Isaya 49:12 - Bible en Guidar

¹² Yendek əzzoŋ sə faraɗa! Mbirti sə kəla disiŋ gəm sə kəla pehe meɓɓeti səka dələv na Sinim.

Isaya 49:12 ပူးပေါင်းရင်းမြစ်များ

Gəlyaɗe 22:27

Məvoŋgənən kiyit wazəmaŋ kpe'i; məzukayanən Yawe, waɗiynən kini. «Mokrokum, dənnek hã faɗə!»

Gəlyaɗe 72:17

Sləman dəgil hã faɗə, dəgilgən va paya, naway pak dəɓuh səngən ma sən ɗəf maɓɓan də iya nani, ɗiy naka dələv pak wanahaŋ na, azaɓka.

Isaya 11:12

Waslan gabaga narban dəlva wakkelet en mərɓehit sə Israyel gəm kakkelet en mətrayet na Yuda wakkelet sə tapaslay poɗogən na dələv pakə.

Isaya 45:22

Ɗiy naket meŋge na dəlva, məkkpaŋ azawa, wakəkõhoŋgu, vi intə Maŋgəlva, tay maɓɓan əmpa ɓa.

Isaya 49:1

Məprəmwa, mənokum mətuwəraɗe, məpak sləmokum, ɗiy na faraɗa. Aka məɓəli əwu ɓa, Yawe ayəwəka; aka nəsaw addəvət mawa, anah iya nawa.

Isaya 49:18

Aslan horoko, awəl kiyuk tərwəslə, ndəɗaŋ pak akkalaŋka tahəŋ əzzoŋ azoko. Yawe aɗiyman na: Va nəsaw madarawa, ndəɗaŋ pak wakugil azok va zəga na gawla, wakiynet addakuk va waŋ məpsənət zəlta.

Isaya 55:5

Wakəye ɗiy məs kəsin ɓa, ɗiy məs dəsənkun ɓa wanzoŋ azok aka wən na Yawe Maŋgəlva noko, gəm aka wən na Salala na Israyel, vi aɗiyək kiyko.

Isaya 59:19

Asna kawgeslne səni iya na Yawe hã səmmba pay na moskoyo, hã səmmba pay nampum tamə gagdak nani, vi an məzuzel adek va məlpa məknahən əmpəs na Yawe wafu' gabbani.

Isaya 60:4

Abbalan horok kiyuk tərwəslə, ya awla kirtuk pak tahəŋ əmilyoŋgu əkkal azoko. Tahəŋ əzzoŋ sə faraɗa, kirtuk muguluŋgit slək-slək a persleketi.

Yeremiya 30:10

Is Yakob gawla nawa, kəgeslne ɓa Yawe aɗiymani; Israyel kəkker ɓa, vi inyakəŋ kawkõhguk sə faraɗa gəm kirtuk səka dələv an məket aka balamə. Yakob wamili wasan kiyən foŋgo məza əɗɗum ɓa; ɗəf tay nazlzlaɓan ɓa.

Mika 4:2

Ɗiy diyɗa wambataŋ adaka; wanahaŋ na mide məpeŋgin aka mossorgo metiŋ na Yawe addəv gəla na Maŋgəlva na Yakob. Warbet sim tiveɗ nani, mədawgən aket tiveɗ nani vi sə Siyon əyak adawgilyeni, əpel na Yawe tamə sə Yerusalem adazzani.

Zakarya 2:11

Haya! Siyon, akõhgən kiyko, is məs kəsok də gəla a Babilon əŋka.

Zakarya 6:15

En məs faraɗa wazzoŋ karka Gəla na Yawe, wakəsənnən na, Yawe Məzuɓappak dəslənu azokum. Wagəɗə, an mənokum tat əprəm ma Yawe Maŋgəlva nokum lewlewi.

Matiye 8:11

In tat ənah sukum: Ɗiy diyɗa wazzoŋ səmmba pay nampum gəm səmmba pay na moskoyo, wazəmaŋ də Abraham, Isak gəm Yakob addəv məlĩ na disiŋ.

Luka 13:29

Ɗiy wazzoŋ hã səmmba pay nampum gəm na moskoyo sə kəla disiŋ gəm sə dohoŋ wassoŋ addəv məlĩ na Maŋgəlva kawzəma.

Hənhən 11:15

Maslay mabuhulet affon gozloro nani: Yaŋ wəlet ɗiy diyɗa ade sə disiŋ dawnəh na: Əzəm məlĩ naka dəlvafuŋ na Daya nami gəm na Kristu nani kakaŋka; wazəm məlĩ hã faɗə.

Hənhən 7:9

Ɗərɓaga aska, nəwəl na: Ɗiy diyɗa məza ɗəf aɓap na əŋɗet ɓaŋ, ɗiy net səret ɗiy naka dələv pakəŋ, səzet mahəlfaɗe gəm səddəvit maɗe awetdi pakəŋ. Tahəŋ ziwziw aba mazaŋga na məlyã gəm abat ndargayãk dit lukutɗe məsilip babarɗe azeti gəm va gugozlo aveti.