Isaya 49:4 - Bible en Guidar

⁴ Naw nənahək na: «Nəyanək kizu ɗar mekeleŋ, nəzanək gbogboŋ naw mekeleŋ aka an atər na ɓa,» ya ərəh naw aza Yawe yi zəga nawrəh na vaw aza Maŋgəlva yi.

Isaya 49:4 ပူးပေါင်းရင်းမြစ်များ

1Milyeŋge 19:10

Yaŋ amna: «Əŋglu nəŋglu Yawe Maŋgəlva net məzəlpaŋ na disiŋ: vi mə Israyelɗe azganənək wənmiyna noko, aɓzluwinik matuyaɗe noko, gəm abeyinik məskəleŋɗe nok də masalam, in takərgu nəpələ, naw van zlaŋ met aka əzan zeŋgilewa.»

Wənməkkpaŋga 29:26

Ɗiy diyɗa dədawkayaŋ kinenek ava ɗəf metiŋ na dəlva, ya səza Yawe yi an dəslə sən ɗəf adazzani.

Isaya 25:1

Yawe, istə Maŋgəlva nawa, wanərban gagdak noko wanətibiren iya noko. Vi kəgəɗək zəgeɗ naggət aketi. Ɓəlɓələŋ farə, aɓlaŋ ɓa.

Isaya 35:4

Mənah sit ɗiy en mekret dəɓoh na: Məsok zukum, kəgeslne'eŋ ɓa, Maŋgəlva nokum yaŋka. Əmpəlkiya wagapə Maŋgəlva wamndan harat huloŋguk sit məzuzelɗe nokum, wade wəkõhgukum.

Isaya 40:10

Yawe Maŋgəlva yaŋka Tay əzzan də gbəgboŋgo, gbogboŋ nan dədawrəh sən məlyã. Əfaɗ na iya na wəza tay avani, zəga nawfet aka ɗəf tay abani.

Isaya 40:27

Vimi is Yakob kədawnəhã, gəm Israyel kədawpel na: «Tive naw aɗamək sə ma hara Yawe, gesiŋ naw tay əɗam sə mahara Maŋgəlva nawa di?»

Isaya 57:21

Zazay tay viyit məsdarawɗe ɓa, Maŋgəlva naw anahə.

Isaya 59:18

Wafaɗ sən naway pak va aza wəza nani, wafaɗ sit məzuseɓ nan də ədagədəva, məzuzelɗe nan tam an dəslə azeti meseŋgiɗin nakki faraɗa wafaɗ sit an dəslə azeti.

Isaya 61:10

Ənnek nədannek addəv Yawe, wanəɗɗəl sən Maŋgəlva nawa, vi askəsuwək lukut nawkohõ, asərətwək də lukut məkso'o na təstəs va ɗəf dəɓel gulku adawɗi zən va məsdəlva, adawɗup kulpup na məlyã, va waŋ məɓelət tədawzaɓan zət dit zəgeɗ na gawla nata.

Isaya 62:11

An Yawe aprəman hã təki dələv abay man yaŋka: Mənah sət waŋ na Siyon na: «Məzukõhguk yaŋ əzzani, də əfaɗ na hanza avani, əfet abani.»

Isaya 65:2

Nətələk vaw pay pak kəlazet ɗiy məɓoŋti, məzəzbanən tive məza moggoni ɓa əzban əɗɗum neti.

Isaya 65:23

Azəmaŋ na sahã ɗar ɓa awaŋ na kirin vi kamtaŋ ɓa. Vi mahəlfa net ɗiy məs Yawe aɗɗa əzaɓ nan aketiŋgə, ndəɗaŋ dit kirtiti.

Ezekiyel 3:19

Ya an kəssak sənək məsdaraw, an dəkkpaŋ səka daraw nan gəm səka tive nan mbərayəŋ ɓa, nan wamtə addəv heslepe nani, nok wakəkõhgən kiyko.

Məsdəlveŋge 26:20

wakəyanən zukum samə, dəlvafuŋ agəɗ na zəga əmpa ɓa, wəleŋɗe naka dələv awaŋ na əmpa ɓa.

Matiye 17:17

Yesu agəmək əpel amna: Sayit ɗiy məs tahəŋ də ətaf ɓa gəm məreygiti, hã gap dewe nədawsaw də mənokum di? Pay gbəgbari nədazban əɓəskum di? Məki su aŋka.

Matiye 23:37

Yerusalem, Yerusalem, is məbay məskəleŋɗe, məskə en məslən azok dit gərmeŋge. Təl gbəgbar nəŋgəl əkkelet ɗiy nok va gəmnda adakkelet kirtin ammba persleken di, ya kəŋgereŋ ɓa.

Luka 24:26

dədah zəgeɗis dəɗɗaŋgən aka Kristu dəzəmgək sahã dətoŋgən addəv gagdak nan ɓa sa?

Yohanna 1:11

Azet ɗiy nan tusso ade, ya ɗiy nan dətafnən ɓa.

Roma 10:21

Ya aka wən net mə Israyelɗe na, amna: Nəsɓətək huruɓ ətəl vaw sit ɗiy məs aprəmaŋ ma ɓa, məɓoŋti.

2Korintus 12:15

Azaw na, də ənneki nədawzan zəga naw pakə, wanəzan kiyu dayday vi zeŋgilokum. Wakəgəsgənən əŋgluwu vi nəŋglukum day sa?

2Korintus 2:15

Vi mənamtə tursan moggon na Kristu sən Maŋgəlva a walaŋgit ɗiy en dədawkõhoŋgu gəm a walaŋgit en dədawzaŋgə.

Galatiyen 4:11

Geslne tay ədu aka wən nokum, vi wəza naw vikum adawsan ɗar ɓa.

Filipi 2:16

də ərma əpel na zeŋgile ɓəlɓələ. Wasan ənnek naw pay na Kristu, vi nənzaw ɗar ɓa, nəyə ɗar ɓa.

Ibriɗe 12:2

haram sekke aka məs dətəŋ gabba ətafa gəm dədaknahani, ana Yesu, ndən məs dəppan ənnek nani, dəɓəs məzliwrihe, əzele, wili, məs dəsan aka dəzəŋ na mazaŋga na Maŋgəlva.