Isaya 49:16 - Bible en Guidar

¹⁶ Yaŋ nəverkuk aka dagrakay vawa, zlavaɗe nok tahəŋ ama haraw pay pakə.

Isaya 49:16 ပူးပေါင်းရင်းမြစ်များ

Əgilye 13:9

Wasan suk zəga narba azan aka voko gəm naɗɗumoni a mirbizkum, vi Mahenziŋ na Yawe dəsangən a moko, vi də van gbogboŋgi Yawe agilguk sə Eziptə.

Gəlya net Gəlyaɗe 8:6

Abasu va zəga nappan gəlan a mokroko, va zəga nappan gəlan aka voko. Vi əŋgla tay gbogboŋ va əmta; əŋgla guromi va əmta; wəzla nan na offo: offo na Yawe yi.

Isaya 26:1

Pay dəpaska, kawyani gəlyaŋ aka dələv na Yuda: Mənam tat də walaŋgəla-metiŋ gbogboŋgo. Daya atərwəslək dit zlavaɗe temtem sula.

Isaya 54:12

Wanəbayma ərka gəla nok dit gərmeŋge na sləma, wanəɗɗe metiveɗ nok dit gərmeŋge pepreŋɗe məzəwiɗəŋgi, gəm zlava nok dit gərmeŋge na sləma.

Isaya 60:18

Kaprəmi gagay aka dələv nok əmpa ɓa, əray gəm əza aket meŋge nok ɓa. Wakəya zlava nok na, əkõho, metiveɗ nok na, əɗikiya.

Isaya 62:6

Aka zlava nok na Yerusalem nəziwgit məgaɗe; dəfəɗ də kapay pakə, adassoŋ simbimme ɓa. Mənokum məzəfɗahan sənən wən nan sən Daya, kəffeteŋ ɓa.

Isaya 62:7

Kədappanən əffet ɓa hã gap an asilginik Yerusalem, hã gap dələv pak dəɗigən ki Yerusalem.

Yeremiya 17:1

Mambray net ɗiy na Yuda məverni də mabəl na təbəz ɓəɓəla. Məverni aka kalaɓ na mekreti gəm aka moho təki nawzaɓ Maŋgəlva neti.

Yeremiya 22:24

Va nəsaw madarawa Yawe aɗiymani: Kəta is Koniya wətən Yoyakim, məlĩ na Yuda asok va ndama aka vaw dəzəŋ zlaŋgə, wanəggbukko.

Haggay 2:23

Yawe Məzuɓappak aɗiyman na, pay nani, Zorobabel wətən Salatiyel, gawla nawa, wanəgəmko Yawe aɗiymani. Wanəɗiyuk va tampoŋ vi anok nəweli, Yawe Məzuɓappak aɗiymani.»