstəs sit ɗiy naket dəlveŋge.

Isaya 48:17

Aŋki an Yawe məzukõhguk, Salala na Israyel anahə: Intə Yawe, Maŋgəlva noko. Intə məzuyogok ka kəndərehgəni; intə məzədawguk aka tive məs kədazba.

Isaya 48:7

Zəga an dətoŋ farfari ɓa, kakaŋ kakaŋ nəɗɗa. Kəprəmən əpel akan tak əvoŋ taka tagay ɓa. Vi kədawnahaŋ na: Kəsənənək farfarə ɓa.

Isaya 49:1

Məprəmwa, mənokum mətuwəraɗe, məpak sləmokum, ɗiy na faraɗa. Aka məɓəli əwu ɓa, Yawe ayəwəka; aka nəsaw addəvət mawa, anah iya nawa.

Isaya 49:23

Milyeŋge wassoŋ ka ɗiy nazgəlkuni, gil net milyẽŋge wadiɗkuni. Wappu'oŋ aboko, watarna'ən hologudum naza təlko. Wakəsən na intə Yawe, ɗiy en dəɗinən əɗɗum net akawa, arbaŋ na wil ɓa.

Isaya 49:26

Məzəmgukumən sahã wanəzimgit slu ziti, mbel net wabey va mbazla na meketepe. Asna ɗiy pak wasənnən na məzukõhguk na, intə Yawe, məzubituk na, ndəni Məzuɓappak na Yakob.

Isaya 50:6

Nəppanək dəɓaw sit məzərguwəni, gəm tapaslayu sit məzəptuwən eŋgemewa. Nəɗaman haraw səma əra gəm ətuf mefɗe ɓa.

Isaya 52:15

Vaska'a ɗiy diyɗa waggətaŋ aka wən nani, milyeŋge wamsanən meti. Vi wawlanən an dulanən ɗah ɓa, waprəmən gabba an dəprəmən ɗah ɓa.

Isaya 53:3

Ɗiy azelinke, azganənka, ndən ɗəf na əzəmsahã dəsərək də tatwãha, va ɗəf nakkpaŋgan hara ɗəf səkan vi ɗəf adawlan ɓa, Məzelni, mula azam va ɗəf ɓa.

Isaya 60:10

Molhõyẽɗiŋgə narkanən zlava noko; milyẽŋge net wazaɓ sukun Maŋgəlva. Vi nərgukuk gala gədəvu assan mədani. Ya addəv moggon nawa nəwulək sahã akoko.

Isaya 60:16

Wakəɗəm moŋvo net ɗiy-ɗarə gəm wakəzəm arya net milyeŋge. Akəsən na: Intə Yawe məzukõhguko, Məzuɓappak na Yakob məzubitko.

Isaya 60:3

Asna ɗiy-ɗar wadawaŋ ara əkeɗeɗe noko, milyeŋge, ara təki kasakkasak nok adawdawaŋgə.

Isaya 66:23

Vas adawsan təlaper pak gəm aza va pay naffet agəɗ pakə, ɗiy pak wappu'oŋ abawa, Yawe anahə.

Zakarya 11:8

Yaŋ nəzet məzuteɗəŋge hoku aka təla taka. Maɗɗulaw dəɓəs əsan aket ɓa, net pak mekret tay akaw ɓa.

Matiye 20:28

Vaski kana Wətən Ɗəf dəde ɗiy dəɗɗaŋ sənəngən wəza ɓa, ya vi dəgəɗgən wəza gəm kappan zeŋgilen vi kawbit ɗiy diyɗa.

Matiye 26:67

Yaŋ atufoŋ mefɗe aka harani, arganənək a tapaslayni, aslkərəni,

Luka 22:27

Ya naway dəday di, məs dəsan əzəm sa, awaniɓa məgəɗ sən wəza? Naw nəmna məs dəsan əzəməŋki ɓa sa? Ya naw in tat a walaŋkum va məgəɗ wəza.

Luka 23:18

Aŋzlaŋgək vaŋvəl aka ma taka dawnəh na: Azan ɗəfəŋka appan səm Barabbas.

Luka 23:23

Ya anzlaŋgək vaŋvəl zit soksoku, aɓɗaŋ na nakkpa'i aka məzliwrihe. Geŋgere net adayək kiyən.

Luka 23:35

Ɗiy tahəŋ ziwziw adak ula. Ɗiy gugriɗ kpaŋgənən ka zəga nawmasa, aɓɗaŋ na: Akõhgit ɗiy meɓɓeti, dəkõhgən kiyən tamə an ndəni Kristu məs Maŋgəlva awel kana.

Yohanna 18:40

Ya anzlaŋgək vaŋvəl kan əmpa dawnəh na: Ɗəf aŋki ɓa, Barabbasi. Barabbas van məvoŋtive yi.

Yohanna 19:15

Anzlaŋgək vaŋvəl na: Dəmtə, dəmtə, akkpa' aka məzliwrihe. Pilat aɓsit na: Nəkkpa' məlĩ nokum sa? Deyeɗe net məsdəlveŋge azlanənka: Məlĩ nam tay maɓɓan abbər Kaysara ɓa.

Yohanna 19:6

Ya adan deyeɗe net məsdəlveŋge dit məzu gaŋ awlanəni, aŋzlaŋgək vaŋvəl dawnəh na: akkpa' aka məzliwrihe! Akkpa' aka məzliwrihe! Pilat aɓsit na: Məgəm sən kikum, məkkpa' aka məzliwrihe. Vi naw nərah heslepe azan gala narman ɓa.

1Korintus 1:9

Nawtafi wən na Maŋgəlva məs dəyukum addəv əsap də Wətəni, Yesu Kristu Daya namə.

Əmsak aka Mahenziŋ 7:9

Wakəsən na, Yawe Maŋgəlva noko ndəni Maŋgəlva, Maŋgəlva an gesiŋgi; tay ərma wənmiyna nan gəm moggon nan viyit sayit ɗiy gabal məs dəŋgluwnəni, dərmanən əpel na ənziya,

1Piyer 2:4

Məde azani, ndəni gərəm madarani, məs ɗiy azgaŋgə, ya məweley gəm na sləmay diyɗa ama hara Maŋgəlva.

Hənhən 11:15

Maslay mabuhulet affon gozloro nani: Yaŋ wəlet ɗiy diyɗa ade sə disiŋ dawnəh na: Əzəm məlĩ naka dəlvafuŋ na Daya nami gəm na Kristu nani kakaŋka; wazəm məlĩ hã faɗə.

Hənhən 3:7

Aver sən maslay na gəla na Maŋgəlva na Filadelfiya: Aŋki Ɗəf an Salala, an Gərrakə adawpele, ndən məs dərma lekile na Davit avani, an akoluko, ɗəf tay naɓap əmsan ɓa, an amsanəka ɗəf tay naɓap əkolən ɓa: