Isaya 49:1 - Bible en Guidar

¹ Məprəmwa, mənokum mətuwəraɗe, məpak sləmokum, ɗiy na faraɗa. Aka məɓəli əwu ɓa, Yawe ayəwəka; aka nəsaw addəvət mawa, anah iya nawa.

Isaya 49:1 ပူးပေါင်းရင်းမြစ်များ

Gəlyaɗe 22:10

Istə kəgilgu səddəvət əmma, yaŋ kəɗiyu a met bide kutuku.

Isaya 11:11

Pay dəpaska, Daya wappar van təl masulani vi kawmet ɗiy en dəppaŋ net ɗiy nani, ɗiy en dəndəwəɗaŋ sə Asiri, gəm sə Eziptə, sə Patros, sə Etiyopi sə Elam gəm sə Babilon, gəm sə Hamat gəm səket mətəwəraɗe na pehe.

Isaya 24:15

Vini adawgagdakanən Daya ammba pay nampum. Aket mətuwəraɗe na pehe, tahəŋ əya iya na Daya Maŋgəlva na Israyel.

Isaya 33:13

Mənokum na faraɗa məprəm an nəgəɗə. Mənokum məs go'o, məsən gagdak nawa.

Isaya 41:1

Mətəwəraɗe, məɓət sləɓək abawa, ɗiy məsok zukum, mədder aŋka, məpeli. Mədam a təki ətawən sap mulagəni.

Isaya 42:12

Dəgagdakanən Yawe, dərbanən əɗi kiyən aket mətəwəraɗe.

Isaya 44:2

Aŋki an Yawe anahə, intə nəɗɗuko, gəm nəzəməɗuk tak uwa noko intat əbbah suko: Geslne aduk ɓa məgəɗ wəza naw Yakob, gəm Yesurun məs nəweli.

Isaya 44:24

Aŋki an Yawe məzukõhguko, məs dezəməɗuk addəvət mok far anahə: «Intə Yawe, məs dəɗɗa an dəsan pakə. Intə takərgu nəpak disiŋ. Pay nəsloprokon dəlvafuŋgu, naway dəsan dəndu di?

Isaya 45:22

Ɗiy naket meŋge na dəlva, məkkpaŋ azawa, wakəkõhoŋgu, vi intə Maŋgəlva, tay maɓɓan əmpa ɓa.

Isaya 45:3

Wanəpsuk əzaɓ məndəkni gəm arya məɗamani. Vasna wakəsən na intə Yawe, in Maŋgəlva na Israyel nəyukuk də iya noko.

Isaya 46:3

Məprəmwa, uwa na Yakob, mənokum məs kəppaŋ na Israyel, mənokum məs məslokum təŋ səddəvət mokum mənokum məs məslokum tak kulanən pay ɓa.

Isaya 49:12

Yendek əzzoŋ sə faraɗa! Mbirti sə kəla disiŋ gəm sə kəla pehe meɓɓeti səka dələv na Sinim.

Isaya 49:5

Ya kakaŋ na, Yawe apelke ndən məs dəzaɓu səddəvət maw ka gawla nani. Ka kawki Yakob azani, gəm kakkalan Israyel azani. Wanərah gagdak a mahara Yawe, Maŋgəlva yi gbogboŋ nawa.

Isaya 51:5

Təstəs naw go'oy, əkõh naw warbə, vaw watawwən aket ɗiyi. Mətuwəraɗe waɗiynən əɗɗum net akawa, wabayən vet ammbawa.

Isaya 52:13

Awla wahhar ammba gawla nawa. Waɓayə, wasan metiŋgini, kawɗiyni kiyən diyɗa.

Isaya 55:3

Məpak sləmokum, mide azawa. Məprəma, wakəssoŋ madorokum. Waninə wənmiyna an faɗ vikum, sesel wanəziw aka moggon na Davit.

Isaya 57:19

Wanəgul əpel nawgagdakaw a meti. Zazaya, zazaya, vi ɗəf an fusu vi ɗəf an go'o Yawe anahə. Wanənzaɗa.

Isaya 60:9

Ɗiy en ɓa' sə mətuwəra aɗiyənək əɗɗum net akawa, bəlayɗe na Tarsis əŋ abe vi kawmilgit kirtuk sə faraɗa də təbəz babar gəm meleŋge neti vi kawgagdakan Yawe Maŋgəlva noko, vi Salala na Israyeli dəpsuk gagdaka.

Isaya 66:19

Wanəziwgin zəga narban gagdak naw aweleŋti. Wanəslin ɗiy en dəndəwəɗaŋ aret ɗiy na Tarsis, Pul, Lud, dələv net məhoŋ herɗe net ɗiy na Tubal gəm Yavan gəm aket mətuwəraɗe faraɗa məs dəprəmən wən naw ɓa, dulanən gagdak naw ɗah ɓa'a. Neti warbanən gagdak naw aweleŋgit ɗiy-ɗarɗeski.

Isaya 7:14

Vini kana, Daya zək nan wapsukum zəga narba azani: Awla waŋ ŋgbuɓɓo watəɗi daway, watəwə wiyna. Watəya iya nan na Emanuwel.

Isaya 9:6

Waɓaygən gagdak na məlĩ nani, wapsən zazay gəm əzəm məlĩ məza əgrak ɓa sən Davit. Wasɓan aka məlĩ nani, watawwən net ɗiy təstəs aka tiveni, təŋ kakaŋka hã faɗə, aski an Daya Məzuɓappak adaɗɗa addəv əŋgla nani.

Yeremiya 1:5

Tak nəɓəl ərkuk addəvət mok ɓa nəsənkuko; nəwelkuk tak məɓəli əwuk tagay ɓa. Nəɗikuk ka məskəleŋ abet ɗiyi.

Sefanya 2:11

Yawe arbanək zən nawgeslne' sən azeti, azetik meŋgilveɗ naka dəlvafuŋ pakə, wappu'oŋ aban naway pak sə gəlan səka dələv nani.

Luka 1:15

Vi wasan metiŋ aba Daya. Asə na mbazla net megezlembirkeɗ ɓa, mbazla məhə̃sən ɓa. Waknah də zeŋgile salala səddəvət mani.

Luka 1:31

Wakəɗi daway, wakəwə wiyən mizilin, kəlvangən na Yesu.

Yohanna 10:36

Ɗəf an Maŋgəlva aweli, aslən aka dəlva. Nokum, mənokum tat ənahaŋ na, is tat əpel mbərayən aka Maŋgəlva, vi nənah na Wətən Maŋgəlva nənani sa?

Galatiyen 1:15

Səza Maŋgəlva dəwelu səddəv maw awla lewi, ayu də mbəlembəle nan,

Efesus 2:17

Adan ade, arbanək Alabara Nenek na zazaya, sukum mənokum akən faraɗa gəm zazay sit en go'o.

Ibriɗe 12:25

Məzi zukum kədawɓoŋgoŋ aka məzupel sukuməŋ ɓa! Adan məs dəɓoŋgoŋ aka məzupel sit aka dələv dəkõhoŋ səma wəzga' ɓa na, mənamtə dərəŋ məkõh kan, an məktuhuk dəɓam sən məzupel səm hã sə disiŋ.

1Piyer 1:20

Məs məwelin daabəŋ ki əzəməɗ na dəlva, mərban aza pay na əgrak na dələv vikum.